Nyuuth 8:13 - RUAC KUƆTH IN RƐL RƆ

¹³ Kä cua̱ guic, cua̱ kuey mi pär kɛ där puɔ̱ɔ̱rä liŋ, wieeɛ kɛ jɔw mi di̱i̱t, “Riɛk, riɛk, riɛk akɛ nɛy tin cieŋ wi̱i̱ muɔ̱ɔ̱n, kɛ gua̱a̱th in bi päl kɛ jɔw kaaŋni tin bi ja̱a̱k nhial da̱ŋ diɔ̱k tin kɔ̱kiɛn kɛ koth!”

Nyuuth 8:13 Iomraidhean Croise

Diit 103:20

Liakɛ Kuoth Nhial yɛn ja̱a̱kɛ, kä puanyɛ jɛ yɛn nɛy tin bum tin la̱tkɛ la̱tdɛ, yɛn nɛy tin luɔ̱thkɛ ruacdɛ.

Yɛdh 2:10

Kä cuɛ jɛ ɣär nhiamdä, ca jɛ gɔ̱r nhiamdɛ kɛnɛ jɔkdɛ. Kä tin ca gɔ̱r rɛydɛ kɛ rieet jiɛthä lɔaac kɛnɛ wiee kɛ pa̱r.

Ji̱ Ɣi-bɛ-ru 1:14

Kä /ci ja̱a̱k diaal a yiey ti la̱tkɛ Kuoth ikä kä ja̱kɛ kɛ, kɛ kui̱ lua̱k nɛɛni tin ba ka̱n jek?

Nyuuth 11:14

Ci riɛk in rɛwdɛ thuuk. Kä bi riɛk in diɔ̱ɔ̱kdiɛn ben kɛ pɛ̈th.

Nyuuth 12:12

A lɔcdu ku tɛɛth, lö nhial, kɛnɛ yɛn tin cieŋ rɛydɛ! Kä riɛk akɛ piny kɛnɛ bar, kɛ ɣöö ci gua̱n jiäkni ben piny kä yɛ kɛ waŋ lɔaac mi di̱i̱t, kɛ ɣöö ŋäcɛ jɛ i̱ ci gua̱a̱thdɛ ciak!”

Nyuuth 14:3

Kä cukɛ dit mi pay cak kɛt nhiam kɔam kuäärä kɛnɛ nhiam leeyni da̱ŋ ŋuan tin tëk, kɛ nhiam di̱tni. Thilɛ ram mi dee dit ɛmɔ ŋa̱c ɛ ni nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan, tin ca luɛl wi̱i̱ muɔ̱ɔ̱n.

Nyuuth 14:6

Kä cua jääk nhial dɔ̱diɛn mi pär kɛ nhial nɛn, mi tekɛ thuk Kuɔth ti gɔw ti thil pek ti bɛ la̱t nɛy ti cieŋ wi̱i̱ muɔ̱ɔ̱n, kɛ döör diaal kɛnɛ thuk duëli, kɛ thuk ti gööl kɛ nɛy diaal.

Nyuuth 19:17

Kä cua jääk Kuɔth nhial nɛn cuŋä rɛy ca̱ŋ, kä cɔɔlɛ diit nhial tin pär kɛ jɔw mi di̱i̱t i̱, “Bia, duɔlɛ rɔ kɛ kui̱ mi̱eth Kuɔth in di̱i̱t,

Nyuuth 3:10

Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 8:2

Kä cua ja̱a̱k nhial da̱ŋ bärɔw nɛn cuŋä nhiam Kuɔth, kä ca kɛ moc kaaŋni da̱ŋ bärɔw.

Nyuuth 9:1

Kä cu jääk nhial in dhieecdiɛn kaaŋdɛ koth, kä cua cier mi ci pɛn piny nhial nɛn, kä cua jɛ ka̱m leep kɔ̱kä mi thil piny.

Nyuuth 9:12

Ci riɛk in nhiam thuɔ̱k. Kä ŋot rik da̱ŋ rɛw ti bi ben.