Ruth 1:6 - RUAC KUƆTH IN RƐL RƆ

⁶ Kä mëë ci Na-omi jɛ guic, cuɛ rɔ jiɛc a lunyɛ jɔk rööl Mo-ab kɛɛl kɛnɛ män gankɛ tëë ci gaatkɛ kɛ kuɛn ɛn thɔ̱ŋi̱ kɛ ɣöö cɛ jɛ liŋ ɛn thɔ̱ŋi ɛn ɣöö ci Kuoth Nhial nɛɛkɛ ben gui̱l kä cɛ kɛ moc kɛ bɛl ti ro̱ŋ.

Ruth 1:6 Iomraidhean Croise

Tuk Cäkä Ɣɔaa 21:1

Täämɛ cu Kuoth Nhial Thara ciɛŋ ni gɔaa, kä cuɛ ruac ëë lätdɛ jɛ la̱t ce̱tnikɛ mëë cɛ guɔ̱k jɛ.

Tuk Cäkä Ɣɔaa 28:20

Cuɛ ku pal i̱, “Aɣ ji̱n Kuoth, mi bi te kɛɛl kɛ ɣä kä bi ɣä tiɛt lɛɛr rɛy ja̱lä mi wa̱a̱ thi̱n ɛ, kä bi ɣä moc kɛ mi camä kɛnɛ bieyni ti la̱thä,

Tuk Cäkä Ɣɔaa 48:15

Kä cu Je-kɔb Jo-thɛp poth wëë i̱, “A dho̱li ti̱ti̱ ba poth ɛ Kuoth ëë ci gua̱a̱ri bo̱th rɛy lätnikiɛn. Jɛn Kuoth ëë ci ɣä tit ni mëë pay ɣä dap amäni täämɛ.

Tuk Cäkä Ɣɔaa 50:25

Cuɛ gaat I-thɛ-rɛl jak kä bikɛ rɔ̱ yac nhiamdɛ i̱, “Mi wä Kuoth yɛ wä tit, yɛn bia cɔ̱wkä dhil luɔc ro̱o̱l Kɛ-naan.”

Diit 102:14

Kɛ ɣöö päämkɛ gɔwkɛ kä ja̱a̱ŋku nhɔk kɛn ɛ amäni tupdɛ.

Diit 111:5

Kä jɛn la moocɛ nɛy tin luɔ̱thkɛ jɛ mi̱th, kä jɛn /cɛ mat ruacdɛ la pälɛ ruëëc.

Diit 132:15

Ɣän bä Dha-yɔn moc kɛ ria̱ŋ mi di̱i̱t, kä bä ji̱kɛ tin can ro̱ŋ kɛ mi̱eth.

Diit 145:15

Kä guic ti diaal ni ji̱, kä la kämi kɛn diaal mi̱eth kɛ gua̱a̱thdɛ.

Diit 146:7

jɛn ram in käm nɛy tin yɔaŋkɛ cuɔ̱ɔ̱ŋdiɛn, kä mooc nɛy tin näk buɔthkɛ kɛ mi̱eth. Kuoth Nhial cɛ ji̱ yieenä lony,

Diit 147:14

Kä cɛ ji̱ moc mal kɛ ji̱ thieekädu, kä cɛ ji̱ moc kɛ bɛl ti gɔw.

Ɣöth 3:16

Wër, rol di̱t I-thɛ-rɛl guäth kɛl, kä jio̱kni kɛ i̱, ‘Ci Kuoth Nhial Kuoth guuri, Kuoth A-bɛ-ram, Kuoth Ay-dhɛk, Kuoth Je-kɔb rɔɔdɛ nyuɔ̱th ɣä, wëë i̱, ɣän cä yɛ nɛn amäni kɛn tin la̱tkɛ kä yɛ ɛ ji̱ I-jëp.

Ɣöth 4:31

Cu naath ɛ ŋäth mëë cikɛ jɛ liŋ i̱ ci Kuoth Nhial ji̱ I-thɛ-rɛl gui̱l, kä cɛ bɛ̈c bɛ̈ɛ̈ckiɛn nɛn, cukɛ wuɔ̱thkiɛn guɔ̱l piny, cukɛ jɛ pal.

