Nyuuth 8:8 - RUAC KUƆTH IN RƐL RƆ

⁸ Cu jääk nhial in rɛwdɛ kaaŋdɛ koth, kä cua duɔ̱ɔ̱r mi di̱i̱t, mi ce̱tkɛ päm mi pɛt kɛ mac yuɔr däär bar.

Nyuuth 8:8 Iomraidhean Croise

Bok Go̱kä ni Yir-mɛ-yaa 51:25

“Nɛ̈nɛ jɛ, ɣän gakä kɛ ji̱ lö päm mi dääk, min däk wi̱c muɔ̱ɔ̱n ni kɛɛliw. Ɣän bä tetdä riny, gakä kɛ ji̱ bä ji̱ lɛ̈r kɔ̱a̱kni pa̱a̱m. Kä bä ji̱ jakä päm mi ci waaŋ.

Yɛdh 14:9

“Mi ca gök mɛ̈t kä bɛ ruac lat, ɛ ɣän Kuoth Nhial mɛɛt gök ɛmɔ, kä bä ŋɛ̈ɛ̈nydä nyuɔ̱th jɛ kä bä jɛ däk rɛy nɛɛnikä ni ji̱ I-thɛ-rɛl.

A-mɔth 7:4

Ci Kuäär ni Kuoth Nhial ɣä nyɔk kɛ nyuth nɛmɛ. Rɛydɛ cua jɛ nɛn cɛ rɔ rialikä kɛ ɣöö bɛ nɛɛkɛ ben luk kɛ mac. Cu mac Bar in di̱i̱t in te piny muɔ̱ɔ̱n dhɔ̱ŋ kɛ pɛt, kä kɛ kɔrɛ cuɛ ben wi̱i̱ muɔ̱ɔ̱n.

Dhɛk 13:8

Kä cu Kuoth Nhial wee i̱, “Ba tin ŋuankɛn koc kä bikɛ cu li̱w, kä bi tin kuiynikɛn duɔth a tëk.

Dhɛk 13:9

Kä bä tin kuiynikɛn la̱th maac, kä bäkɛ lɛy ce̱tkɛ min la raan ciɛk in bo̱r a lɛɛy, kä bäkɛ ɣɔ̱n ce̱tkɛ min la raan da̱a̱p ɛ ɣɔ̱n. Kä bikɛ ɣä pal, kä bäkɛ liŋ. Kä bä wee i̱, ‘Kɛ nɛɛkä.’ Kä bikɛ wee i̱, ‘Kuoth Nhial Kuothda.’ ”

Mak 11:23

Ɛpuc, ɣän la̱rä jɛ yɛ, mi ci yɛn päm ɛmɛ jiök i̱, ‘Woc rɔɔdu wanɛ mɛ, kä wër där baar,’ mi thilɛ lɔcdu diw, a bi ŋa̱th ni ji̱n ɛn ɣöö bi min ci lar tuɔɔk ba lät kä ji̱.

Nyuuth 11:6

Tekɛ kɛ lua̱ŋ kɛ ɣöö ba pua̱a̱r gäk, kɛ ɣöö /ci nhiaal bi dɛ̈m kɛ ni̱n tin lat kɛn ɛ ruac Kuɔth, kä tekɛ kɛ lua̱ŋ kɛ ɣöö dëë pi̱ loc ni riɛm, kɛnɛ ɣöö dëë wi̱c muɔ̱ɔ̱n duäc kɛ rik diaal, ce̱tkɛ gua̱a̱th in go̱o̱r kɛn ɛ.

Nyuuth 12:4

Cu juälɛ pek ciɛri in diɔ̱ɔ̱kdiɛn nhial rol, kä yorɛ kɛ piny wi̱i̱ muɔ̱ɔ̱n. Kä cu nyaŋ cuɔ̱ŋ nhiam ciëk in ci thia̱k kɛ dap, kɛ ɣöö bɛ gatɔ wa dapɔ roc.

Nyuuth 8:7

Cu jääk in nhiam kaaŋdɛ koth, kä cu nhiaal guiyni kɛnɛ mac mi ca liɔm kɛ riɛm pɛn wi̱i̱ muɔ̱ɔ̱n. Kä cu kɛl diɔ̱ɔ̱kni wec muɔ̱ɔ̱n waaŋ, kä cu kɛl kä diɔ̱ɔ̱k jiɛn waaŋ, kä cu juaac diaal tin tɔ̱ɔ̱c waŋ.

Nyuuth 9:15

Kä ɛnɔ cua ja̱a̱k nhial da̱ŋ ŋuan lony, tin ca ka̱p piny a cikɛ rɔ̱ rialikä kɛ kui̱ thaakä, kɛnɛ ca̱ŋ, kɛ pay, kɛnɛ ruɔ̱n, kɛ ɣöö bikɛ pek nath in diɔ̱ɔ̱kdiɛn näk.

Nyuuth 9:18

Kä kɛ rik da̱ŋ diɔ̱k ti̱ti̱, ca pek nath in diɔ̱ɔ̱kdiɛn näk, kɛ ben mac kɛnɛ tol, kɛ wäl mi kɛc ŋuänydɛ raar thuknikiɛn.