Nyuuth 7:9 - RUAC KUƆTH IN RƐL RƆ

⁹ Kɛ kɔr kä mɛmɛ cua guic, kä nɛnɛ, tëëkɛ buɔ̱n nath mi di̱i̱t ɛlɔ̱ŋ mi thilɛ ram mi dee kɛ luäŋ kɛ kuën, bäkɛ röli kɛnɛ döör diaal, kɛ nɛy diaal, kɛnɛ ji̱ thukni diaal ti gööl, cuŋkɛ nhiam kɔam kuäärä kɛnɛ Ruath Dɛ̈ɛ̈l, ciaŋkɛ bieyni ti bo̱o̱r, kä te tetkiɛn kɛ kar kaanä.

Nyuuth 7:9 Iomraidhean Croise

Tuk Cäkä Ɣɔaa 13:16

Bä kuayku re̱p a bikɛ ŋuan ce̱tnikɛ tur piɛny in /ci raan ɛ dëë luäŋ kɛ kuën?

Tuk Cäkä Ɣɔaa 49:10

/Ci kɛɛt kuäärä bi luɛ̈ɛ̈r tetädɛ, kiɛ tetdä kuaynikɛ, amäni mi wä gua̱ndɛ ben, kä bi döör diaal jɛ cu luɔ̱th.

Diit 2:8

Thiec ɣä, bä döör jak kä nyinku, kä bi wi̱c muɔ̱ɔ̱n a duŋdu.

Diit 22:27

Bi pëk ɣɔaa diaal ɛ tim kä bikɛ rɔ̱ ri̱et Kuoth Nhial. Kä bi thuk duëli dööri diaal ben pal nhiamdɛ.

Diit 76:4

Bum ni ji̱n lö Kuoth. kä di̱t ni gɔɔy wutädu kä päm mi tekɛ ley ti ŋuan.

Diit 77:2

Kɛ cäŋ rikädä cä Kuäär ni Kuoth go̱r, cä tetkä tar nhial kɛ wäär ɛ thil cuɔ̱c, kä cuɛ thil mi buum ti̱eydä.

Diit 98:3

Kä jɛn cɛ nhökdɛ min thil pek tim kɛnɛ ŋa̱thdɛ min di̱i̱t, kɛ kui̱ thuɔk duëël ji̱ I-thɛ-rɛl. Kɛn pëk ɣɔaa diaal cikɛ juɔ̱c Kuɔthda nɛn.

Bok Go̱kä ni Yir-mɛ-yaa 16:19

Kä lö Kuoth Nhial, ɛ ji̱n buɔ̱mdä kä ɛ ji̱n gääŋdä, kä la luäki ɣä kɛ gua̱a̱th rikädä, kä bi döör diaal ben kä ji̱ ni peek ɣɔaa kä bi kɛ wee i̱, “Gua̱nikɔ thilɛ mi tekɛ kɛ ɛ ni kuth jiɛn, kuth ti thil luɔt, kä thilɛ mi jëkɛ kä kɛ.

Bok Go̱kä ni Yir-mɛ-yaa 3:17

Ɛn guäth ɛmɔ, ba Jɛ-ru-tha-lɛm cɔli kɔm kuäärä Kuɔth Nhial, kä bi döör diaal rɔ̱ dol thi̱n palkɛ ɣä, kä /cikɛ bi lɛ la̱t ni min caar kɛn ɛ kɛ lo̱ckiɛn.

Yɛdh 47:5

Kä cuɛ jua̱th tetni ti bathdɔɔr kɛl thɛm bä, kä cuɛ la yier mi cä dëë luäŋ kɛ jiëth, kɛ ɣöö ci pi̱ ben ni nhial. Kä cuɛ luëŋ a dëë kɛt ni jɛ, cuɛ a yier mi /ca dee luäŋ kɛ jiëth.

Bok Go̱kä ni Da-ni-yel 4:1

Kä cu Kuäär ni Nɛ-bu-kad-nɛ-dhar ruaacni ti̱ti̱ jäkä naath diaal kɛnɛ döör diaal kɛ nɛy tin ruac kɛ thuk ti gööl wi̱i̱ muɔ̱ɔ̱n wëë i̱, “Ɛ mal tekɛ yɛ!

Bok Go̱kä ni Da-ni-yel 6:25

Kä cu kuäär ni Dɔr-ya-wɛc naath diaal kɛnɛ döör diaal ti ruac kɛ thuk gööli rɛy ɣɔaa kɛɛliw gɔ̱a̱r warɛgak wëë i̱, “A mal tekɛ yɛn diaal!

Ɣocä 1:10

Ku duundɛ la ɣöö gaat I-thɛ-rɛl, bikɛ ŋuan ce̱tnikɛ nyin litdä thuɔk yieer, tin /ca dee luäŋ kɛ thëm kɛnɛ kuën. Täämɛ cu Kuoth kɛ jiök i̱, “/Ci yɛn a nɛɛkä,” duundɛ ɣöö bi gua̱a̱th ku lɛ cop in ba kɛ cɔl i̱, “Gaat Kuɔth in tëk.”

