Ruth 3:7 - RUAC KUƆTH IN RƐL RƆ

⁷ Cu Bo-ɛ̈dh mi̱th kä cuɛ ria̱ŋ a cu lɔcdɛ gɔaa, kä cuɛ wä tɔ̱ɔ̱c ni jɔk bunä bɛɛl. Kɛ gua̱a̱th mi tɔt cu Ruth rɔ kueel ni määth, cuɛ rɔɔdɛ ben kuɔ̱m piny kɛ jɛ kɛɛl.

Ruth 3:7 Iomraidhean Croise

Tuk Cäkä Ɣɔaa 43:34

Guäth ëë tekɛ mi̱th cu Jo-thɛp läät ja̱k kɛ ɣöö bɛ kɛ nöŋ kuän mi cɛ dääk kä kɛ ɛ jɛn. Kä nɛ̈nɛ jɛ, kuän Ben-ya-min le̱e̱nyɛ kuan gani ti kɔ̱kiɛn ni kä dhieec. Ɛ jɛn cu dämani mi̱th kɛɛl kɛ jɛ kä cukɛ maath kɛɛl kɛ jɛ, kä cukɛ ria̱ŋ, cu lo̱ckiɛn tɛɛth.

2 Tham 13:28

Kä cu Ɛ̈b-ca-lom ja̱a̱ŋkɛ la̱t lat i̱, “Ŋa̱cɛ jɛ mi wä Ɛ̈m-non wä Yɔ̱ŋ kɛ kɔaŋ, kɛnɛ mi wa̱a̱ yɛ jiök i̱, ‘Na̱kɛ jɛ,’ /cuarɛ dual. Na̱kɛ jɛ ɛ ɣän laarɛ mɔ. Buɔ̱mɛ rɔ kä /cuarɛ gal.”

1 Kua̱r 21:7

Kä cu ciekdɛ ni I-dhɛ-bɛl ɛ jiök i̱, “/Ciɛ ji̱n la kuäär I-thɛ-rɛl ɔ? Jiɛc rɔ mi̱thni, a lɔcdu gɔaa. Ɣän bä ji̱ ka̱m kak wal kɛ kui̱ kɔaŋ bɛɛl Na-both raan Yidh-rɛɛl.”

Ɛth-ter 1:10

Kɛ bärɔw ni̱ni, mëë ci kuäär lɔcdɛ ku tɛɛth kɛ kɔaŋ ëë cɛ math, cuɛ Mɛ-ɣu-man kɛnɛ Bidh-ta kɛ Ɣar-bo-na kɛnɛ Big-thɔ kɛ Ä-bag-thɔ kɛ Dhe-thar kɛnɛ Kar-kɛ̈th, jiöwni da̱ŋ bärɔw tin la la̱tkɛ jɛ ikä la̱r ruac,

Diit 104:15

kɛnɛ kɔaŋ mi bi raan moc kɛ tɛ̈th lɔaac, kɛ liɛɛth mi bi jɛ moc puath pua̱a̱ny, kɛnɛ mi̱eth mi bi jɛ moc kɛ buɔ̱m pua̱a̱ny.

Ŋi̱i̱c 10:19

Ŋar naath kɛ ɣöö ba to̱k dɔl, kä mathkɛ kɔaŋ kɛ ɣöö bi lo̱c nath tɛɛth, kä yio̱w kɛ kɛn no̱o̱ŋ ti diaalɔ.

Ŋi̱i̱c 2:24

Thilɛ mi gɔaa kä raan ɛ ni ɣöö bɛ mi̱th kä bɛ maath kɛ kɔaŋ bɛɛl tin cɛ la̱t a bi lɔcdɛ ro̱ŋ. Kä cua̱ jɛ jek bä bëë tetdä Kuɔth,

Ŋi̱i̱c 8:15

Kä ɣän cua̱ lar ni tëk mi gɔaa, kɛ ɣöö thilɛ mi gɔaa kɛ raan ɛn rɛy ɣɔaa ɛmɛ, ɛ ni ɣöö bɛ mi̱th kä bɛ maath, kɛ ɣöö bɛ tekɛ tɛ̈th lɔaac rɛy la̱tdɛ kɛ ni̱n teekädɛ diaal tin ci Kuoth kɛ ka̱m jɛ rɛy ɣɔaa.

Ŋi̱i̱c 9:7

Wër cam kuändu kä math kɔaŋdu kɛ tɛ̈th lɔaac. Kɛ ɣöö ci Kuoth la̱tdu nhɔk.

1 Kor 10:31

Kä ɛnɔ, mi mi̱th yɛn kiɛ mäth yɛn, kiɛ ɛn duɔ̱ɔ̱r ɔ bia la̱t ɔ, la̱tdɛ kɛn diaal kɛ kui̱ puɔnyä Kuɔth.

Ji̱ Ɛ-pɛ-thäth 5:18

Kä /cuarɛ yɔ̱ŋ kɛ kɔaŋ, kɛ ɣöö nɔmɔ bɛ ya̱r ni yɛ, kä a thiäŋ ni yɛn kɛ Yiëë.

Ruëëc 16:25

Kä mëë cikɛ ku yɔ̱ŋ, cukɛ wee, “Cɔalɛ Cim-con, bɛ nɛy ben ŋa̱r ŋar.” Ɛ jɛn cua Cim-con ciöl raar rɛy duëël yieenä, kä cuɛ ŋar nhiamdiɛn. Kä cukɛ jɛ jak kä cuŋɛ kam thieeri.

Ruëëc 19:22

Kɛ gua̱a̱th in mäthkɛ cu tha̱a̱ŋ wutni wec ti jiäk duel go̱l, pi̱mkɛn thi̱i̱k. Kä cukɛ wut in dɔaaŋ in la gua̱n cieŋ jiök i̱, “Kämni wut in ci ben cieŋdu raar, kɛ ɣöö dëë kɔ jɛ ben ka̱n.”

Ruëëc 19:6

Kä cu kɛn da̱ŋ rɛw nyuur mi̱thkɛ kä mäthkɛ kɛɛl. Kä cu gua̱nthudɛ jɛ jiök i̱, “Ku niɛɛn ɛn wääri mi nhɔki jɛ, deri rɔ liŋ.”

Ruëëc 19:9

Kä min ci wut kɛnɛ luɔmdɛ kɛ läätdɛ rɔ jiɛc, kɛ ɣöö bikɛ jiɛɛn. Cu gua̱nthudɛ jɛ jiök i̱, “Nɛnɛ, täämɛ wee kä thiaŋ. Ku niɛɛn ɛn wa̱nɛ. Bɛ cuɔl täämɛ. Teni liŋ rɔ, i̱ run kɛ runwaŋ bia cu jiɛɛn wädun cieŋ.”

Ruth 3:6

Mëë thiaŋ, cuɛ wä guäth kɔ̱a̱m a cuɛ ti̱n diaal tëë ca guɔ̱k jɛ ɛ manthudɛ la̱t.

Ruth 3:8

Kɛ wäärdäär cu Bo-ɛ̈dh päär ni̱n, cuɛ rɔ jiɛc kä cuɛ ciek je̱k tɔ̱ɔ̱cä ciöknikɛ.