Nyuuth 9:17 - RUAC KUƆTH IN RƐL RƆ

¹⁷ Kä cua jɛn nën in cä nɛɛn ni jio̱o̱k tuɔ̱ruɔ̱k rɛy nyuuthädä. Kä nɛy tin kɔat kɛ kɛ ciaŋkɛ köötni yieethä bapdiɛn ti luaal ce̱tkɛ mac, kɛ ti jaŋ jaaŋ ce̱tkɛ pua̱a̱r, kɛnɛ wäl mi yian in waŋkɛ. Kä ce̱t wuɔ̱th jio̱o̱kni tuɔ̱ruɔ̱k kɛ wuɔ̱th lonyni, kä bä ni mac kɛnɛ tol, kɛ wäl mi kɛc ŋuänydɛ raar thuknikiɛn.

Nyuuth 9:17 Iomraidhean Croise

Tuk Cäkä Ɣɔaa 19:24

Kä cu Kuoth Nhial macdɛ mi bëë ni nhial wuɔc wi̱c Thɔ-dɔm kɛnɛ Go-mo-ra.

1 Kuɛ̈n 12:8

Kä cu tha̱a̱ŋ ji̱ Gad rɔ̱ ma̱t Dee-bid mëë tëë rɛy dɔaar rɛy kɔ̱a̱kni. Kɛ nɛy ti buɔ̱m buɔ̱ɔ̱m ti ŋa̱ckɛ ko̱r. Ce̱t ta̱diɛn kɛ lony, kä puɔlkɛ ce̱tnikɛ kɛ̈w dɔaar.

Diit 11:6

Bɛ ji̱ nyuɔɔni jäk kä mac miim mi ci bo̱o̱l, kä bɛ ka̱m nikɛ jiɔam ka̱lwa̱w.

I-ca-yaa 30:33

Ca gua̱a̱th maac rialikä nikɛ gua̱a̱th ëë ci wä. Ca rialikä kɛ kui̱ kua̱ri, ɛn pul maacdɛ ca rialikä lueŋɛ kä ɛ ɣäp ɣäp, kɛ mac mi di̱i̱t kɛ jiɛn ti ŋuan. Kä yiëë Kuɔth Nhial in ce̱tnikɛ lo̱o̱l maac, bɛ jɛ cua̱th.

Yɛdh 33:22

Täämɛ ci buɔ̱m Kuɔth Nhial ben kä ɣä nikɛ thiaŋ a /ken pɛ̈ɛ̈c ni ben. Duundɛ ɣöö Kuoth Nhial cɛ thokdä lɛp kɛ thaak ëë bi cu cop kɛ ram min ci kään kɛ runwaŋ. Inɔ, cu thokdä rɔ lɛp /ka̱n lɛ ŋot kɛ di̱w di̱i̱w a /cä ruac luäŋ.

Bok Go̱kä ni Da-ni-yel 8:2

Rɛy läkä, ɣän cua̱ rɔɔdä nɛn ta̱a̱ däär wec Cu-cɛ̈n in di̱i̱t, kä Ee-lam rɛy läkä ta̱a̱ peek in lot ni Kir Ulay.

Bok Go̱kä ni Da-ni-yel 9:21

Kä min palä cu jääk ni Gab-ri-yel ëë cä kɔŋ nɛn kɛ la̱k ben kä ɣä kɛ pɛ̈th kɛ gua̱a̱th thiaŋ in la thöpkɛ muc tin waŋkɛ.

Nyuuth 11:5

Kä mi tëëkɛ ram mi go̱o̱r ɣöö bikɛ moc riɛk, bä mac raar thokdiɛn, kä waŋkɛ ji̱ tɛriɛn. Ram ɔ bikɛ moc riɛk ɔ ba jɛ näk kɛ jɛn duɔ̱ɔ̱p ɛmɔ.

Nyuuth 14:10

bikɛ maath kɛ kɔaŋ waŋä lɔaac Kuɔth, mi ca wuɔc a /ka̱n liɔm rɛy lirä ŋɛɛnyädɛ, kä bɛ pua̱nykiɛn jakä bɛc kɛ mac kɛnɛ wal tin kɛc ŋuänydiɛn nhiam ja̱a̱kni nhial tin rɛ̈lkɛ rɔ̱ kɛnɛ nhiam Ruath Dɛ̈ɛ̈l.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

Nyuuth 21:20

kä dhieecdiɛn kɛ guiy ti ca̱a̱r, bäkɛliɛn kɛ guiy ti ma̱li ti gɔw, bärɔwdiɛn kɛ guiy ti col tɔ̱ɔ̱cdiɛn, bädäkdiɛn kɛ guiy ti duäy, bäŋuandiɛn kɛ guiy ti tuɔkni, wäliɛn kɛ guiy ti buɔy tɔ̱ɔ̱cdiɛn, wälkɛliɛn kɛ guiy ti thiääŋ, wälrɛwdiɛn kɛ guiy ti ya̱ni.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 9:18

Kä kɛ rik da̱ŋ diɔ̱k ti̱ti̱, ca pek nath in diɔ̱ɔ̱kdiɛn näk, kɛ ben mac kɛnɛ tol, kɛ wäl mi kɛc ŋuänydɛ raar thuknikiɛn.

Nyuuth 9:9

Tekɛ kuac ti buɔ̱m buɔ̱ɔ̱m ti ce̱tkɛ köötni yieethä bapdiɛn, kä ce̱t wuɔ̱w gɔ̱ɔ̱kiɛn kɛ wuɔ̱w jio̱o̱kni tuɔ̱ruɔ̱k ti ŋuan, ti yɔ̱a̱ckɛ thurbiɛɛli ti riŋ ko̱o̱r.