Liib 23:40

Kä kɛ cäŋ in jio̱liɛn bia dɛy jiɛɛn tin gɔw ni kɛn ka̱n, kar thɔ̱w kathuɔ̱m. Kɛ kar kan, kɛ tɔaar. Kä bia ŋar kɛ ni̱n bärɔw nhiam Kuɔth Nhial Kuothdun.

Dhɛk 10:8

“Ɣän bä nɛɛkä cɔl, kä bäkɛ mat guäth kɛl, kɛ ɣöö cäkɛ luɛl, kä bikɛ ŋuan ce̱tnikɛ ta̱a̱ ëë wal.

Dhɛk 2:11

Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

Luk 12:1

Kä ɛn guäth ɛmɔ, mëë ci nɛy ti bathdɔɔri ti ŋuan rɔ̱ duɔ̱ɔ̱l, a kɔatkɛ rɔ̱, cu Yecu ruac tok kɛ ji̱ kɔaarɛ kɛ nhiam wëë i̱, “Niɛkɛ rɔ̱ kɛ thuɔp ji̱ Pa-ri-thii, min la mɛɛtdiɛn.

Luk 21:36

Kä ta̱yɛ jinä gua̱thni diaal. Kä palɛ kɛ ɣöö dërɛ tekɛ buɔ̱m kɛ ka̱ndun kä ŋɔaani diaal tin bi tuɔɔk, kɛnɛ ɣöö bia cuɔ̱ŋ nhiam Gatdä Ran.”

Jɔ̱ɔ̱n 12:13

Kä cukɛ kar nöör ka̱n, kä cukɛ jɛ wä lor, rɔalkɛ i̱, “Liakɛ Kuoth! A puɔ̱th tekɛ ram in bëë kɛ ciöt Kua̱r, min la Kuäär I-thɛ-rɛl!”

Ji̱ Röm 11:25

Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n.

Ji̱ Ɛ-pɛ-thäth 6:13

Kɛ kui̱ ɛmɔ ka̱nɛ ko̱t Kuɔth kɛɛliw, kɛ ɣöö dërɛ rɔ̱ luäŋ kɛ cuɔ̱ŋ kɛ jɛn cäŋ ɛ jiääk ɛmɔ, kä kɛ kɔr köör ɛmɔ, bia ŋot cuŋä.

Ji̱ Ɣi-bɛ-ru 11:12

Kɛ kui̱ ɛmɔ A-bɛ-ram mi ce̱tkɛ ram mi ci li̱w, cua da̱p gaat ti ŋuan ti ce̱tkɛ kuɛli nhial kɛnɛ liɛt thuɔk bar, ti /ca dee luäŋ kɛ kuën.

Ji̱ Ɣi-bɛ-ru 12:22

Cia ben Pääm Dha-yɔn wec Kuɔth in tëk, jɛn Jɛ-ru-tha-lɛm in te nhial, kɛ ja̱a̱k nhial tin /ca dee luäŋ kɛ kuën tin ca rɔ̱ dol kɛ tɛ̈th lɔaac.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 22:3

Bɛ thil duɔ̱ɔ̱r mi ca bit mi bi te thi̱n. Kä bi kɔm Kuɔth kɛnɛ Ruath Dɛ̈ɛ̈l te thi̱n, kä bi ja̱a̱ŋkɛ jɛ pal.

Nyuuth 3:18

Kɛ kui̱ ɛmɔ ɣän cuɔmä ji̱ ɛn ɣöö bi da̱a̱p mi ca jakä lɛy lɛy kɛ mac kɔk kä ɣä, kɛ ɣöö deri ria̱ŋ. Kɛnɛ bieyni ti bo̱o̱r, kɛ ɣöö bi rɔ rony kɛ kɛ, kɛ ɣöö bi rɔ kum kä ta̱a̱ juutädu in no̱ŋ ji̱ pöc. Kä bi wäl mi yi̱ri nyinku kɔk kɛ ɣöö deri nën.

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 5:11

Kä cua guic, kä cua̱ jɔw jaakni liŋ gekä kɔam kuäärä kɛ ley tin tëk kɛnɛ di̱t. Kä pekdiɛn kɛ jaak ti bathdɔɔri ti ŋuan ɛlɔ̱ŋ ti /ca dee luäŋ kɛ kuën.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,

Nyuuth 6:11

Kä ca ramɔ kä kɛ moc kɛ bi̱i̱ mi bo̱r, kä cua kɛ jiök kɛ ɣöö bikɛ lɔ̱ɔ̱ŋ kɛ gua̱a̱th mi bär kä tɔt, amäni mi wa̱a̱ pek ji̱ la̱t kɛ̈ɛ̈liɛn kɛnɛ dämanikiɛn näk kɛn diaal, ce̱tkɛ mëë cakɛ näk.

Nyuuth 7:8

kɛ bathdɔɔri wäl rɛw kä ji̱ thuɔk duëël Dhɛ-bu-lun, kɛ bathdɔɔri wäl rɛw kä ji̱ thuɔk duëël Jo-thɛp, kɛ bathdɔɔri wäl wi̱cdɛ rɛw ti ca moc kɛ biɛl kä ji̱ thuɔk duëël Ben-ya-min.