Nyuuth 6:4 - RUAC KUƆTH IN RƐL RƆ

⁴ Kä cu jio̱k tuɔ̱ruɔ̱k dɔ̱diɛn mi mɛr ben raar. Cua ram min kɔt jɛ nhök ɣöö bɛ mal woc wi̱i̱ muɔ̱ɔ̱n kɛ ɣöö bi naath rɔ näk. Kä cua jɛ ka̱m thɛp mi di̱i̱t.

Nyuuth 6:4 Iomraidhean Croise

Diit 17:13

Ku jiɛɛn lö Kuoth Nhial ro̱mni kɛ kɛ, bër bikɛ ben joc! Kän tëkdä kä ji̱ nyuɔɔni kɛ mutdu.

Bok Go̱kä ni Da-ni-yel 5:19

Kä kɛ kui̱ kuäärä mëë cɛ ka̱m jɛ, cu naath diaal kɛ döör diaal kɛ nɛy tin tekɛ thuk ti gööl dual kɛ jɛ. Kä cuɛ nɛy tin go̱o̱rɛ näkdiɛn näk, kä cuɛ nɛy tin go̱o̱rɛ päliɛn a tëk, päl a tëk, kä kapɛ nɛy tin go̱o̱rɛ i̱ bɛ kap nhial kap nhial, kä locɛ nɛy tin go̱o̱rɛ i̱ locɛ piny, luɔc ni piny.

Dhɛk 1:8

Kɛ wäär cua̱ wut mi ci kɔt jɔk jiöŋköör mi lual nɛn! Tëë cuŋä rɛy jiɛn ti tɔ̱ɔ̱c rɛy lo̱o̱lä. Jɔkdɛ te jio̱o̱k ti dɛɛr li̱tdä kɛ jio̱o̱k ti bo̱o̱r thi̱n.

Dhɛk 6:2

Kä thurbil in nhiam tëë kɛ jiöŋkööri ti luaal, kä min rɛwdɛ tëë kɛ jiöŋkööri ti ca̱a̱r,

Mɛ̈t 10:34

“/Cuarɛ jɛ car i̱ cä ben kɛ ɣöö bä mal nööŋ wi̱i̱ muɔ̱ɔ̱n, ɣän /ka̱n ben kɛ ɣöö nööŋä ni mal, duundɛ ɣöö nööŋä ni mut.

Mɛ̈t 24:6

Kä bia ko̱o̱ri liŋ kɛnɛ thuk ko̱o̱ri, a wi̱cdun /cɛ yi̱c, kɛ ɣöö ɛn nɛmɛ bɛ dhil tuɔɔk, kä gua̱a̱th guutdä ŋotdɛ.

Jɔ̱ɔ̱n 19:11

Cu Yecu jɛ jiök i̱, “Ji̱n thilɛ lua̱ŋ kɛ ɣä, ɛ ni mi /ca jɛ ka̱m ji̱ ni nhial. Kɛ kui̱ ɛmɔ ram ëë käm ɣä ji̱ cɛ duer kɛ duer mi di̱i̱t.”

Nyuuth 12:3

Kä cu nyuuth dɔ̱diɛn jɔɔc nhial. Tëëkɛ nyaŋ mi lual mi di̱i̱t, mi tekɛ wuɔ̱th da̱ŋ bärɔw kɛ tuɔ̱ŋ wäl, kɛ kuɔ̱mni kuäärä da̱ŋ bärɔw wuɔ̱thnikɛ.

Nyuuth 13:10

“Mi ba raan naŋ ala pɛ̈c, bɛ wä ala pɛ̈c. Kä ram mi näk raan kɛ thɛp, ba jɛ dhil näk kɛ thɛp.” Mɛmɛ ɛ jɛn ciöt kɛ kui̱ rutdä kɛnɛ ŋa̱th nɛɛni tin ci Kuoth kɛ lɛy.

Nyuuth 17:3

Kä cuɛ ɣä naŋ däär dɔaar kɛ yiëë, kä cua ciek nɛn nyuurɛ jɔk lɛ̱̈ɛ̱̈ mi lual mi ci thia̱a̱ŋ kɛ ciööt kuethni Kuɔth, kä tëëkɛ wuɔ̱th da̱ŋ bärɔw kɛnɛ tuɔ̱ŋ da̱ŋ wäl.

Nyuuth 17:6

Kä cua ciek nɛn, cɛ yɔ̱ŋ kɛ riɛm nɛɛni tin ci Kuoth kɛ lɛy, kɛnɛ riɛm nëëni ti ca näk kɛ kui̱ Yecu. Mëë cä jɛ nɛn, cua ga̱a̱c ɛlɔ̱ŋ.