Nyuuth 5:6 - RUAC KUƆTH IN RƐL RƆ

⁶ Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 5:6 Iomraidhean Croise

2 Kuɛ̈n 16:9

Kä Kuoth Nhial guicɛ wi̱c muɔ̱ɔ̱n kɛɛliw, kɛ ɣöö bɛ nɛy tin ci lo̱ckiɛn ka̱m jɛ moc kɛ buɔ̱m. Ci nɛmɛ la̱t ni dɔ̱ɔ̱rä. Kä niɛ täämɛ a wä nhiam bi tekɛ ko̱o̱ri.”

Bok Go̱kä ni Da-ni-yel 7:14

Kä cua jɛ ka̱m wuɔ̱t kɛ buɔ̱m kɛnɛ ruec, kɛ ɣöö bi naath kɛnɛ döör diaal tin ruac kɛ thuk gööli jɛ lätikä. Kä bi ruecdɛ cua̱ ruec mi do̱raar mi /ci bi met thuuk, kä kuäärɛ la ni kɛl mi /ca bi met däk.”

Bok Go̱kä ni Da-ni-yel 8:3

Kä min guecä cua̱ thäk dɛ̈ɛ̈l rɔmä nɛn tëë cuŋä jɔk kiɛɛr. Kä tëë kɛ tuɔ̱ŋ da̱ŋ rɛw. Kɛn tuɔ̱ŋ da̱ŋ rɛw bärkɛ, duundɛ ɣöö bär ni kɛl kä min dɔ̱diɛn, kä jɛn min bääriɛn pithɛ kɛ jɔak.

Mikaa 4:13

Kä cuɛ wee, jiɛc rɔ lö nya Dha-yɔn, kä kɔ̱mkɛ, kɛ ɣöö bä ji̱ moc buɔ̱m mi ce̱tkɛ buɔ̱m yieethä. Kä ji̱n bi dör ti ŋuan riam, kä bi ɣä ley tëë cikɛn kɛ mac, bi ria̱ŋdiɛn ka̱m Kuäär wec muɔ̱ɔ̱n kɛɛliw.

Bok Go̱kä ni Ɣä-bɛ̈-kuk 3:4

Kä riaw riaawdɛ ce̱tdɛ nikɛ buay ca̱ŋ, kä te buay tetkädɛ, guäth in te buɔ̱mdɛ thi̱n.

Dhɛk 3:9

Kä nɛnɛ ɣän la̱thä päm kɛl nhiam Jɔ-cua, ɛn päm ɛ mɔ tëë kɛ pek da̱ŋ bärɔw. Kä ɣän bä gɔ̱r, kä bä duer muɔ̱ɔ̱n ɛ mi woc kɛ jɛn cäŋ ɔ kɛl ɔ, ruac ni ɣän Kuoth Nhial in la Ruey Ɣɔaa.

Dhɛk 4:10

Kä ram ɔ bi cäŋ kä mi tɔt cany ɔ, mi wëë Dhɛ-ru-ba-bɛl nɛn a lätdɛ luak, bi lo̱ckiɛn tɛɛth. “Kä kɛn bärɔw ti̱ti̱ kɛ wäŋ Kuɔth Nhial, tin guicɛ wi̱c muɔ̱ɔ̱n kɛɛliw.”

Kuen 7:39

Kɛ ruath tha̱a̱k kɛl, dɛl kɛl, ruath dɛ̈ɛ̈l kɛl mi waŋkɛ.

Kuen 7:57

Kɛ ruath tha̱a̱k kɛl, dɛl kɛl, ruath dɛ̈ɛ̈l kɛl mi waŋkɛ.

Luk 1:69

Kä cuɛ moc kään mi bum, rɛy gɔaal Dee-bid in la kuanydɛ.

Jɔ̱ɔ̱n 1:29

Mëë ruɔ̱n cu Jɔ̱ɔ̱n Yecu nɛn a bä kä jɛ, cuɛ wee i̱, “Nɛ̈nɛ jɛ, ɛ jɛn Ruath Dɛ̈ɛ̈l Kuɔth in bi dueer ɣɔaa woc!

Jɔ̱ɔ̱n 1:36

kä mëë cɛ Yecu nɛn jälɛ, cuɛ wee i̱, “Nɛ̈nɛ jɛ nɛmɛ, ɛ jɛn Ruath Dɛ̈ɛ̈l Kuɔth!”

