Nyuuth 6:9 - RUAC KUƆTH IN RƐL RƆ

⁹ Kä mëë cɛ di̱i̱l in dhieecdiɛn lɛp, cua tieyni nɛɛni ti ca näk kɛ kui̱ latdiɛn kɛ ruac Kuɔth kɛnɛ kui̱ nenädiɛn nɛn thaar yi̱kä.

Nyuuth 6:9 Iomraidhean Croise

Tuk Cäkä Ɣɔaa 4:10

Kä cuɛ Këën jiök i̱, “Ɛŋu ɛ nɛ ci lɛl ɛ? Jɔw riɛm dämuɔɔr ro̱lɛ ɣä ni pinyi.

Ɣöth 29:12

Bi tha̱a̱ŋ riɛm tha̱a̱k ka̱n, bi jɛ ku la yinyi wuɔ̱thni tuɔ̱ŋni yi̱kä kɛ yiatdu, kä bi duɔth riɛm wuɔc thaar yi̱kä.

Liib 4:7

Kä bɛ tha̱a̱ŋ riɛm bat tuɔ̱ŋni yi̱kä in la wal ti kuɔ̱r kuɔ̱ɔ̱r a waŋkɛ thi̱n rɛy kɛmɛkä ro̱mä kɛ Kuoth Nhial. Kä bɛ duɔth riɛm tha̱a̱k ɛmɔ wuɔ̱c thaar yi̱kä min la thöpkɛ luur mi waŋkɛ wi̱cdɛ raar thok kɛmɛkä ro̱mä kɛ Kuoth Nhial.

Jɔ̱ɔ̱n 16:2

Bikɛ yɛ tuɔ̱k raar guäth palä ji̱ Juudh. Ɛpuc, gua̱a̱th a bëëni, mi bi nɛy tin na̱kɛ jɛ car i̱ thöpkɛ ni Kuoth muc.

2 Kor 5:8

Ɣɔ̱ɔ̱n ta̱nɛ kɛ buɔ̱m lɔaac, dënɛ nhɔk ni ɣöö ta̱nɛ jɔ̱ɔ̱r kɛ puɔ̱ny kɛ ɣöö banɛ te kɛɛl kɛ Kuäär ni Yecu.

Ji̱ Pi-li-pi 1:23

Ɣän ga̱lä ɛlɔ̱ŋ kamdiɛn da̱ŋ rɛw. Min göörä ɛ ɣöö bä jiɛn, bä wä te kɛɛl kɛ Kritho, kɛ ɣöö nɔmɔ gɔaa ni jɛn.

Ji̱ Pi-li-pi 2:17

Cäŋɛ bä riɛmdä thöp ala muc mi wuɔcä wi̱i̱ mucä ŋäthädun ɣän gɔaa lɔcdä, kä tɛth lɔcdä kɛ yɛ kɛɛl.

2 Tim 1:8

/Cu po̱c, kɛ ɣöö bi naath la̱t ruac kɛ kui̱ Kua̱ran ni Yecu kiɛ kɛ kui̱dä ɣän ram min ca yiɛn kɛ kui̱dɛ. Kä duundɛ ɣöö cucni kɛ ɣä kɛɛl kɛ kui̱ thukni ti gɔw kä ŋäth ni buɔ̱m Kuɔth.

2 Tim 4:6

Kä kɛ kui̱dä ci gua̱a̱th ben kɛ ɣöö ba ɣä thöp ala muc, ci gua̱a̱th jiɛɛnädä ben.

Ji̱ Ɣi-bɛ-ru 12:23

Cia ben matdä keyni gan Kuɔth tin ca ciöötkiɛn gɔ̱r cieŋ nhial, cia ben kä Kuoth in la luuk nɛɛni diaal, kɛ yiey ji̱ cuŋni tin ca jak gɔw a thil diw.

Nyuuth 1:2

mëë cu nëndɛ lat kɛ kui̱ ruac Kuɔth kɛnɛ thuk ruaacni Yecu Kritho, amäni ti diaal tëë cɛ nɛn.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 14:18

Kä cu jääk nhial dɔ̱diɛn ben raar wi̱i̱ yi̱kä, ɛ jɛn jääk in tekɛ lua̱ŋ kɛ mac, kä cuɛ ram in tekɛ carcaar mi moth cɔl kɛ jɔw mi di̱i̱t i̱, “Käni carcaaru kä dol dɛy buɔ̱cni wec muɔ̱ɔ̱n, kɛ ɣöö ci dɛykiɛn lɔɔr.”

Nyuuth 16:7

Kä cua jɔw liŋ wi̱i̱ yi̱kä wëë i̱, “Ɣɔ̱ɔ̱n, Kuäär ni Kuoth, in Leny Buɔ̱mdu ti Diaal. Luɔ̱ɔ̱ku kɛ thuɔ̱ɔ̱k kä kɛ cuŋ!”

Nyuuth 19:10

Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 8:3

Kä cu jääk nhial dɔ̱diɛn ben, kä tëë thak dääpä tetädɛ, kä cuɛ cuɔ̱ŋ wi̱i̱ yi̱kä, kä cua jɛ ka̱m wal ti ŋuan ti waŋkɛ kɛ pal nɛɛni diaal ti ci Kuoth kɛ lɛy, wi̱i̱ min ca la̱t kɛ da̱a̱p nhiam kɔam kuäärä.

Nyuuth 9:13

Kä cu jääk Kuɔth nhial in bäkɛliɛn kaaŋdɛ koth, kä cua jɔw liŋ tuɔ̱ŋni yi̱kä dääpä da̱ŋ ŋuan min nhiam Kuɔth,