Nyuuth 8:5 - RUAC KUƆTH IN RƐL RƆ

⁵ Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.

Nyuuth 8:5 Iomraidhean Croise

1 Kua̱r 19:11

Kä cu Kuoth Nhial jɛ jiök i̱, “Wër nhiam, wër cuŋni wi̱i̱ pa̱a̱m nhiamdä.” Kä nɛnɛ, cu Kuoth wä kɛ ɛn wa̱nɛ mɔ, kä cu jiɔam mi di̱i̱t mi bum bum päm tiath, kä cuɛ guiy thor nhiam Kuɔth Nhial. Duundɛ ɣöö /ci Kuoth Nhial te rɛy jiɔam. Kä kɛ kɔr jiɔam cua lath piɛny. Duundɛ ɣöö /ci Kuoth Nhial te kä lath piɛny.

Diit 18:13

Cu Kuoth Nhial ma̱r ni nhial, ɛn Kuoth in Di̱t ni Jɛn cɛ jɔwdɛ ja̱k, kɛ nhiaal guiiyni kɛnɛ yi̱el.

Ɣöth 19:16

Kɛ diɔ̱ɔ̱k ni̱ni bakä, cuɛ tëë ma̱r kɛnɛ yie̱l mi di̱i̱t kä cu wi̱c pa̱a̱m tëë pua̱r mi gärgär, kä cuɛ tekɛ jɔw kaaŋä mi riɛɛr ɛlɔ̱ŋ mi cu nɛy tëë te wi̱c moc lath.

I-ca-yaa 29:6

bi Kuoth Nhial in la Ruey Ɣɔaa yɛ gui̱l, bɛ yɛ gui̱l kɛ ma̱a̱r kɛnɛ lath piɛny kɛ rɔal mi di̱i̱t, bɛ yɛ gui̱l kɛ ruɔth kɛnɛ thul, kɛ mac mi pɛt ŋɔak.

I-ca-yaa 30:30

Ɛn Kuoth Nhial bɛ naath jak kä liɛŋkɛ jɔwdɛ min bum, kä bikɛ rɛmdɛ nɛn bëë piny kɛ ŋɛ̈ɛ̈ny mi di̱i̱t kɛnɛ mac mi waaŋ ŋɔak, kɛ wuɔ̱n mi ma̱a̱r kä tëë kɛ nhiaal guiiyni.

I-ca-yaa 66:6

“Liɛŋɛ rɔal ɛ di̱i̱t ɛmɔ rɛy wec! Jɔw mi di̱i̱t rɛy luaak Kuɔth! Ɛ jɔw Kuɔth Nhial, culɛ ji̱ tɛ̈rɛ ti diaal tin derɛ cuɔ̱lkɛ!

Bok Go̱kä ni Yir-mɛ-yaa 51:11

“Thɛ̈rɛ kuen kueeni! Ka̱nɛ köötni! Kuoth Nhial cɛ lɔc kua̱r Ma-day jiɛc, kɛ ɣöö go̱o̱rɛ mi däkɛ Bɛ̈-bi-lɔn, kɛ ɣöö bi Kuoth Nhial rɔ col, bɛ cut la̱t kɛ kui̱ luaakdɛ.

Liib 16:12

A jɛ kän thak maac mi cɛ thiäŋ kɛ rual maac wi̱i̱ yi̱kä, kä bɛ rɔ jiöm kɛ tët da̱ŋ rɛw kä wal tin kuɔ̱r kuɔ̱ɔ̱r, kä akɛ nööŋɛ jɔk ge̱e̱lä guäth in rɛl gɔɔydɛ rɔ.

Dhɛk 14:5

Kä bia rɔ̱ bar kɛ rɛy lo̱o̱lä pa̱a̱mdä kɛ ɣöö räthɛ nikä A-dhel. Kä bia rɔ̱ bar ce̱tnikɛ mëë barɛ rɔ̱ kɛ lath piɛny, mëë Ö-dhi-ya ɛ kuäär Juda. Kä bi Kuoth Nhial Kuothdä ben kɛɛl kɛ nɛy diaal tin lɛ̈ykɛ rɔ̱.

Mɛ̈t 24:7

Kɛ ɣöö bi do̱rɔ rɔ jiɛc kɛ do̱rɔ, kɛ kuäärɔ kɛnɛ kuäärɔ, kä bɛ tekɛ buaath kɛnɛ lath piɛny gua̱thni.

Luk 12:49

“Ba̱a̱ kɛ ɣöö bä mac yuɔr wi̱i̱ muɔ̱n, kä cua̱ go̱r ni ɣöö cɛ ku thuŋ dɔap!

Lät Jaakni Yecu 16:26

Ni ɛn guäth ɛmɔ cuɛ tekɛ lath piɛny mi di̱i̱t, mi cu cuɔ̱ɔ̱ŋ duëël yieenä yɔ̱k. Kä ni ɛn guäth ɛmɔ, cu thiekni diaal rɔ̱ lɛp, kä cu kuatni ciikni nɛɛni diaal rɔ̱ lony.

Lät Jaakni Yecu 4:31

Kä mëë cikɛ thuɔ̱k kɛ pal, cuɛ gua̱a̱th ëë ca rɔ̱ dol thi̱n lath. Kä cu kɛn diaal thia̱a̱ŋ kɛ Yiëë in Gɔaa in Rɛl Rɔ, kä cukɛ ruac Kuɔth lat kɛ buɔ̱m lɔaac.

Nyuuth 11:13

Kä ɛn guäth ɛmɔ cuɛ tekɛ lath piɛny mi di̱i̱t, kä cu kui̱c wec in wäliɛn tɛɛth. Cu nɛy ti bathdɔɔri da̱ŋ bärɔw näk ɛ lath piɛny, kä cu duɔth nath dual ɛlɔ̱ŋ, kä cukɛ Kuoth puɔ̱ɔ̱rä liak.

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 6:12

Kä mëë cɛ di̱i̱l in bäkɛliɛn lɛp, cua guic, kä nɛnɛ, cuɛ tekɛ lath piɛny mi di̱i̱t. Kä cu cäŋ cuɔl ce̱tnikɛ bi̱i̱ cuaalä mi ca̱r, kä cu pay kɛɛliw tiɛth ce̱tkɛ riɛm.

Nyuuth 8:3

Kä cu jääk nhial dɔ̱diɛn ben, kä tëë thak dääpä tetädɛ, kä cuɛ cuɔ̱ŋ wi̱i̱ yi̱kä, kä cua jɛ ka̱m wal ti ŋuan ti waŋkɛ kɛ pal nɛɛni diaal ti ci Kuoth kɛ lɛy, wi̱i̱ min ca la̱t kɛ da̱a̱p nhiam kɔam kuäärä.