Nyuuth 9:7 - RUAC KUƆTH IN RƐL RƆ

⁷ Kä ce̱t guec kɔaryɔaam kɛ jio̱o̱k tuɔ̱ruɔ̱k ti ca rialikä kɛ kui̱ köör. Te wuɔ̱thkiɛn kɛ ti ce̱tkɛ kuɔ̱mni kua̱ri ti da̱a̱p, kä ce̱t nhiemkiɛn kɛ nhiem nath.

Nyuuth 9:7 Iomraidhean Croise

Bok Go̱kä ni Da-ni-yel 7:4

Kä ley in jio̱liɛn cäätdɛ kɛ lony kä tëë kɛ gɔ̱k ti ce̱tkɛ gɔ̱k cuɔr. Kä cua̱ te gui̱cdɛ, amäni min cua gɔ̱kɛ nɛn ca rɔ̱ guth, kä cua jɛ kap nhial piny cuɛ cuɔ̱ŋ kɛ ciök da̱ŋ rɛw ce̱tkɛ raan, kä cua jɛ moc kɛ ca̱r mi ce̱tnikɛ ca̱r ran.

Bok Go̱kä ni Da-ni-yel 7:8

Kä min ta̱a̱ gui̱c tuɔ̱ŋni, cu tuŋ mi dɔ̱ŋ päl, ɛ tuŋ mi tɔt, cuɛ päl dääriɛn, kɛ ɣöö bɛ kulɛ tekɛ gua̱a̱th, cua tuɔ̱ŋ da̱ŋ diɔ̱k ka̱m raar kä tuɔ̱ŋ tin nhiam. Kä ɛn tuŋ ɛmɔ tëë kɛ nyin ti ce̱tkɛ nyin ran, kɛ thok mi ruac ni liakä.”

Nɛ̈m 3:17

Kä ce̱t ga̱a̱ŋkun nikɛ rak, kä ce̱t ŋi̱eeckun nikɛ buɔ̱n kɔaryɔaam mi ci nyuur puɔ̱ny kal kɛ cäŋ ti̱eek, kä min ci cäŋ lɛ̈p, lakɛ rɔ̱ cua bar, a bɛ thil ram mi ŋäc gua̱a̱thdiɛn.

Nyuuth 6:2

Kä cua guic, kä nɛnɛ, tëëkɛ jio̱k tuɔ̱ruɔ̱k mi bo̱r, kä te ram in kɔt jɛ kɛ bäär. Kä cua jɛ ka̱m kum kuäärä, kä cuɛ ben raar ala tieem, kɛ ɣöö bɛ tiëm.

Nyuuth 9:3

Kä rɛy tuɔɔl cu kɔaryɔaamni ben wi̱i̱ muɔ̱ɔ̱n, kä cua kɛ ka̱m buɔ̱m mi ce̱tkɛ buɔ̱m jiɛɛthni wec muɔ̱ɔ̱n.