Nyuuth 6:6 - RUAC KUƆTH IN RƐL RƆ

⁶ Kä cua mi ce̱tkɛ jɔw ran liŋ däär leeyni da̱ŋ ŋuan tin tëk, wëë i̱, “A ki̱lu nuɔ̱p kɛl a yio̱w ti tɔt, kä a ki̱luni nuɔ̱p da̱ŋ diɔ̱k la yio̱w ti tɔt, kä duundɛ ɣöö /cuarɛ liɛɛth kɛnɛ kɔaŋ ŋar ŋar!”

Nyuuth 6:6 Iomraidhean Croise

Diit 76:10

Kɛ thuɔ̱k ŋɛ̈ɛ̈ny ji̱ tɛ̈ru reepɛ ni kɛ̈kdu, kä duɔth nɛɛni tin ci kään kä ŋɛ̈ɛ̈nydu bikɛ ce̱tnikɛ kum wecdu.

Mɛ̈t 24:7

Kɛ ɣöö bi do̱rɔ rɔ jiɛc kɛ do̱rɔ, kɛ kuäärɔ kɛnɛ kuäärɔ, kä bɛ tekɛ buaath kɛnɛ lath piɛny gua̱thni.

Nyuuth 4:6

kä nhiam kɔam kuäärä ɛmɔ tëëkɛ mi ce̱tkɛ bar neenä mi wi̱r wi̱r. Kä gëëkni kɔam kuäärä tëëkɛ ley da̱ŋ ŋuan ti tëk, ti ci thia̱a̱ŋ kɛ wäŋ nhiam kɛnɛ jɔk.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”

Nyuuth 7:3

Ɛn jääk cuɛ wee i̱, “/Cuarɛ wi̱c muɔ̱ɔ̱n kiɛ bar kiɛ jiɛn däk, amäni mi wakɔ la̱a̱t Kuɔthda nhiam kaandiɛn wä moc biɛl kɛ thääny.”

Nyuuth 9:4

Kä ca kɛ la̱r ɣöö /cikɛ juaac kiɛ ti do̱ny kiɛ jiath wec muɔ̱ɔ̱n bi guëër, ɛ ni nɛy tin thil biɛl thaanyä Kuɔth nhiam kaandiɛn.