Nyuuth 7:11 - RUAC KUƆTH IN RƐL RƆ

¹¹ Kä cu ja̱a̱k nhial diaal kɔm kuäärä, kɛnɛ di̱t, kɛ ley da̱ŋ ŋuan tin tëk göl piny. Kä cukɛ rɔ̱ yuɔr piny buupä nhiam kɔam kuäärä palkɛ Kuoth,

Nyuuth 7:11 Iomraidhean Croise

Diit 45:11

bi Kuäär lɔcdɛ tɛɛth kɛ gɔɔydu, luthni jɛ kɛ ɣöö ɛ kuääru ba.

Diit 97:7

Kä ca nɛy diaal tin palkɛ ni kuth jiɛn moc kɛ pöc, kɛn nɛy tin liakɛ rɔ̱ kɛ kuth jiɛn ti thil luɔt, palɛ jɛ yɛn kuth diaal.

Mɛ̈t 4:10

Kä cu Yecu jɛ jiök i̱, “Woc rɔ, Cɛy-tan, kɛ ɣöö ca jɛ gɔ̱r i̱, ‘Pal ni Kuäär in la Kuothdu, kä bi lät ni jɛ ikä kärɔa.’ ”

Jɔ̱ɔ̱n 5:23

ɛ ɣöö dee nɛy diaal Gat Kuɔth luɔ̱th, ce̱tkɛ min luɔ̱thkɛ Gua̱n. Jɛn mi /ci Gat Kuɔth luth, thilɛ jɛ luth kɛ Gua̱n ëë jäk jɛ.

Ji̱ Ɣi-bɛ-ru 1:6

Kä cuɛ jɛ lɛni lar bä, mëë no̱o̱ŋɛ kɛ̱̈ɛ̱̈dɛ wi̱i̱ muɔ̱ɔ̱n i̱, “A ja̱a̱k nhial diaal palkɛ jɛ.”

Nyuuth 11:16

Kä cu di̱t tin jiɛn da̱ŋ rɛw wi̱cdɛ ŋuan tin nyuur wi̱i̱ kɔamni kuäärädiɛn nhiam Kuɔth wuɔ̱thkiɛn yiath piny, kä cukɛ Kuoth pal,

Nyuuth 15:4

Ɛŋa mi /ci bi dual kɛ ji̱, kä /ci ciötdu bi puany, lö Kuäär ni Kuoth? Kɛ ɣöö ɛ ji̱n kärɔa rɛl gɔɔydu rɔ mɔ. Döör diaal bikɛ ben, kä bikɛ ben pal nhiamdu, kɛ ɣöö luɔ̱ɔ̱ku ca kɛ nyoth.”

Nyuuth 22:9

Kä duundɛ ɣöö cuɛ ɣä jiök i̱, “/Cu mɔmɔ la̱t! Ɛ ɣän läät kɛ ji̱ kɛɛl yɛnɛ dämuɔɔri tin la göök, amäni nɛy tin ka̱pkɛ rieet buɔk ɛmɛ. Pal ni Kuoth!”

Nyuuth 4:10

la di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam raam in nyuur wi̱c kɔam kuäärä Kuɔth, kä palkɛ jɛn ram min tëk kɛ tëk mi thil pek. Kä yuɔrkɛ kuɔ̱mnikiɛn nhiam kɔam kuäärä wäkɛ i̱,

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 4:6

kä nhiam kɔam kuäärä ɛmɔ tëëkɛ mi ce̱tkɛ bar neenä mi wi̱r wi̱r. Kä gëëkni kɔam kuäärä tëëkɛ ley da̱ŋ ŋuan ti tëk, ti ci thia̱a̱ŋ kɛ wäŋ nhiam kɛnɛ jɔk.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”