Nyuuth 9:4 - RUAC KUƆTH IN RƐL RƆ

⁴ Kä ca kɛ la̱r ɣöö /cikɛ juaac kiɛ ti do̱ny kiɛ jiath wec muɔ̱ɔ̱n bi guëër, ɛ ni nɛy tin thil biɛl thaanyä Kuɔth nhiam kaandiɛn.

Nyuuth 9:4 Iomraidhean Croise

I-yob 1:10

Ɛ ɣöö la gaŋi jɛ kɛnɛ dhɔrɛ kɛ nyinkɛ diaal tin tekɛ jɛ. Kä ci lätkɛ poth, a ci nyinkɛ rɔ̱ rep wi̱i̱ muɔ̱ɔ̱n.

I-yob 1:12

Kä cu Kuoth Gua̱n jiäkni jiök i̱, “Gɔaaɛ, nyinkɛ diaal tin tekɛ jɛ cä kɛ la̱th tetädu, duundɛ ɣöö /cu puɔ̱nydɛ kulɛ guëër.” Kä cu Gua̱n jiäkni jiɛɛn nhiam Kuɔth Nhial.

I-yob 2:6

Kä cu Kuoth Nhial jɛ jiök i̱, “Jɛn ɔ cä la̱th tetkädu mɔ, duundɛ ɣöö /cu jɛ näk.”

Diit 76:10

Kɛ thuɔ̱k ŋɛ̈ɛ̈ny ji̱ tɛ̈ru reepɛ ni kɛ̈kdu, kä duɔth nɛɛni tin ci kään kä ŋɛ̈ɛ̈nydu bikɛ ce̱tnikɛ kum wecdu.

Ɣöth 12:23

Kɛ ɣöö bi Kuoth Nhial ben bɛ ji̱ I-jëp ben näk, kä mi wëë riɛm wä nɛn wi̱i̱ thi̱ek nhial kɛnɛ wäthni thi̱ek da̱ŋ rɛw, jɛn bɛ thi̱i̱k ɛmɔ bäl, kä /cɛ nääk bi nhök ben rɛy duëlikun kɛ ɣöö bɛ yɛ ben näk.

Yɛdh 9:4

Kä cuɛ jɛ jiök i̱, “Wër, jäl rɛy wec Jɛ-ru-tha-lɛm, wër moc nhiam nɛɛni tin jiɛth lo̱ckiɛn kä pär kɛ kui̱ jiäkni diaal tin la̱tkɛ kä Jɛ-ru-tha-lɛm kɛ biɛl.”

Yɛdh 9:6

Na̱kɛ dɔŋ wutni kɛnɛ män, kɛ ŋuɛ̈tni wutni kɛnɛ ŋuɛ̈tni mään, kɛ gaat, duundɛ ɣöö /cuarɛ nɛy tin tekɛ biɛl gueer. Kä tuɔkɛ jɛ ni luaakdä.” Ɛ jɛn, cu kɛn ɛ tok nikɛ di̱t tin te thok luaak Kuɔth.

Mɛ̈t 24:24

Kɛ ɣöö bi mɛthiani kɛnɛ göök ka̱a̱cni rɔ̱ jiɛc, kä bikɛ nyuuthni ti ga̱ykɛ naath la̱t, kɛ ɣöö bikɛ naath böth jɔ̱ɔ̱r, mi tekɛ kɛ lua̱ŋ, bikɛ nɛy ti ca mɛk böth jɔ̱ɔ̱r.

Ji̱ Ɛ-pɛ-thäth 4:30

Kä /cuarɛ Yiëë Kuɔth in Gɔaa in Rɛl Rɔ lɔcdɛ jakä jiɛth, kɛ ɣöö jɛn yiëë ɛ biɛl mi nyooth ɣöö kɛ yɛn nɛɛ Kuɔth kɛ cäŋ luël.

Nyuuth 14:1

Kä cua guic, kä nɛnɛ, wi̱i̱ Pa̱a̱m Dha-yɔn cuŋ Ruath Dɛ̈ɛ̈l thi̱n! Kä te nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan kɛɛl kɛ jɛ, ti ca ciötdɛ kɛnɛ ciöt Gua̱n gɔ̱a̱r nhiam kaandiɛn.

Nyuuth 6:6

Kä cua mi ce̱tkɛ jɔw ran liŋ däär leeyni da̱ŋ ŋuan tin tëk, wëë i̱, “A ki̱lu nuɔ̱p kɛl a yio̱w ti tɔt, kä a ki̱luni nuɔ̱p da̱ŋ diɔ̱k la yio̱w ti tɔt, kä duundɛ ɣöö /cuarɛ liɛɛth kɛnɛ kɔaŋ ŋar ŋar!”

Nyuuth 7:1

Kɛ kɔr kä mɛmɛ cua ja̱a̱k nhial da̱ŋ ŋuan nɛn cuŋä pekni ɣɔaa da̱ŋ ŋuan, gëlkɛ jiɔam wec muɔ̱ɔ̱n da̱ŋ ŋuan jɔk, kɛ ɣöö bɛ thil jiɔam mi put wi̱i̱ muɔ̱ɔ̱n kiɛ bar kiɛ kä jiɛn.

Nyuuth 8:7

Cu jääk in nhiam kaaŋdɛ koth, kä cu nhiaal guiyni kɛnɛ mac mi ca liɔm kɛ riɛm pɛn wi̱i̱ muɔ̱ɔ̱n. Kä cu kɛl diɔ̱ɔ̱kni wec muɔ̱ɔ̱n waaŋ, kä cu kɛl kä diɔ̱ɔ̱k jiɛn waaŋ, kä cu juaac diaal tin tɔ̱ɔ̱c waŋ.