Nyuuth 6:16 - RUAC KUƆTH IN RƐL RƆ

¹⁶ Kä cukɛ pääm cɔl i̱, “Pɛ̈nɛ wi̱i̱da, kä tɛ̱̈ɛ̱̈ ɛ kɔ nhiam raam in nyuur kɔam kuäärä, kɛnɛ waŋ lɔaac Ruath Dɛ̈ɛ̈l.

Nyuuth 6:16 Iomraidhean Croise

Diit 14:5

Bikɛ te rikä mi di̱i̱t ɛn wani, kɛ ɣöö te Kuoth kɛɛl kɛ buɔ̱n mi lät ni cuŋ.

I-ca-yaa 2:10

Wër rɛy kɔ̱kä pa̱a̱m, teeyni rɔ rɛy puɔ̱li piɛny kɛ kui̱ gaak Kuɔth Nhial, kɛnɛ buay bumädɛ.

Bok Go̱kä ni Yir-mɛ-yaa 8:3

Kä kɛn duɔth nɛɛni diaal ti jiäk ti ŋot kɛ tëk ti, ba nhɔk ni lia̱a̱ kä ta̱a̱diɛn teekä, gua̱thni diaal tin cäkɛ riaw kä thi̱n, ruac ni ɣän Kuoth Nhial.”

Ɣocä 10:8

ba gua̱th palä kä A-bɛn in la duer I-thɛ-rɛl däk. Kä bi kuiy yi̱knikiɛn kum. Kä bikɛ pääm jiök i̱ pɛ̈nɛ wi̱i̱da, kä yi̱kdɛ kɔ piny.

Mɛ̈t 26:64

Cu Yecu jɛ jiök i̱, “Ɛ jɛn ɛ nɔ ci lar ɔ. Kä ɣän la̱rä jɛ ji̱, ɛn walɛ bia Gat Ran nɛn nyuurɛ kui̱c cuëëc Kuɔth, in Leny Buɔ̱mdɛ ti Diaal kä bɛ ben kɛ pua̱a̱r nhial.”

Mak 3:5

Cuɛ kɛ guic kɛ waŋ lɔaac, kä cu lɔcdɛ jiath kɛ buɔ̱m wecdiɛn. Kä cuɛ wut indaan jiök i̱, “Riny tetdu!” Cuɛ jɛ riny, kä cu tetdɛ cu gɔaa.

Luk 23:30

Bikɛ jɛ tok kɛ mi jiökɛ pääm i̱, ‘Tɛ̈thɛ wi̱i̱da kä kuɔ̱mɛ kɔ piny.’

Nyuuth 10:6

kä cuɛ rɔ yac kɛ ram min tëk kɛ tëk mi thil pek, min ci nhial cak kɛnɛ tin te rɛydɛ, kɛ piny kɛnɛ tin te rɛydɛ, kɛ bar, kɛnɛ tin te rɛydɛ. Kä cu jääk wee i̱, “/Cɛ bi lɛ gal.

Nyuuth 19:15

Kä bä thɛp mi moth moth raar thokdɛ mi bɛ näk ni döör, kä bɛ kɛ ruac kɛ kɛɛt yieethä. Kä bɛ kɔaŋ nhiac raar gua̱a̱th nhiecä dɛɛni wal kɛ ŋɛ̈ny waŋä lɔaac Kuɔth in Leny Buɔ̱mdɛ ti Diaal.

Nyuuth 20:11

Kä cua kɔm kuäärä mi bo̱r mi di̱i̱t kɛnɛ ram in nyuur thi̱n nɛn, kä cu piny kɛnɛ nhial rɔ̱ bar nhiamdɛ, kä cuɛ thil gua̱a̱th kɛ kui̱diɛn.

Nyuuth 4:2

Kä nikä kɛɛl cua ɣä käp ɛ yiëë, kä nɛnɛ, te ciëŋ nhial kɛ kɔm kuäärä mi te ram mi nyuur thi̱n!

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 4:9

Kä mɔ ci ley tin tëk puɔny kɛ luth kɛnɛ tëth lɔaac ka̱m ram in nyuur wi̱i̱ kɔam kuäärä mɔ, jɛn min tëk a thil pek,

Nyuuth 5:1

Kä tet cuëëc raam in nyuur kɔam kuäärä, cua ko̱l gɔ̱rä mi ca rɛydɛ kɛnɛ jɔkdɛ gɔ̱r nɛn, kä ca dil kɛ di̱i̱li bärɔw.

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”

Nyuuth 9:6

Kä ɛn ni̱ni tɔ̱tɔ̱ bi naath go̱r ni lia̱a̱, kä /ci kɛn ɛ bi jek. Kɛn bikɛ lia̱a̱ go̱r ɛlɔ̱ŋ, kä bi lia̱a̱ rɔ bar kä kɛ.