Nyuuth 7:12 - RUAC KUƆTH IN RƐL RƆ

¹² wäkɛ i̱, “Inɔnɔ! A puɔ̱th kɛnɛ puɔny, kɛ pɛl kɛnɛ lär tɛthä lɔaac, kɛ luth kɛnɛ buɔ̱m, kɛ lua̱ŋ tekɛ Kuothdan amäni cäŋ kɛl! Inɔnɔ.”

Nyuuth 7:12 Iomraidhean Croise

Nɛ-ɣɛm-yaa 12:46

Ni wal, kɛ ni̱n Dee-bid kɛnɛ A-thap, la te bo̱o̱th thi̱n kä këët din mi bo̱o̱th diit tɛthä lɔaac kɛnɛ diit puɔnyä Kuɔth.

Nɛ-ɣɛm-yaa 12:8

Kä cu ti̱ti̱ a ji̱ Lii-bay. Yɛ-cuwä kɛnɛ Bi-nuwi kɛ Kɛ̈d-mi-el kɛnɛ Ce-reb-yaa kɛ Juda kɛnɛ Mɛ̈-tɛ̈n-yaa kɛnɛ gaatman cu ka këët din kɛ kui̱ tɛthkä lɔaac.

Diit 100:4

Wiaa thok rɛ̈ɛ̈kdɛ kɛ tɛ̈th lɔaac, wiaa rɛy kalɛ kɛ diit puɔnyä. La̱r ɛ jɛ tɛ̈th lɔaac kä puanyɛ jɛ.

Diit 106:48

A liak tekɛ Kuoth Nhial, ni Kuoth I-thɛ-rɛl, puanyɛ jɛ ɛn täämɛ amäni cäŋ kɛl. Kä a nɛy diaal gamkɛ jɛ i̱, “Inɔnɔ.” Liakɛ Kuoth Nhial!

Diit 107:22

Kä akɛ thöpkɛ muc tɛthä lɔaac, kä latdɛ lätkɛ kɛ ket din kɛ tɛ̈th lɔaac.

Diit 116:17

Ɣän bä ji̱ moc muc tɛthä lɔaac, kä bä cɔl ni ji̱n Kuoth Nhial.

Diit 147:7

Ki̱etdɛ Kuoth Nhial diit tɛthä lɔaac, ki̱etdɛ Kuothdan diit kɛ thom.

Diit 41:13

Liakɛ Kuoth Nhial ni Kuoth I-thɛ-rɛl, liakɛ jɛ amäni cäŋ kɛl. Inɔnɔ, inɔnɔ.

Diit 50:14

Thöpɛ ni Kuoth muc tɛthkä lɔaac, kämni Kuoth in Dit ni Jɛn min ci yac.

Diit 72:19

Ɛ liak tekɛ ciötdɛ min bum amäni cäŋ kɛl, kä ɛ buaydɛ thiäŋ wi̱c muɔ̱ɔ̱n kɛɛliw! Inɔnɔ inɔnɔ!

Diit 89:52

Ɛ liak wä kä Kuoth Nhial amäni cäŋ kɛl! Inɔnɔ.

Diit 95:2

Wanɛ nhiamdɛ kɛ tɛ̈th lɔaac, puanynɛ jɛ kɛ diit tɛthä lɔaac!

I-ca-yaa 51:3

Kɛ ɣöö bä Dha-yɔn nyuɔ̱th kɔ̱a̱c lɔaac, bä nɛy diaal tin ci da̱k thi̱n moc kɔ̱a̱c lɔaac, kä bä därdɔaarɛ jak kä ce̱tnikɛ kak E-dɛn, dɔr rɛ̈wdɛ bɛ ce̱tnikɛ kakdä ɣän Kuoth Nhial, bi te ni tɛ̈th lɔaac kɛnɛ gɔɔy lɔaac thi̱n, bi ji̱kɛ tɛ̈th lɔaac lat kä bikɛ ki̱et kɛ diit.