Ruac Pɛli 30:8

Woc kac kä ɣä. Kä /cu ɣä moc can kɛnɛ ria̱ŋ. Käm ni ɣä mi̱eth mi ro̱ŋ kɛ ɣä,

I-ca-yaa 55:10

“Ce̱tnikɛ min la nhiaal kɛnɛ thäc a bëë piny nhial, tin /ci dëë loc jɔk a /ka̱n piny luäny, tin la bɛl a jak kä ciɛk, tin la muɔckɛ naath kuay pi̱thä, kä muɔckɛ naath mi̱eth,

Bok Go̱kä ni Yir-mɛ-yaa 29:10

Kä cu Kuoth Nhial wee i̱, “Mi wä run ti jiɛn bärɔw wä thuuk kä Bɛ̈-bi-lɔn, ɣän bä yɛ gui̱l, bä ruacdä cu jak kä thuɔ̱k, bä yɛ luɔ̱c ɛn guäth ɛmɛ.

Yo-el 2:19

Cu Kuoth Nhial nɛɛkɛ ku loc, jiökɛ kɛ i̱, “Nɛ̈nɛ jɛ ɣän ja̱kä yɛ kä bɛl, kɔaŋ, kɛ liɛth ti ba yɛ ro̱ŋ. Kä /cä yɛ bi jak kä ba nyɔk kɛ ya̱k ɛ nɛy kɔ̱kiɛn.

Dhɛp 2:7

Kä bi mun thuɔk yiëër a duŋ ji̱ dhɔaar Juda tin ci duɔth, ba gua̱a̱th la̱k, kä kɛ thiaŋ bikɛ la tɔ̱ɔ̱c kä Ac-kɛ-lon, kä bi Kuoth Nhial Kuothdiɛn kɛ tit, kä bɛ kɛ luɔ̱c mundiɛn.

Mɛ̈t 6:11

Käm nikɔ mi̱ethda ɛn cäŋ ɛ walɛ, min la camkɔ ciaŋ.

Luk 1:68

“Puɔ̱th akɛ Kuäär ni Kuoth ni Kuoth I-thɛ-rɛl, kɛ ɣöö cɛ nɛɛkɛ ben luäk, kä cuɛ kɛ ben kän.

Luk 19:44

Kä bikɛ ji̱n Jɛ-ru-tha-lɛm da̱k piny, yɛnɛ gaatku tin cieŋ rɛydu, kä /ca päm kɛl mi ca täth rɛydu bi pa̱l wi̱i̱ pa̱a̱m mi dɔ̱diɛn. Kɛ ɣöö /keni gua̱a̱th ëë gui̱l Kuoth ɛ ni ji̱ ŋa̱c.”

1 Tim 6:8

Kä mi ta̱nɛ kɛ mi̱eth kɛnɛ bieyni, kɛ kɛn tɔ̱tɔ̱ bi kɔn ro̱ŋ ɔ.

1 Pit 2:12

Ciëŋɛ agɔaa rɛy Juri, kɛ ɣöö mi dee kɛ yɛ lat jɔ̱ɔ̱r i̱ lapɛ ji̱ nyuɔɔni, bikɛ lätkun tin gɔw nɛn kä bikɛ Kuoth liak kɛ cäŋ in bɛ ɣɔw ben gui̱l.

Ruth 1:5

kä mëë ŋotkɛ thi̱n cu Maa-lɔn kɛnɛ Kil-yon lɛni li̱w. Ɛn wa̱nɔ cu Na-omi duɔth a thil cɔw kɛnɛ gaat ti te nhiamdɛ.

Ruth 1:7

Kä cuɛ tɛth raar guäth ëë tëë thi̱n, jɛn kɛnɛ män gankɛ, jälkɛ dup a wäkɛ muun Juda.

1 Tham 2:21

Kä cu Kuoth Nhial Ɣana poth, cuɛ ruët kä cuɛ dap kɛ dhɔɔl diɔ̱k kɛ nyier da̱ŋ rɛw. Kä cu Tha-muɛl piith nhiam Kuɔth Nhial.