Nyuuth 5:11 - RUAC KUƆTH IN RƐL RƆ

¹¹ Kä cua guic, kä cua̱ jɔw jaakni liŋ gekä kɔam kuäärä kɛ ley tin tëk kɛnɛ di̱t. Kä pekdiɛn kɛ jaak ti bathdɔɔri ti ŋuan ɛlɔ̱ŋ ti /ca dee luäŋ kɛ kuën.

Nyuuth 5:11 Iomraidhean Croise

1 Kua̱r 22:19

Kä cu Mi-ka-yaa wëë, “Kɛ kui̱c ɛmɔ liŋ ruac Kuɔth Nhial. Ɣän cä Kuoth Nhial nɛn te nyuurä kɔam kuäärädɛ, kä ja̱a̱k nhial diaal tekɛ cuŋä gëëknikɛ.

Diit 103:20

Liakɛ Kuoth Nhial yɛn ja̱a̱kɛ, kä puanyɛ jɛ yɛn nɛy tin bum tin la̱tkɛ la̱tdɛ, yɛn nɛy tin luɔ̱thkɛ ruacdɛ.

Diit 148:2

Liakɛ jɛ yɛn ja̱a̱kɛ diaal, liakɛ jɛ yɛn nyinkɛ diaal!

Diit 68:17

Thurbiɛɛli Kuɔth kɛ bathdɔɔri ti kur kä bathdɔɔr, bathdɔɔri ni kä bathdɔɔri, Kuäär bëëkɛ kä Thi-nay wëë rɛy luaakdɛ min rɛl gɔɔydɛ rɔ.

Bok Go̱kä ni Da-ni-yel 7:10

Kä te nhiamdɛ kɛ kir maac mi lo̱ny ce̱tkɛ pi̱w. Kä la̱tkɛ jɛ ikä ɛ ja̱a̱ŋ ti bathdɔɔri ti ŋuan kä te nɛy ti bathdɔɔri ti kur wäl kä kuɔ̱r cuŋä nhiamdɛ. Kä cua luk nyuɔ̱ɔ̱r i̱ nɔ, kä ca buɔkni lɛp.

Ŋuɔ̱t 33:2

Cuɛ wee, “Kuoth Nhial bëë ni wi̱i̱ Pa̱a̱m Thi-nay, bëë piny kä kɔn wi̱i̱ Pa̱a̱m Ɛ-dɔm. Cuɛ jaaŋ ni Pääm Pa-ran, bëë kɛɛl kɛ ja̱a̱k ti bathdɔɔri da̱ŋ wäl, kä te tet cueecdɛ kɛ mac mi pɛt.

Ji̱ Ɣi-bɛ-ru 12:22

Cia ben Pääm Dha-yɔn wec Kuɔth in tëk, jɛn Jɛ-ru-tha-lɛm in te nhial, kɛ ja̱a̱k nhial tin /ca dee luäŋ kɛ kuën tin ca rɔ̱ dol kɛ tɛ̈th lɔaac.

Juud 1:14

Cu Ä-nɔk min guur A-dam kɛ ka̱a̱th bärɔw, ruac go̱o̱kä lat bä kɛ kui̱ nɛɛni ti̱ti̱, mi wëë i̱, “Nɛ̈nɛ jɛ, Kuäär ni Kuoth bëëkɛ kɛnɛ ja̱a̱kɛ ti kur bathdɔɔri ti rɛ̈lkɛ rɔ̱.

Nyuuth 19:6

Kä cua jɔw mi ce̱tkɛ jɔw bunä nath mi di̱i̱t liŋ, ce̱tdɛ kɛ wuɔ̱w lo̱nyä pi̱i̱ni ti ŋuan, kɛnɛ gi̱eer ma̱a̱ri nhial mi di̱i̱t, wäkɛ i̱, “Liaknɛ Kuoth! Kɛ ɣöö ruec Kuäär ni Kuothdan in Leny Buɔ̱mdɛ ti Diaal.

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 4:6

kä nhiam kɔam kuäärä ɛmɔ tëëkɛ mi ce̱tkɛ bar neenä mi wi̱r wi̱r. Kä gëëkni kɔam kuäärä tëëkɛ ley da̱ŋ ŋuan ti tëk, ti ci thia̱a̱ŋ kɛ wäŋ nhiam kɛnɛ jɔk.

Nyuuth 5:14

Kä cu ley da̱ŋ ŋuan tin tëk wee i̱, “Inɔnɔ!” Kä cu di̱t rɔ yuɔr piny kä palkɛ jɛ.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 5:8

Mëë cɛ ko̱l gɔ̱rä ka̱n, cu ley da̱ŋ ŋuan tin tëk, kɛnɛ di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam Ruath Dɛ̈ɛ̈l, käp ramɔ thom kɛnɛ thääk dääpä ti thiäŋ kɛ wal ti waŋkɛ, tin la pal nɛɛni ti ci Kuoth kɛ lɛy.

Nyuuth 7:11

Kä cu ja̱a̱k nhial diaal kɔm kuäärä, kɛnɛ di̱t, kɛ ley da̱ŋ ŋuan tin tëk göl piny. Kä cukɛ rɔ̱ yuɔr piny buupä nhiam kɔam kuäärä palkɛ Kuoth,

Nyuuth 9:16

Kä pek rɛ̈m in tekɛ jio̱o̱k tuɔ̱ruɔ̱k kɛ bathdɔɔri ti kur ti jiɛn da̱ŋ rɛw nikä kuɔ̱r cua jɛn pek in cä liŋ.