Bok Go̱kä ni Yir-mɛ-yaa 33:11

Jɔw tɛthkä lɔaac, kɛ nɛy ti köök kɛ kuën kɛ jɔw nɛɛni ti ki̱t kɛ diit tɛthkä lɔaac ti nööŋ kɛ muc rɛy luaak Kuɔth Nhial wä kɛ i̱, ‘Ka̱mɛ Kuoth Nhial in la Ruey Ɣɔaa tɛ̈th lɔaac, kɛ ɣöö Kuoth Nhial gɔaaɛ, kä nhökdɛ min thil pek tëë thi̱n amäni cäŋ kɛl!’ Kä bä mun luɔ̱c gɔɔydɛ ce̱tnikɛ ta̱a̱dɛ mëë jio̱l.

Bok Go̱kä ni Yir-mɛ-yaa 33:9

Kä wec ɛmɛ bɛ la gua̱a̱th tɛthkä lɔaac, kä ba gua̱a̱th liakä, kä ba gua̱a̱th puɔnyä kä ɣä nhiam dööri diaal wi̱i̱ muɔ̱ɔ̱n, tin ba gɔy tin cä la̱t kɛ kui̱diɛn liŋ. Kä bikɛ tekɛ dual kɛnɛ riɛk mi wa tin gɔw kɛnɛ ria̱ŋ in di̱i̱t in cä ka̱m kɛ jek.”

Jona 2:9

Kä bä ŋot kɛ mi liakä ji̱ kɛ diit tɛthä lɔaac, kɛnɛ luur mi la muc, kɛ lätni kä min cä gok i̱ bä la̱t. Kään ɛ jɛn Kuoth Nhial kärɔa!”

Mɛ̈t 6:13

/Cu kɔ bo̱th guäth mi ba kɔ ɣɔam thi̱n, kä kän kɔ kä jiäk.’ (Kɛ ɣöö ɛ ruacdu, ɛ lua̱ŋdu, amäni puɔnydu kɛ kɛn do̱raari. Inɔnɔ.)

Ji̱ Röm 11:36

Kɛ ɣöö ŋɔak diaal bäkɛ kä jɛ, kä tëkɛ kɛ jɛ, kä wäkɛ kä jɛ. A puɔny tekɛ jɛ, amäni cäŋ kɛl! Inɔnɔ.

1 Kor 14:16

Kä mi pothi Kuoth kɛ yiëë, dee juɔ̱r, mi /kenɛ cop lɔcdɛ, ɛ lar i̱di, “Inɔnɔ” kɛ palu, mi kui̱cɛ min latdi?

2 Kor 4:15

Kä ŋɔak diaal ti̱ti̱ ɛ kui̱dun, kɛ ɣöö ce̱tkɛ min räth puɔ̱th Kuɔth kä nɛy kɔ̱kiɛn ti ŋuan, kɛ ɣöö dee liak tɛthä lɔaac buɔyä Kuɔth rɔ rep.

Ji̱ Ko-lɔ-thi 2:7

a ciökun cui̱t rɛydɛ, kä yiathɛ rɔ̱ piny rɛy ŋäthä, ce̱tkɛ mëë /ca yɛ ŋi̱eec, kɛ tɛ̈th lɔaac mi di̱i̱t.

Ji̱ Ko-lɔ-thi 3:17

Kä ɛnɔ bia la̱t ɔ kɛ riet kiɛ kɛ la̱t, la̱tdɛ ti diaal kɛ ciöt Kua̱r ni Yecu, la̱rɛ Kuoth in la Gua̱a̱r in te nhial tɛ̈th lɔaac kɛ jɛ.

Juud 1:25

A puɔny tekɛ Kuoth in kɛl kärɔa, min la Käändan rɛy Yecu Kritho in la Kuääran, min tekɛ buay, kɛ buɔ̱m, kɛnɛ lua̱ŋ kɛ kuäär te thi̱n gua̱thni diaal, ɛn täämɛ, amäni cäŋ kɛl. Inɔnɔ.

Nyuuth 1:18

kä ɛ ɣän ram in tëk. Ɣän cä li̱w, kä nɛnɛ ɣän tëkä amäni cäŋ kɛl. Ɣän ta̱a̱kɛ leepni li̱eth kɛnɛ ro̱l jɔɔkni.

Nyuuth 19:4

Kä cu di̱t ti jiɛn da̱ŋ rɛw wi̱cdɛ ŋuaan, kɛnɛ ley da̱ŋ ŋuaan tin tëk rɔ yuɔr piny palkɛ Kuoth in nyuur wi̱i̱ kɔam kuäärä, wäkɛ i̱, “Inɔnɔ. Liaknɛ Kuoth!”