Nyuuth 4:4 - RUAC KUƆTH IN RƐL RƆ

⁴ Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 4:4 Iomraidhean Croise

Ɛth-ter 8:15

Kɛ kɔrɛ cu Mɔr-da-kay cu jiɛɛn nhiam kua̱r, kä cuɛ wä raar, ɛ cɛ bi̱i̱ kuäärä mi yiel kɛnɛ mi bo̱r la̱th. Kä te wi̱cdɛ kɛ kum kuäärä mi ca la̱t kɛ da̱a̱p. Jɛn bä tëë kɛ bi̱i̱ dɔ̱diɛn mi määl mi ca la̱t ɛgɔaa kɛ bi̱i̱ mi di̱t kökdɛ. Ɛn guäth ɛmɔ, cu nɛy tin te däär wec Cu-cɛ̈n lo̱ckiɛn cu tɛɛth.

Diit 21:3

Kä ci jɛ lor kɛ ria̱ŋ mi di̱i̱t, kä ci wi̱cdɛ moc kɛ kum dääpä mi lɛy lɛy.

Mɛ̈t 19:28

Cu Yecu kɛ jiök i̱, “Ɛpuc, ɣän la̱rä jɛ yɛ, mi wä Gat Ran nyuur wi̱i̱ kɔam puɔnyädɛ rɛy ɣɔaa mi pay cak, bi yɛn nɛy tin cia ɣä guɔ̱ɔ̱r nyuur kɔamni kuäärä da̱ŋ wäl rɛw, kä bia döör I-thɛ-rɛl da̱ŋ wäl rɛw luk.

Luk 22:30

kɛ ɣöö dɔ̱ŋ bia mi̱th kä bia maath kɛ ɣä kɛɛl rɛy kuäärädä, kä bia nyuur wi̱i̱ kɔamni kuäärä luɔ̱kɛ thuk duëli I-thɛ-rɛl da̱ŋ wäl rɛw.”

2 Tim 4:8

A tɛmɛ ni ɛn täämɛ a wä nhiam ca kum kuäärä cuŋni tɔ̱a̱w ɣä, min bi Kuäär ni Yecu in la luuk cuŋni jɛ ka̱m ɣä ɛn cäŋ ɛmɔ, kä /ciɛ ɣän kärɔa, amäni nɛy diaal tin liɛpkɛ jɔacdɛ bä.

Nyuuth 11:16

Kä cu di̱t tin jiɛn da̱ŋ rɛw wi̱cdɛ ŋuan tin nyuur wi̱i̱ kɔamni kuäärädiɛn nhiam Kuɔth wuɔ̱thkiɛn yiath piny, kä cukɛ Kuoth pal,

Nyuuth 14:3

Kä cukɛ dit mi pay cak kɛt nhiam kɔam kuäärä kɛnɛ nhiam leeyni da̱ŋ ŋuan tin tëk, kɛ nhiam di̱tni. Thilɛ ram mi dee dit ɛmɔ ŋa̱c ɛ ni nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan, tin ca luɛl wi̱i̱ muɔ̱ɔ̱n.

Nyuuth 19:14

Cu rɛm nhial ti ca rony kɛ bieyni ti puath puaath ti bo̱o̱r ti gɔw jɛ guɔ̱ɔ̱r kɛ jio̱o̱k tuɔ̱ruɔ̱k ti bo̱o̱r.

Nyuuth 19:4

Kä cu di̱t ti jiɛn da̱ŋ rɛw wi̱cdɛ ŋuaan, kɛnɛ ley da̱ŋ ŋuaan tin tëk rɔ yuɔr piny palkɛ Kuoth in nyuur wi̱i̱ kɔam kuäärä, wäkɛ i̱, “Inɔnɔ. Liaknɛ Kuoth!”

Nyuuth 2:10

/Cuarɛ dual kɛ mɔ bi yɛ jak kä cuc ɔ. Nɛ̈nɛ jɛ, go̱o̱r gua̱n jiäkni ɣöö bɛ tha̱a̱ŋkun naŋ dueel yieenä, kɛ ɣöö dëë yɛ ɣɔ̱n, kä bia tekɛ rikɛ kɛ ni̱n da̱ŋ wäl. Ka̱pɛ ŋa̱thdun a bum amäni lia̱a̱, kä bä yɛ ka̱m kum teekä.

