Nyuuth 8:7 - RUAC KUƆTH IN RƐL RƆ

⁷ Cu jääk in nhiam kaaŋdɛ koth, kä cu nhiaal guiyni kɛnɛ mac mi ca liɔm kɛ riɛm pɛn wi̱i̱ muɔ̱ɔ̱n. Kä cu kɛl diɔ̱ɔ̱kni wec muɔ̱ɔ̱n waaŋ, kä cu kɛl kä diɔ̱ɔ̱k jiɛn waaŋ, kä cu juaac diaal tin tɔ̱ɔ̱c waŋ.

Nyuuth 8:7 Iomraidhean Croise

Diit 105:32

Kä cuɛ jäk nikɛ kä guiy ala nhiaal mi dɛm, kɛnɛ yiel nhial muundiɛn kɛɛliw.

Ɣöth 9:33

Cu Muthɛ cu jiɛn däär wec nhiam Pɛro, cuɛ te̱tkɛ wä ta̱r Kuoth Nhial, kä cu ma̱a̱r kɛnɛ nhiaal guiiyni cuɔ̱ŋ, kä cuɛ thil nhiaal mi lɛn ŋot kɛ dɛ̈m piny.

I-ca-yaa 28:2

Kä nɛnɛ, Kuäär tëë kɛ ram mi bum, ce̱tdɛ nikɛ ruɔth kɛnɛ jiɔam mi bum, ce̱tdɛ nikɛ nyɔc mi cään, bɛ wec ɛmɔ kuɛr ni piny.

I-ca-yaa 29:6

bi Kuoth Nhial in la Ruey Ɣɔaa yɛ gui̱l, bɛ yɛ gui̱l kɛ ma̱a̱r kɛnɛ lath piɛny kɛ rɔal mi di̱i̱t, bɛ yɛ gui̱l kɛ ruɔth kɛnɛ thul, kɛ mac mi pɛt ŋɔak.

I-ca-yaa 30:30

Ɛn Kuoth Nhial bɛ naath jak kä liɛŋkɛ jɔwdɛ min bum, kä bikɛ rɛmdɛ nɛn bëë piny kɛ ŋɛ̈ɛ̈ny mi di̱i̱t kɛnɛ mac mi waaŋ ŋɔak, kɛ wuɔ̱n mi ma̱a̱r kä tëë kɛ nhiaal guiiyni.

I-ca-yaa 32:19

Cäŋ bi nhiaal guiiyni rup däk, kä bi wec da̱k kɛɛliw.

Yɛdh 38:22

Kɛ liaw kɛnɛ ko̱r ɣän bä Gog luk kɛ kɛ. Ɣän bä nhiaal thuɔ̱ɔ̱l kɛnɛ nhiaal guiiyni, kɛ mac kɛnɛ tol mi tekɛ ŋuäny mi jiääk, jakä dɛm kä jɛ kɛnɛ rɛmdɛ kɛ nɛy tin ŋuan tin te kɛɛl kɛ jɛ.

Yo-el 2:30

“Kä bä nyuuthni ŋun, nhial kɛnɛ piny, riɛm kɛnɛ mac kɛ wuɔ̱n tuɔɔl.

Je-mɛth 1:11

Kɛ ɣöö la cäŋ a lɛp kɛ lëthdɛ kä bɛ juaac waŋ. Kä bɛ gaakni juaacni jakä pɛn, kä bi gɔɔydiɛn thuɔ̱k. Bɛ a jɛn ta̱a̱ raam mi riäŋ riäŋ ɛn nɔmɔ bä, jɛn bɛ ria̱r gua̱a̱th in lätdɛ lätkɛ.

Jɔ-cua 10:11

Kä ɛn guäth in barkɛ ni rɔ̱ kä ji̱ I-thɛ-rɛl min luɔ̱ŋkɛ rɔ̱ piny wi̱i̱ pa̱a̱m kä Beth-o-ron, cu Kuoth Nhial kɛ bök ni nhial kɛ guiy nhial kä cu guiy kɛ na̱k lɛɛr amäni Ä-dhe-ka. Kä cu ŋuan ni nɛy tin ci guiy kɛ thöŋ kä tin ci ji̱ I-thɛ-rɛl kɛ näk kɛ yio̱w.

