Nyuuth 5:12 - RUAC KUƆTH IN RƐL RƆ

¹² Kä cukɛ kiet kɛ jɔw mi di̱i̱t i̱, “Gɔaa Ruath Dɛ̈ɛ̈l ëë ca näk, kɛ ɣöö bɛ buɔ̱m kɛnɛ ria̱ŋ, kɛ pɛl kɛnɛ lua̱ŋ, kɛ luth kɛnɛ puɔny, amäni puɔ̱th ka̱n!”

Nyuuth 5:12 Iomraidhean Croise

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Mɛ̈t 28:18

Kä cu Yecu ben kä kɛ, cuɛ kɛ jiök i̱, “Lua̱ŋ nhial kɛnɛ piny kɛɛliw ca jɛ ka̱m ɣä.

Jɔ̱ɔ̱n 1:29

Mëë ruɔ̱n cu Jɔ̱ɔ̱n Yecu nɛn a bä kä jɛ, cuɛ wee i̱, “Nɛ̈nɛ jɛ, ɛ jɛn Ruath Dɛ̈ɛ̈l Kuɔth in bi dueer ɣɔaa woc!

Jɔ̱ɔ̱n 17:2

kɛ ɣöö ci jɛ ka̱m lua̱ŋ wi̱i̱ nɛɛni diaal, mi derɛ moc nɛy diaal tin ci ka̱m jɛ tëk mi thil pek.

2 Kor 8:9

Kɛ ɣöö yɛn ŋa̱cɛ puɔ̱th Kua̱ran ni Yecu Kritho, kä cäŋ ni mëë riäŋɛ cɛ ben a can kɛ kui̱dun, kä kɛ ciaŋ canädɛ dee yɛn a nɛy ti ria̱ŋ ria̱a̱ŋ.

1 Tim 1:17

A Kuäär in di̱i̱t mi do̱raar, mi /ci bi met li̱w, mi /ca nɛn, Kuoth in kɛl kärɔa, tekɛ luth kɛnɛ puɔny amäni cäŋ kɛl. Inɔnɔ.

Nyuuth 1:6

Kä cɛ kɔn jakä kuäär bööthni palä ti la̱tkɛ Kuoth ikä kɛnɛ Gua̱a̱r. Kä a gɔɔy kɛnɛ buɔ̱m tekɛ Yecu amäni cäŋ kɛl. Inɔnɔ.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 19:1

Kɛ kɔr kä mɛmɛ cua mi ce̱tkɛ jɔw bunä nɛɛni ti ŋuan liŋ nhial, wäkɛ i̱, “Liaknɛ Kuoth! Ka̱n kɛnɛ puɔny kɛ buɔ̱m kɛ nyin Kuothdan,

Nyuuth 4:11

“Ji̱n gɔaai, Kuäärä kä Kuothdä, kä ro̱ŋi kɛ liak kɛ luth kɛnɛ buɔ̱m, kɛ ɣöö ci ti diaal cak. Kä kɛ ruacdu tekɛ thi̱n, kä cikɛ cak.”

Nyuuth 5:13

Kä cua ti diaal tin ca cak tin te nhial kɛnɛ wi̱c muɔ̱ɔ̱n kɛ piny kɛnɛ bar, kɛ ti diaal tin te rɛydiɛn liŋ, ki̱tkɛ i̱, “A puɔ̱th mi thil pek, kɛnɛ luth kɛ puɔny kɛnɛ buɔ̱m, tekɛ ram min nyuur wi̱i̱ kɔam kuäärä, kɛnɛ Ruath Dɛ̈ɛ̈l!”

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 5:8

Mëë cɛ ko̱l gɔ̱rä ka̱n, cu ley da̱ŋ ŋuan tin tëk, kɛnɛ di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam Ruath Dɛ̈ɛ̈l, käp ramɔ thom kɛnɛ thääk dääpä ti thiäŋ kɛ wal ti waŋkɛ, tin la pal nɛɛni ti ci Kuoth kɛ lɛy.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,

Nyuuth 6:1

Täämɛ cua̱ Ruath Dɛ̈ɛ̈l nɛn lɛpɛ di̱i̱l kɛl kä di̱i̱li da̱ŋ bärɔw, cua ley kɛl kä ley da̱ŋ ŋuan tin tëk liŋ cio̱tdɛ kɛ jɔw mi ce̱tkɛ mar nhial i̱, “Bër!”

Nyuuth 7:12

wäkɛ i̱, “Inɔnɔ! A puɔ̱th kɛnɛ puɔny, kɛ pɛl kɛnɛ lär tɛthä lɔaac, kɛ luth kɛnɛ buɔ̱m, kɛ lua̱ŋ tekɛ Kuothdan amäni cäŋ kɛl! Inɔnɔ.”