Nyuuth 9:2 - RUAC KUƆTH IN RƐL RƆ

² Cuɛ kɔ̱a̱k mi thil piny lɛp, kä cu mi ce̱tkɛ tol maac tha̱t yieethä mi di̱i̱t päl rɛy kɔ̱kä, kä cu cäŋ kɛnɛ rɛy jiɔam cuɔl kɛ tol in bä rɛy kɔ̱kä.

Nyuuth 9:2 Iomraidhean Croise

Tuk Cäkä Ɣɔaa 15:17

Inɔ, mëë ci cäŋ ku kony guäth ëë ci ɣɔw kua̱ muth, nɛ̈nɛ jɛ, cu gua̱a̱th ri̱i̱ŋ tin kɔŋ tekɛ mi ce̱t kɛ tul dhar kɛnɛ mac mi bo̱l, kä kɛn re̱tkɛ kɛ där baakni le̱e̱yni tɔ̱tɔ̱.

Tuk Cäkä Ɣɔaa 19:28

Cuɛ wec Thɔ-dɔm kɛnɛ Go-mo-ra kɛ rɛy lo̱o̱lä nɔmɔ cu guic kɛɛliw, cuɛ nɛn ni wec mi ci tolɛ kac ni pua̱a̱r ce̱tdɛ nikɛ tol waŋä mi di̱i̱t.

Ɣöth 19:18

Cu päm Thi-nay kɛɛliw thia̱a̱ŋ kɛ tol kɛ ɣöö ci Kuoth Nhial nyuur wi̱i̱dɛ kɛ mac. Cuɛ tolɛ biɛr ni pua̱a̱r ce̱tkɛ tol tuɔɔp mi buɔ̱lkɛ. Kä cuɛ päm lath ɛ ri̱p ri̱p.

I-ca-yaa 14:31

Wieeɛ lö thiekni, rötdɛ lö wi̱i̱, a lo̱ckun bath lö yɛn ji̱ Pi-li-thɛt diaal! Kɛ ɣöö bi tol ben kui̱c caam, ɛ rɛm mi thilɛ ram mi dual thi̱n.”

Bok Go̱kä ni Da-ni-yel 3:6

Kä ram mi /ken rɔ ka̱m mua̱a̱l ɛ palɛ puɔ̱ny in ca täth, ba ram ɛmɔ yuɔr rɛy maac mi pɛt.”

Yo-el 2:10

Kä lathɛ piny kɛnɛ nhial nhiamdiɛn, bi cäŋ kɛnɛ pay a muth, kä bi kuɛl riaw riaawdiɛn thil.

Yo-el 2:2

Ɛ jɛn cäŋ muɔ̱th wunä mi col, rɛm mi di̱i̱t mi bum a bëëni, cäänɛ jɛ päämni a cɛ ɣɔw kum ɛ dur ce̱tkɛ muth. Thilɛ duɔ̱ɔ̱r mi ci me̱t ce̱tkɛ jɛ ni tukä ɣɔaa, kä /cɛ rɔ bi me̱t nyɔk ri̱cni tɔ̱ bi ben tɔ̱.

Yo-el 2:30

“Kä bä nyuuthni ŋun, nhial kɛnɛ piny, riɛm kɛnɛ mac kɛ wuɔ̱n tuɔɔl.

Lät Jaakni Yecu 2:19

Kä ɣän bä ti ga̱ykɛ naath nyoth nhial puɔ̱ɔ̱rä kɛnɛ nyuuthni wi̱i̱ muɔ̱ɔ̱n, riɛm, kɛ mac, kɛ tol.

Nyuuth 14:11

Kä bi tol maac in waaŋkɛ wä nhial amäni cäŋ kɛl. Kä bɛ thil lɔ̱a̱ŋ, kɛ cäŋ kiɛ wäär, kä nɛy tin palkɛ ley kɛnɛ cätdɛ, amäni ram ɔ ci biɛl cio̱tädɛ jek ɔ.”

Nyuuth 16:10

Cu jääk nhial in dhieecdiɛn min te rɛy thaakdɛ wuɔc wi̱i̱ kɔam kuäärä lɛ̱̈ɛ̱̈, kä cu kuäärɛ cuɔl ala muth. Kä cu naath lëëpkiɛn kac kɛ bɛ̈c pua̱nynikiɛn.

Nyuuth 8:12

Cu jääk nhial in ŋuaandiɛn kaaŋdɛ koth, kä cua pek ca̱ŋ in diɔ̱ɔ̱kdiɛn bak, kɛnɛ pek path, kɛ pek ciɛri in diɔ̱ɔ̱kdiɛn bä. Kä cu pek buɔyädiɛn in diɔ̱ɔ̱kdiɛn cu cuɔl. Cua pek ca̱ŋ in diɔ̱ɔ̱kdiɛn pën buay, cu mäni pek wa̱r inɔ bä.

Nyuuth 9:1

Kä cu jääk nhial in dhieecdiɛn kaaŋdɛ koth, kä cua cier mi ci pɛn piny nhial nɛn, kä cua jɛ ka̱m leep kɔ̱kä mi thil piny.

Nyuuth 9:11

Tekɛ kɛ kuäär in ruac kɛ min la jääk kɔ̱kä mi thil piny. Kä cɔalkɛ ciötdɛ i̱ “Ä-ba-don” kɛ thok Ɣi-bɛ-ru, kä kɛ thok Gɛ-rith cɔalkɛ jɛ i̱ “A-pɔ-li-yon”.

Nyuuth 9:17

Kä cua jɛn nën in cä nɛɛn ni jio̱o̱k tuɔ̱ruɔ̱k rɛy nyuuthädä. Kä nɛy tin kɔat kɛ kɛ ciaŋkɛ köötni yieethä bapdiɛn ti luaal ce̱tkɛ mac, kɛ ti jaŋ jaaŋ ce̱tkɛ pua̱a̱r, kɛnɛ wäl mi yian in waŋkɛ. Kä ce̱t wuɔ̱th jio̱o̱kni tuɔ̱ruɔ̱k kɛ wuɔ̱th lonyni, kä bä ni mac kɛnɛ tol, kɛ wäl mi kɛc ŋuänydɛ raar thuknikiɛn.