Lät Jaakni Yecu 8:32

Täämɛ gua̱a̱th in kuɛɛnɛ rɛy ruaacni Kuɔth in ca gɔ̱r ɛ nɛmɛ, “Ce̱tkɛ rɔaam ca jɛ buath guäth ŋuɔ̱tdä, kiɛ dɔw rɔɔmä mi bit nhiam raam mi tem mi̱emkɛ, kä /kenɛ thokdɛ lɛp.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 12:11

Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 14:1

Kä cua guic, kä nɛnɛ, wi̱i̱ Pa̱a̱m Dha-yɔn cuŋ Ruath Dɛ̈ɛ̈l thi̱n! Kä te nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan kɛɛl kɛ jɛ, ti ca ciötdɛ kɛnɛ ciöt Gua̱n gɔ̱a̱r nhiam kaandiɛn.

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 21:22

Kä cuɛ thil luak Kuɔth mi cua̱ nɛn rɛy wec, kɛ ɣöö luak Kuɔthdɛ ɛ jɛn Kuäär ni Kuoth in Leny Buɔ̱mdɛ ti Diaal, kɛnɛ Ruath Dɛ̈ɛ̈l.

Nyuuth 21:23

Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.

Nyuuth 22:1

Kä cu jääk nhial ɣä nyuɔ̱th kir pi̱i̱ni teekä ti wi̱er wi̱eer ce̱tkɛ neen, mi bä lönydɛ kɔm Kuɔth kɛnɛ Ruath Dɛ̈ɛ̈l,

Nyuuth 22:3

Bɛ thil duɔ̱ɔ̱r mi ca bit mi bi te thi̱n. Kä bi kɔm Kuɔth kɛnɛ Ruath Dɛ̈ɛ̈l te thi̱n, kä bi ja̱a̱ŋkɛ jɛ pal.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”

Nyuuth 5:11

Kä cua guic, kä cua̱ jɔw jaakni liŋ gekä kɔam kuäärä kɛ ley tin tëk kɛnɛ di̱t. Kä pekdiɛn kɛ jaak ti bathdɔɔri ti ŋuan ɛlɔ̱ŋ ti /ca dee luäŋ kɛ kuën.

Nyuuth 5:12

Kä cukɛ kiet kɛ jɔw mi di̱i̱t i̱, “Gɔaa Ruath Dɛ̈ɛ̈l ëë ca näk, kɛ ɣöö bɛ buɔ̱m kɛnɛ ria̱ŋ, kɛ pɛl kɛnɛ lua̱ŋ, kɛ luth kɛnɛ puɔny, amäni puɔ̱th ka̱n!”

Nyuuth 5:13

Kä cua ti diaal tin ca cak tin te nhial kɛnɛ wi̱c muɔ̱ɔ̱n kɛ piny kɛnɛ bar, kɛ ti diaal tin te rɛydiɛn liŋ, ki̱tkɛ i̱, “A puɔ̱th mi thil pek, kɛnɛ luth kɛ puɔny kɛnɛ buɔ̱m, tekɛ ram min nyuur wi̱i̱ kɔam kuäärä, kɛnɛ Ruath Dɛ̈ɛ̈l!”

Nyuuth 5:14

Kä cu ley da̱ŋ ŋuan tin tëk wee i̱, “Inɔnɔ!” Kä cu di̱t rɔ yuɔr piny kä palkɛ jɛ.

Nyuuth 6:16

Kä cukɛ pääm cɔl i̱, “Pɛ̈nɛ wi̱i̱da, kä tɛ̱̈ɛ̱̈ ɛ kɔ nhiam raam in nyuur kɔam kuäärä, kɛnɛ waŋ lɔaac Ruath Dɛ̈ɛ̈l.

1 Tham 2:10

Kä ba nɛy tin lökɛ Kuoth Nhial däk. Kä bɛ kɛ jäk kä ma̱a̱r ni nhial. Kä bi Kuoth Nhial ɣɔw kɛɛliw luk. Kä bɛ kuäärɛ ka̱m buɔ̱m, kä bɛ buɔ̱m ka̱m kuäärɛ min cɛ kuany.”