1 Pit 1:24

Ci ruac Kuɔth wee i̱, “Ce̱t nɛy diaal kɛ juaac, kä ce̱t wuɔ̱t nath kɛ gaakni juaacni. Juaac la rɔlkɛ, kä la pɛn gaaknikiɛn,

Nyuuth 12:4

Cu juälɛ pek ciɛri in diɔ̱ɔ̱kdiɛn nhial rol, kä yorɛ kɛ piny wi̱i̱ muɔ̱ɔ̱n. Kä cu nyaŋ cuɔ̱ŋ nhiam ciëk in ci thia̱k kɛ dap, kɛ ɣöö bɛ gatɔ wa dapɔ roc.

Nyuuth 16:2

Kä ɛnɔ cu jääk in nhiam wä, cuɛ min te rɛy thaakdɛ wä wuɔc wi̱i̱ muɔ̱ɔ̱n, kä cu jiööri ti ŋuɔ̱th ŋuɔ̱ɔ̱th ti bɛc päl kä nɛy tin tekɛ biɛl lɛ̱̈ɛ̱̈ kɛnɛ nɛy tin palkɛ cätdɛ.

Nyuuth 16:21

Kä cuɛ tekɛ nhiaal guiyni ti di̱t ti ce̱t thiakdiɛn kɛ ki̱lu gɛrɛ̈mni ti jiɛn dhieec, cukɛ pɛn kä naath, amäni mëë wäkɛ Kuoth kuëth kɛ kui̱ rikä nhiaal guiyni, kɛ ɣöö ɛ riɛk guiyni mi jiääk.

Nyuuth 6:8

Kä cua guic, kä nɛnɛ, tëëkɛ jio̱k tuɔ̱ruɔ̱k mi yian, kä cɔalkɛ ciöt raam min kɔt jɛ i̱ “Lia̱a̱”, kä guɔ̱ɔ̱rkɛ jɛ ɛ Ro̱l jɔɔkni. Kä cua kɛ ka̱m lua̱ŋ kɛ ɣöö ba kɛl ŋuaani kä ji̱ wec muɔ̱ɔ̱n näk kɛ ko̱r, kɛnɛ buɔth, kɛ liaw, kɛnɛ ley dɔaar.

Nyuuth 7:1

Kɛ kɔr kä mɛmɛ cua ja̱a̱k nhial da̱ŋ ŋuan nɛn cuŋä pekni ɣɔaa da̱ŋ ŋuan, gëlkɛ jiɔam wec muɔ̱ɔ̱n da̱ŋ ŋuan jɔk, kɛ ɣöö bɛ thil jiɔam mi put wi̱i̱ muɔ̱ɔ̱n kiɛ bar kiɛ kä jiɛn.

Nyuuth 9:15

Kä ɛnɔ cua ja̱a̱k nhial da̱ŋ ŋuan lony, tin ca ka̱p piny a cikɛ rɔ̱ rialikä kɛ kui̱ thaakä, kɛnɛ ca̱ŋ, kɛ pay, kɛnɛ ruɔ̱n, kɛ ɣöö bikɛ pek nath in diɔ̱ɔ̱kdiɛn näk.

Nyuuth 9:18

Kä kɛ rik da̱ŋ diɔ̱k ti̱ti̱, ca pek nath in diɔ̱ɔ̱kdiɛn näk, kɛ ben mac kɛnɛ tol, kɛ wäl mi kɛc ŋuänydɛ raar thuknikiɛn.

Nyuuth 9:4

Kä ca kɛ la̱r ɣöö /cikɛ juaac kiɛ ti do̱ny kiɛ jiath wec muɔ̱ɔ̱n bi guëër, ɛ ni nɛy tin thil biɛl thaanyä Kuɔth nhiam kaandiɛn.