Ruth 4:11 - RUAC KUƆTH IN RƐL RƆ

¹¹ Kä cu nɛy diaal ti̱n te nyuurä thok rɛ̈ɛ̈k kɛnɛ di̱t jɛ lar i̱, “Ɣɔ̱ɔ̱n, ɛ jɛn, lakɔ neen. Kä a Kuoth Nhial jak ciëk ɛmɔ ci kuɛn ɔ ce̱tnikɛ Re-cɛl kɛnɛ Leya tëë ca Je-kɔb di̱eth kuay ti ŋuan. A ria̱ŋdu di̱t thok duëël Ɛp-ra-tha, kä a kɛ̈kdu jɔc kä Beth-lɛ-ɣɛm.

Ruth 4:11 Iomraidhean Croise

Tuk Cäkä Ɣɔaa 23:10

Ɛp-rɔn puɔ̱nydɛ tëë rɛy kuayni Ɣɛ̈th tin kɔ̱kiɛn, kä mëë cɛ mëë ca lar ɛ A-bɛ-ram liŋ, cuɛ A-bɛ-ram cu loc nhiam nath diaal tëë ca rɔ̱ dol thok rɛ̈ɛ̈k i̱,

Tuk Cäkä Ɣɔaa 24:60

Kä cu kɛ Rɛ-bɛ-ka poth i̱, “Nyada, bia̱ man nɛɛni ti bathdɔɔri ti thil pe̱k. Kä akɛ ka̱nkɛ röl ji̱ tɛ̈riɛn kɛ buɔ̱m.”

Tuk Cäkä Ɣɔaa 29:16

Ɛn wanɛ mɔ La-ban tëë kɛ nyi̱er da̱ŋ rɛw, nyam in di̱i̱tdiɛn cɔal ɛ Leya, kä gurɛ ɛ Re-cɛl.

Tuk Cäkä Ɣɔaa 29:25

Kua jɛ lɛ me̱t nɛn bɛ, mëë ruɔ̱n kɛ runwaŋ cu nyal a Leya. Cu Je-kɔb La-ban ku thi̱ec i̱, “Ɛŋu ɛnɛ ci lät kɛ ɣä mi? A /cɛ kua kui̱ Re-cɛl ɛ nëë la̱tdä ni ji̱ ikä? Ɛŋu ci ɣä mɛt ɔ?”

Tuk Cäkä Ɣɔaa 29:32

Cu Leya cu ruët kä cuɛ gat mi dhɔl dap, cuɛ ciötdɛ cɔl i̱ Rɛ-u-ben, kɛ ɣöö ɛ jɛn i̱, “Ci Kuoth Nhial riɛk gäyädä nɛn. Täämɛ bi cɔwdä ɣä ku nhɔk.”

Tuk Cäkä Ɣɔaa 35:23

Gaat ciekdɛ ni Leya ɛ Rɛ-u-ben min la kɛ̱̈ɛ̱̈ Je-kɔb, kɛ Cim-on kɛ Lii-bay kɛ Juda kɛ Yi-tha-kar kɛnɛ Dhɛ-bu-lun.

Tuk Cäkä Ɣɔaa 35:24

Kä gaat Re-cɛl ɛ Jo-thɛp kɛnɛ Ben-ya-min.

1 Kua̱r 21:8

Kä cuɛ warɛgakni gɔ̱r kɛ ciöt Ɛ̈-ɣab kä cuɛ kɛ pi̱m kɛ katimdɛ, kä cuɛ warɛgakni jäk kä bööth, kɛnɛ ruëëc tin cieŋ wi̱c kɛɛl kɛ Na-both.

1 Kuɛ̈n 2:51

Kä cu gatdɛ ni Thɛ̈l-ma Beth-lɛ-ɣɛm yiath piny, kä cu gatdɛ ni Ɣa-rep Beth-ga-der yiɛth.

Diit 132:6

Kɔn cakɔ thanduk matdä ruac liɛŋ kä Ɛp-ra-tha, kä cua̱kɔ jɛ jek rɛy ka̱a̱kni Yaar.

Ruac Pɛli 14:1

Pɛl lätdɛ duelɛ, kä dɔ̱ɔ̱r däkɛ duelɛ piny.

Ruac Pɛli 31:23

Kä ŋa̱ckɛ cɔwdɛ rɛy wec, mi cɛ nyuur rɛy di̱tni wec.

Bok Go̱kä ni Yir-mɛ-yaa 32:10

Kä cua̱ warɛgak thany, kä cua̱ jɛ pi̱m kɛ katim, cua̱ nëën nööŋ, kä cua̱ jɛ kuën yio̱o̱kɛ nhiamdiɛn.

Mikaa 5:2

Duundɛ ɣöö ji̱n Beth-lɛ-ɣɛm Ɛp-ra-tha, kuiy ni yɛn rɛy thuɔk duëël Juda. Kä yɛ bi ram in bi I-thɛ-rɛl ruac ben thi̱n, min karkɛ lockɛ nikä nɛy tëë wal.

Mɛ̈t 2:6

‘Ji̱n, Beth-lɛ-ɣɛm rɛy rööl Juda, a cäŋ kuiyi rɛy kua̱ri Juda, bi kuäär ben raar kä ji̱, mi bi nɛɛkä ni ji̱ I-thɛ-rɛl ruac.’ ”

Ŋuɔ̱t 25:7

Kä mi /cɛ jɛ go̱o̱r i̱ bɛ ciek däman ka̱n, a ciek däman wä guäth luɔ̱k kä bööth bɛ kɛ wä jiök i̱, ‘Cɔw ca̱ŋdä lökɛ ɣöö bɛ däman di̱eth gaat kɛ ɣä. /Cɛ jɛ go̱o̱r i̱ bi ciöt däman jɔɔc rɛy ji̱ I-thɛ-rɛl.’

Ŋuɔ̱t 25:9

Bi ciek däman ben kä jɛ nhiam bööthni, kä bɛ war cio̱kädɛ ka̱m raar, kä bɛ waŋdɛ ŋuɔl ruɛy. Kä bɛ wee, ‘Inɔ ba jɛ lät kä wut mi lo̱k ɣöö bɛ gaat däman di̱eth.’

Ruth 1:2

Tëë kɛ wut mi cɔal i̱ Ɛ-li-mɛ-lɛk kɛnɛ ciekdɛ ni Na-omi kɛ gaatkiɛn da̱ŋ rɛw Maa-lɔn kɛnɛ Kil-yon, kɛn kɛ ji̱ Ɛp-ra-tha rɛy rɛ̈ɛ̈k mi cɔal i̱ Beth-lɛ-ɣɛm rööl Juda. Cukɛ put rööl dɔ̱diɛn mi cɔal i̱ Mo-ab kɛ ɣöö bikɛ wä te thi̱n kɛ gua̱a̱th mi tɔt.