Nyuuth 4:2 - RUAC KUƆTH IN RƐL RƆ

² Kä nikä kɛɛl cua ɣä käp ɛ yiëë, kä nɛnɛ, te ciëŋ nhial kɛ kɔm kuäärä mi te ram mi nyuur thi̱n!

Nyuuth 4:2 Iomraidhean Croise

1 Kua̱r 22:19

Kä cu Mi-ka-yaa wëë, “Kɛ kui̱c ɛmɔ liŋ ruac Kuɔth Nhial. Ɣän cä Kuoth Nhial nɛn te nyuurä kɔam kuäärädɛ, kä ja̱a̱k nhial diaal tekɛ cuŋä gëëknikɛ.

Diit 11:4

Kuoth Nhial a rɛy luaakdɛ min rɛl rɔ, Kuoth Nhial tëë nyuurä kɔam kuäärädɛ puɔ̱ɔ̱rä, jɛn guicɛ gaat nath, kä ɣɔ̱nɛ kɛ.

I-ca-yaa 6:1

Kɛ ruɔ̱n ëë li̱w kɛ kuäär ni Ö-dhi-ya cua̱ Kuäär ni Kuoth nɛn tëë nyuurä wi̱i̱ kɔam kuäärädɛ ni nhial, kä liakɛ jɛ. Kä ci bi̱i̱dɛ luak thiäŋ.

Bok Go̱kä ni Yir-mɛ-yaa 17:12

Gua̱th paläda, ce̱tdɛ kɛ buɔ̱m kuäärä mi ca yiath piny ɛ bum nikɛ tukdɛ.

Yɛdh 1:26

Kä rɛy dääkä in te wi̱i̱diɛn nhial tëë kɛ mi jɔc ce̱tkɛ kɔm kuäärä, mi ca la̱t kɛ guɛɛy mi yiel mi di̱t kökdɛ. Kä nyuur mi ce̱tkɛ raan wi̱i̱ kɔam.

Yɛdh 1:28

Ce̱tkɛ min la jɔc tik Kuɔth rɛy puɔ̱rä kɛ cäŋ nhial, ɛ jɛn jɔac in jɔc kɛ buay gëëknikɛ. Nɔmɔ ɛ jɛn jɔac ciɛɛŋä wutdä Kuɔth Nhial. Mëë cä jɛ nɛn cua̱ rɔ yuɔr piny buupä, kä cua̱ jɔw raam mi ruac liŋ.

Yɛdh 10:1

Kä mëë cä min ce̱tkɛ döŋ in te nhial leyni tin tëk guic, tëë kɛ mi jɔc ce̱tkɛ guɛɛy in yiel in di̱t kökdɛ, ce̱t ta̱a̱dɛ kɛ kɔm kuäärä.

Bok Go̱kä ni Da-ni-yel 7:9

“Kä min ta̱a̱ gui̱c, cua̱ kɔamni kuäärä nɛn cakɛ la̱th guäth, kä cu Ram in do̱raar nyuur wi̱i̱ kɔam kuäärädɛ. Kä buɔy bieynikɛ ce̱tnikɛ cak, kä buɔy miem wecdɛ ce̱tnikɛ lath. Kä kɔmdɛ bo̱lɛ ce̱tnikɛ mac kä ciök kɔamdɛ pɛtkɛ ala mac.

Mɛ̈t 22:43

Cuɛ kɛ jiök i̱, “Kä ɛ kui̱ ŋukä cɔl Dee-bid ɛ i̱, ‘Kuäär ni Kuoth’ mi ruacɛ kɛ Yiëë Kuɔth, wëë i̱,

Ji̱ Ɣi-bɛ-ru 8:1

Täämɛ luɔt kä min lat nɛy ɛ, ɛ ɣöö ta̱nɛ kɛ bo̱o̱th palä in di̱i̱t, mi ci nyuur kui̱c cuëëc kɔam Kua̱r in di̱i̱t nhial.