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 3:18

Kɛ kui̱ ɛmɔ ɣän cuɔmä ji̱ ɛn ɣöö bi da̱a̱p mi ca jakä lɛy lɛy kɛ mac kɔk kä ɣä, kɛ ɣöö deri ria̱ŋ. Kɛnɛ bieyni ti bo̱o̱r, kɛ ɣöö bi rɔ rony kɛ kɛ, kɛ ɣöö bi rɔ kum kä ta̱a̱ juutädu in no̱ŋ ji̱ pöc. Kä bi wäl mi yi̱ri nyinku kɔk kɛ ɣöö deri nën.

Nyuuth 4:10

la di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam raam in nyuur wi̱c kɔam kuäärä Kuɔth, kä palkɛ jɛn ram min tëk kɛ tëk mi thil pek. Kä yuɔrkɛ kuɔ̱mnikiɛn nhiam kɔam kuäärä wäkɛ i̱,

Nyuuth 4:6

kä nhiam kɔam kuäärä ɛmɔ tëëkɛ mi ce̱tkɛ bar neenä mi wi̱r wi̱r. Kä gëëkni kɔam kuäärä tëëkɛ ley da̱ŋ ŋuan ti tëk, ti ci thia̱a̱ŋ kɛ wäŋ nhiam kɛnɛ jɔk.

Nyuuth 5:11

Kä cua guic, kä cua̱ jɔw jaakni liŋ gekä kɔam kuäärä kɛ ley tin tëk kɛnɛ di̱t. Kä pekdiɛn kɛ jaak ti bathdɔɔri ti ŋuan ɛlɔ̱ŋ ti /ca dee luäŋ kɛ kuën.

Nyuuth 5:14

Kä cu ley da̱ŋ ŋuan tin tëk wee i̱, “Inɔnɔ!” Kä cu di̱t rɔ yuɔr piny kä palkɛ jɛ.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 5:8

Mëë cɛ ko̱l gɔ̱rä ka̱n, cu ley da̱ŋ ŋuan tin tëk, kɛnɛ di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam Ruath Dɛ̈ɛ̈l, käp ramɔ thom kɛnɛ thääk dääpä ti thiäŋ kɛ wal ti waŋkɛ, tin la pal nɛɛni ti ci Kuoth kɛ lɛy.

Nyuuth 6:11

Kä ca ramɔ kä kɛ moc kɛ bi̱i̱ mi bo̱r, kä cua kɛ jiök kɛ ɣöö bikɛ lɔ̱ɔ̱ŋ kɛ gua̱a̱th mi bär kä tɔt, amäni mi wa̱a̱ pek ji̱ la̱t kɛ̈ɛ̈liɛn kɛnɛ dämanikiɛn näk kɛn diaal, ce̱tkɛ mëë cakɛ näk.

Nyuuth 7:11

Kä cu ja̱a̱k nhial diaal kɔm kuäärä, kɛnɛ di̱t, kɛ ley da̱ŋ ŋuan tin tëk göl piny. Kä cukɛ rɔ̱ yuɔr piny buupä nhiam kɔam kuäärä palkɛ Kuoth,

Nyuuth 7:9

Kɛ kɔr kä mɛmɛ cua guic, kä nɛnɛ, tëëkɛ buɔ̱n nath mi di̱i̱t ɛlɔ̱ŋ mi thilɛ ram mi dee kɛ luäŋ kɛ kuën, bäkɛ röli kɛnɛ döör diaal, kɛ nɛy diaal, kɛnɛ ji̱ thukni diaal ti gööl, cuŋkɛ nhiam kɔam kuäärä kɛnɛ Ruath Dɛ̈ɛ̈l, ciaŋkɛ bieyni ti bo̱o̱r, kä te tetkiɛn kɛ kar kaanä.

Nyuuth 9:7

Kä ce̱t guec kɔaryɔaam kɛ jio̱o̱k tuɔ̱ruɔ̱k ti ca rialikä kɛ kui̱ köör. Te wuɔ̱thkiɛn kɛ ti ce̱tkɛ kuɔ̱mni kua̱ri ti da̱a̱p, kä ce̱t nhiemkiɛn kɛ nhiem nath.