Nyuuth 8:3 - RUAC KUƆTH IN RƐL RƆ

³ Kä cu jääk nhial dɔ̱diɛn ben, kä tëë thak dääpä tetädɛ, kä cuɛ cuɔ̱ŋ wi̱i̱ yi̱kä, kä cua jɛ ka̱m wal ti ŋuan ti waŋkɛ kɛ pal nɛɛni diaal ti ci Kuoth kɛ lɛy, wi̱i̱ min ca la̱t kɛ da̱a̱p nhiam kɔam kuäärä.

Nyuuth 8:3 Iomraidhean Croise

1 Kua̱r 7:50

Kɛ lieeri, kɛ took tin la̱thkɛ wal tin kuɔ̱r kuɔ̱ɔ̱r thi̱n, kɛ kueenyni maac, kɛ cuɔ̱ɔ̱k dääpä ti kök köök kɛ go̱o̱ni dääpä kɛ kui̱ thiekni duëël rɛci gua̱th in rɛl ni gɔɔydɛ rɔ, kɛnɛ thiekni luaak in di̱i̱t.

Diit 141:2

Kä ɛ palä kɛ ji̱ ce̱tnikɛ wäl in kur kur, kä ɛ tar tetnikä nhial ce̱tnikɛ muc thiaŋ.

Ɣöth 40:26

Kä cu Muthɛ yi̱k dääpä wal la̱th rɛy duëël ro̱mä nhiam ge̱e̱lä.

I-ca-yaa 6:6

Kä cu puɔ̱ny kɛl ben kä ɣä ni nhial kɛ ruɛ̈l maac mi cɛ ka̱n wi̱i̱ yi̱kä kɛ kääpni maac.

Yɛdh 41:22

yi̱k mi ca la̱t kɛ jiɛn, bärɛ nhial ɛ jua̱th tetni da̱ŋ diɔ̱k, kä bär jɔakdɛ ɛ jua̱th tetni da̱ŋ rɛw, kä ɣäp ɣääpdɛ ɛ jua̱th tetni da̱ŋ rɛw. Kä gɔŋtɔtnikɛ kɛnɛ pinydɛ kɛ ri̱i̱wnikɛ cakɛ la̱t kɛ jiath. Kä cuɛ ɣä jiök i̱, “Mɛmɛ ɛ jɛn tharbët in te nhiam Kuɔth Nhial.”

A-mɔth 9:1

Cua Kuoth Nhial nɛn tëë cuŋä ge̱kä yi̱kä, laarɛ jɛ i̱, “Dua̱cɛ wuɔ̱th thieeri a bɛ ke̱ŋkiɛn lath, kä bä ti̱n ŋot kɛ tëk rɛydiɛn ben gi̱t köör, thilɛ ram kɛl mi bi rɔ bar, kä thilɛ mi bi kään.

Mɛ̈l 1:11

Kä bi ciötdä di̱t rɛy dööri, a känɛ kä käny ca̱ŋ a wä nikä kony ca̱ŋ. Kä ba wal tin kuɔ̱r kuɔ̱ɔ̱r kɛnɛ muc ti kök köök nööŋ kɛ kui̱dä gua̱thni diaal. Kɛ ɣöö di̱t ciötdä rɛy dööri.

Kuen 4:11

Bikɛ yi̱k dääpä wi̱cdɛ moc kɛ bi̱i̱ mi yiel, kä ba kuɔ̱m piny kɛ ko̱l dɛ̈ɛ̈l, kä ba la̱th kä ri̱i̱wnikɛ.

Kuen 7:62

Kɛ liɛɛr dääpä mi kɔakɛ kɛ yio̱w da̱ŋ wäl kä thi̱eŋɛ kɛ wäl in kɔp.

Luk 1:10

Cu buɔ̱n nath kɛɛliw Kuoth pal raar, kɛ gua̱a̱th in waŋkɛ wäl.

Ji̱ Röm 8:34

Ɛŋa mi bikɛ kuɛth ɔ? Ɛ jɛn Kritho Yecu min ci li̱w, ɣɔ̱ɔ̱n, kä ca jiɛc li̱th, min te tetdä cuëëc Kuɔth, in läŋ pa̱ny kɛ kui̱dan?

Ji̱ Ɣi-bɛ-ru 7:25

Kɛ kui̱ ɛmɔ tëëkɛ lua̱ŋ gua̱thni diaal kɛ ka̱n nɛɛni tin bä kä Kuoth kɛ jɛ, kä tëkɛ ni ciaŋ kɛ ɣöö bɛ la̱ŋ kɛ kui̱diɛn.

Ji̱ Ɣi-bɛ-ru 9:4

Rɛydɛ te yi̱k dääpä mi la waŋkɛ wal tin kur thi̱n, kɛnɛ thanduk matdä ruac mi ca rɔth kɛ da̱a̱p kui̱ni diaal, min te rɛydɛ kɛ bul dääpä mi te nup mana thi̱n kɛ kɛɛt Ä-ron ëë ci tunh, kɛnɛ pääm matdä ruac tin pat paat thi̱n.

Nyuuth 10:1

Kä cua jääk nhial dɔ̱diɛn mi bum nɛn, bëë piny nhial, ca kum kɛ pua̱r, kä te tik Kuɔth nhial wi̱i̱dɛ. Kä ce̱t nhiamdɛ kɛ cäŋ kä ce̱t ciökɛ kɛ bo̱l maac.

Nyuuth 14:18

Kä cu jääk nhial dɔ̱diɛn ben raar wi̱i̱ yi̱kä, ɛ jɛn jääk in tekɛ lua̱ŋ kɛ mac, kä cuɛ ram in tekɛ carcaar mi moth cɔl kɛ jɔw mi di̱i̱t i̱, “Käni carcaaru kä dol dɛy buɔ̱cni wec muɔ̱ɔ̱n, kɛ ɣöö ci dɛykiɛn lɔɔr.”

Nyuuth 5:8

Mëë cɛ ko̱l gɔ̱rä ka̱n, cu ley da̱ŋ ŋuan tin tëk, kɛnɛ di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam Ruath Dɛ̈ɛ̈l, käp ramɔ thom kɛnɛ thääk dääpä ti thiäŋ kɛ wal ti waŋkɛ, tin la pal nɛɛni ti ci Kuoth kɛ lɛy.

Nyuuth 6:9

Kä mëë cɛ di̱i̱l in dhieecdiɛn lɛp, cua tieyni nɛɛni ti ca näk kɛ kui̱ latdiɛn kɛ ruac Kuɔth kɛnɛ kui̱ nenädiɛn nɛn thaar yi̱kä.

Nyuuth 7:2

Kä cua jääk nhial dɔ̱diɛn nɛn wëë nhial kä käny ca̱ŋ, kä tëëkɛ thääny Kuɔth in tëk. Kä cuɛ ja̱a̱k nhial da̱ŋ ŋuan tin ca ka̱m buɔ̱m kɛ ɣöö ba wi̱c muɔ̱ɔ̱n kɛnɛ bar däk cɔl kɛ jɔw mi di̱i̱t.

Nyuuth 8:4

Kɛ tet jääkä nhial cu tol wal tin waŋkɛ wä nhial nhiam Kuɔth kɛɛl kɛ pal nɛɛni tin ca lɛy.

Nyuuth 8:5

Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.

Nyuuth 9:13

Kä cu jääk Kuɔth nhial in bäkɛliɛn kaaŋdɛ koth, kä cua jɔw liŋ tuɔ̱ŋni yi̱kä dääpä da̱ŋ ŋuan min nhiam Kuɔth,