Nyuuth 1:10

Ɣän ta̱a̱ rɛy yieekä kɛ cäŋ Kua̱r ni Kuoth, kä cua jɔw mi di̱i̱t mi ce̱tkɛ jɔw kaaŋä liŋ jɔkdä,

Nyuuth 12:5

Cuɛ dap kɛ dho̱o̱l, min bi döör diaal ruac kɛ kɛɛt yieethä. Kä cua gatdɛ naŋ nhial kä Kuoth wi̱i̱ kɔam kuäärädɛ.

Nyuuth 17:3

Kä cuɛ ɣä naŋ däär dɔaar kɛ yiëë, kä cua ciek nɛn nyuurɛ jɔk lɛ̱̈ɛ̱̈ mi lual mi ci thia̱a̱ŋ kɛ ciööt kuethni Kuɔth, kä tëëkɛ wuɔ̱th da̱ŋ bärɔw kɛnɛ tuɔ̱ŋ da̱ŋ wäl.

Nyuuth 19:4

Kä cu di̱t ti jiɛn da̱ŋ rɛw wi̱cdɛ ŋuaan, kɛnɛ ley da̱ŋ ŋuaan tin tëk rɔ yuɔr piny palkɛ Kuoth in nyuur wi̱i̱ kɔam kuäärä, wäkɛ i̱, “Inɔnɔ. Liaknɛ Kuoth!”

Nyuuth 20:11

Kä cua kɔm kuäärä mi bo̱r mi di̱i̱t kɛnɛ ram in nyuur thi̱n nɛn, kä cu piny kɛnɛ nhial rɔ̱ bar nhiamdɛ, kä cuɛ thil gua̱a̱th kɛ kui̱diɛn.

Nyuuth 21:10

Rɛy yieekä cuɛ ɣä naŋ wi̱i̱ pa̱a̱m mi di̱i̱t mi bäär, kä cuɛ ɣä nyuɔ̱th wec Jɛ-ru-tha-lɛm mi rɛl rɔ bëë piny nhial kä Kuoth.

Nyuuth 21:5

Kä cu ram min nyuur wi̱i̱ kɔam kuäärä wee i̱, “Nɛnɛ, payä ŋɔaani diaal la̱t agɔaa.” Kä jɛn bä cuɛ wee i̱, “Gɔ̱r mɛmɛ, kɛ ɣöö rieet ti̱ti̱ kɛ thuɔ̱ɔ̱k kä dëë kɛ ŋäth.”

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 4:10

la di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam raam in nyuur wi̱c kɔam kuäärä Kuɔth, kä palkɛ jɛn ram min tëk kɛ tëk mi thil pek. Kä yuɔrkɛ kuɔ̱mnikiɛn nhiam kɔam kuäärä wäkɛ i̱,

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 4:9

Kä mɔ ci ley tin tëk puɔny kɛ luth kɛnɛ tëth lɔaac ka̱m ram in nyuur wi̱i̱ kɔam kuäärä mɔ, jɛn min tëk a thil pek,

Nyuuth 5:1

Kä tet cuëëc raam in nyuur kɔam kuäärä, cua ko̱l gɔ̱rä mi ca rɛydɛ kɛnɛ jɔkdɛ gɔ̱r nɛn, kä ca dil kɛ di̱i̱li bärɔw.

Nyuuth 5:13

Kä cua ti diaal tin ca cak tin te nhial kɛnɛ wi̱c muɔ̱ɔ̱n kɛ piny kɛnɛ bar, kɛ ti diaal tin te rɛydiɛn liŋ, ki̱tkɛ i̱, “A puɔ̱th mi thil pek, kɛnɛ luth kɛ puɔny kɛnɛ buɔ̱m, tekɛ ram min nyuur wi̱i̱ kɔam kuäärä, kɛnɛ Ruath Dɛ̈ɛ̈l!”

Nyuuth 6:16

Kä cukɛ pääm cɔl i̱, “Pɛ̈nɛ wi̱i̱da, kä tɛ̱̈ɛ̱̈ ɛ kɔ nhiam raam in nyuur kɔam kuäärä, kɛnɛ waŋ lɔaac Ruath Dɛ̈ɛ̈l.