Nyuuth 4:5 - RUAC KUƆTH IN RƐL RƆ

⁵ Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 4:5 Iomraidhean Croise

Tuk Cäkä Ɣɔaa 15:7

Ɛ jɛn cu Kuoth Nhial Ab-ram ku jiök i̱, “Ɛ ɣän Kuoth Nhial ëë no̱o̱ŋ ji̱ raar kä Ur ni ro̱o̱l ji̱ Kɛ̈l-da-ya kɛ ɣöö bä mun ɛmɛ ben ka̱m ji̱ ala duŋdu.”

2 Kuɛ̈n 4:20

kɛ cuuŋni lɛmbärni kɛ lɛmbärnikiɛn ti ca la̱t kɛ da̱a̱p mi ko̱k ko̱k, ti bia̱ dɔp nhiam duëël in te rɛci.

Diit 68:35

Kä gääyi naath lö Kuoth rɛy luaakdu, ɛn Kuoth I-thɛ-rɛl la kämɛ nɛɛkɛ buɔ̱m. Ɛ liak wä kä Kuoth!

Ɣöth 19:16

Kɛ diɔ̱ɔ̱k ni̱ni bakä, cuɛ tëë ma̱r kɛnɛ yie̱l mi di̱i̱t kä cu wi̱c pa̱a̱m tëë pua̱r mi gärgär, kä cuɛ tekɛ jɔw kaaŋä mi riɛɛr ɛlɔ̱ŋ mi cu nɛy tëë te wi̱c moc lath.

Ɣöth 20:18

Täämɛ mëë ci nɛy diaal ma̱a̱r ku guic kɛnɛ yie̱l, kɛ riɛɛr kaaŋä, kä tol päm, cukɛ dual, kä cuɛ kɛ kuer lath. Cukɛ rɔ̱ ke̱k ni nänä.

Ɣöth 25:37

Bia lɛmbärni da̱ŋ bärɔw täth kɛ kui̱dɛ, kä ba kɛ dɔp kɛ ɣöö bikɛ nhiamdɛ mɛr.

Ɣöth 37:23

Kä cuɛ lɛmbärnikɛ da̱ŋ bärɔw la̱t kɛnɛ bieynikɛ tin la yienykɛ jɛ, kɛ tha̱a̱kɛ kɛ da̱a̱p mi ti̱l ti̱l.

Yɛdh 1:13

Kä där leyni tin tëk tëë kɛ mi jɔc mi pɛt ce̱tkɛ mac miim, mi pɛt ce̱tkɛ rith wäkɛ nhiam kä wäkɛ jɔk rɛy leyni tin tëk ɛn mac buɔyɛ ɛlɔ̱ŋ, kä bä yiel raar rɛy maac.

Yo-el 3:16

Kuoth Nhial tuɔ̱kɛ ni kä Dha-yɔn, kä päl jɔwdɛ ni kä Jɛ-ru-tha-lɛm, cɛ nhial kɛnɛ piny cu lath. Duundɛ ɣöö Kuoth Nhial ɛ gua̱th luäkä kä nɛɛkɛ, ɛ köt mi bum kä ji̱ I-thɛ-rɛl.

Dhɛk 4:2

Kä cuɛ ɣä jiök i̱, “Ɛŋu nɛɛni mɔ?” Kä cua̱ jɛ loc i̱, “Nɛ̈ɛ̈nä cuuŋ lɛmbärä mi da̱a̱p kɛɛliw, a te liɛɛrɛ wi̱i̱dɛ, kä te lɛmbärni bärɔw rɛydɛ, kɛ dup bärɔw ti wä kä lɛmbär.

Mɛ̈t 25:1

“Kä ba ciaŋ kuäärä nhial pa̱a̱r kɛ nyier da̱ŋ wäl ti ca lɛmbärnikiɛn ka̱n, wäkɛ cɔw nyaal lor.

Mɛ̈t 3:11

“Ɣän lakä yɛ kɛ pi̱ kɛ kui̱ ri̱tädun kɛ rɔ̱ dueeri, kä ram mi bum ni jɛn kä ɣä a bëë kɔɔrä ni, kä /cä ro̱ŋ kɛ ɣöö bä wa̱a̱rikɛ kap. Jɛn bɛ yɛ lak kɛ Yiëë in Gɔaa in Rɛl Rɔ kɛnɛ mac.

Lät Jaakni Yecu 2:3

Kä cu ti ce̱tkɛ bo̱l maac jɔɔc kä kɛ, cukɛ rɔ̱ dääk kä wuɔ̱thnikiɛn kɛn diaal.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 10:3

Kä cuɛ ciöt kɛ jɔw mi diit, mi ce̱tkɛ bur luɔny. Kä mëë cɛ ciöt, cu ma̱a̱r da̱ŋ bärɔw ma̱a̱r.

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 3:1

“Kä gɔ̱ri mɛmɛ jääk nhial in te dueel Kuɔth kä Thar-dith i̱, ‘Ti̱ti̱ kɛ rieet raam min tekɛ yiey Kuɔth da̱ŋ bärɔw kɛnɛ kuɛl da̱ŋ bärɔw. “ ‘Ɣän ŋa̱cä lätkun, kä ŋa̱cä jɛ ɛn ɣöö te yɛn kɛ kɛ̈k teekä, kä cia li̱w.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 8:5

Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.