Nyuuth 4:11 - RUAC KUƆTH IN RƐL RƆ

¹¹ “Ji̱n gɔaai, Kuäärä kä Kuothdä, kä ro̱ŋi kɛ liak kɛ luth kɛnɛ buɔ̱m, kɛ ɣöö ci ti diaal cak. Kä kɛ ruacdu tekɛ thi̱n, kä cikɛ cak.”

Nyuuth 4:11 Iomraidhean Croise

Tuk Cäkä Ɣɔaa 1:1

Ni tukädɛ Kuoth cɛ Nhial kɛnɛ piny cak.

2 Tham 22:4

Cä Kuoth Nhial, in ro̱ŋ kɛ liak cɔl, kä cɛ ɣä kän kä ji̱ tɛ̈rä.

Nɛ-ɣɛm-yaa 9:5

Kä cu ji̱ Lii-bay kɛ Jɔ-cua kɛnɛ Kɛ̈d-mi-el kɛ Bani kɛnɛ Ɣä-cab-nɛ-yaa kɛ Ce-reb-yaa kɛnɛ Ɣo-di-yaa kɛ Cɛ-bɛ̈n-yaa kɛnɛ Pɛ-thɛ̈k-yaa wee i̱, “Jiacɛ rɔ̱ kä liakɛ Kuoth Nhial ni Kuothdun a thil pek. A puɔ̱th tekɛ ciötdɛ in bum kä a jɛ puanykɛ kɛ puɔny mi leny liakni diaal.”

I-yob 36:3

Kɛ ŋäc ŋɔaanidä min di̱i̱t, bä ji̱ la̱t cuɔ̱ɔ̱ŋ Cääkädä.

Diit 18:3

Cä Kuoth Nhial, in ro̱ŋ kɛ liak cɔl, kä cɛ ɣä kän kä ji̱ tɛ̈rä.

Diit 68:34

Latdɛ buɔ̱m Kuɔth, min te kuäärɛ kä I-thɛ-rɛl, kä te buɔ̱mdɛ ni puɔ̱ɔ̱rä.

Ɣöth 20:11

Kɛ ɣöö ɣän Kuoth cä nhial kɛnɛ piny cak, kɛ yieer a amäni tin te rɛydiɛn kɛ ni̱n da̱ŋ bäkɛl, kä cua̱ lɔ̱ɔ̱ŋ kɛ bärɔwdiɛn. Kɛ kui̱c ɛmɔ, ɣän Kuoth Nhial cua cäŋ lɔ̱ŋä poth kä cuɛ jɛ jak kä mi gɔaa mi rɛɛl rɔ.

Ruac Pɛli 16:4

Ci Kuoth Nhial ti diaal la̱t kɛ luɔtdiɛn, amäni gua̱n dueeri kɛ cäŋ rikä.

I-ca-yaa 40:26

Kapni waŋdu nhial guic pua̱a̱r, Ɛŋa mi cak kɛn ti diaal ti̱ti̱? Ɛn ram in no̱o̱ŋkɛ raar kä ŋäc pekdiɛn, ram in cɔɔlkɛ ni ciöötnikiɛn. Kɛ kui̱ bumädɛ min di̱i̱t kɛnɛ lua̱ŋdɛ, thilɛ kɛl mi te jɔ̱ɔ̱r thi̱n.

I-ca-yaa 40:28

Ɛ /keni jɛ ku ŋa̱c? Kä /keni jɛ ku liŋ? Kuoth Nhial ɛ jɛn Kuoth mi thil pek, cɛ ɣɔw kɛɛliw cak. Jɛn /cɛ ŋɔa̱a̱ŋ kä /cɛ cuc, kä thilɛ ram mi dëë ŋäc ŋɔaanidɛ ŋa̱c.

Bok Go̱kä ni Yir-mɛ-yaa 10:11

Kä lät nikɛ nɛmɛ i̱, “Kɛn kuth ti /ka̱n nhial kɛnɛ piny la̱t ti, bi kɛ duɔ̱p kä bikɛ thuɔ̱k wi̱i̱ muɔ̱ɔ̱n piny pua̱a̱ri.”

Bok Go̱kä ni Yir-mɛ-yaa 32:17

‘Kuäär ni Kuoth! Ɛ ji̱n ɛ ni̱n ci nhial kɛnɛ piny cak kɛ buɔ̱m mi di̱i̱t! Kɛ ɣöö thilɛ mi bum mi dee ji̱ dhal lö Kuoth,

Lät Jaakni Yecu 14:15

“Mäthnikɔ, ɛŋu lät yɛn mɛmɛ ɔ? Kɔn lapkɔ naath ce̱tkɛ yɛ, kä nöŋkɔ ni yɛ thuk ti gɔw, kɛ ɣöö bia rɔ̱ ri̱t kä kɛn ti thil luɔt ti, bia rɔ̱ riet Kuoth in tëk, min ci nhial kɛnɛ piny cak kɛ bar kɛ ŋɔaani diaal tin te rɛydiɛn.

Lät Jaakni Yecu 17:24

Kuoth in ci ɣɔw cak kɛnɛ ti diaal tin te rɛydɛ min la Kuäär nhial kɛnɛ piny, /cɛ cieŋ rɛy lueekni palä ti la̱tkɛ ɛ naath kɛ tetkiɛn.

Ji̱ Röm 11:36

Kɛ ɣöö ŋɔak diaal bäkɛ kä jɛ, kä tëkɛ kɛ jɛ, kä wäkɛ kä jɛ. A puɔny tekɛ jɛ, amäni cäŋ kɛl! Inɔnɔ.

Ji̱ Ɛ-pɛ-thäth 3:9

Kä ci Kuoth ɣä ka̱m ɣöö bä nɛy diaal la̱t ca̱p ëë ca tɛ̱̈ɛ̱̈, min ci rɔ tɔ̱w rɛydɛ ni tukä jɛn Kuoth in cak ti diaal.

Ŋuɔ̱t 32:4

“Ɛn Kuoth, latdɛ cuŋ. Kɛ ɣöö dupkɛ diaal cuŋkɛ. Ɛ Kuoth mi gɔaa mi thil duer, ɛ cuɔ̱ŋ ni kä rɔ.

Ji̱ Ɣi-bɛ-ru 1:10

Kä cu Kuoth wee i̱, “Ji̱n Kuäär ni Kuoth, ni tukä ci piny cak, kä ci pua̱a̱r la̱t kɛ tetku.

Ji̱ Ɣi-bɛ-ru 1:2

Kä ɛn ni̱ni ti jɔak ti thia̱k ti, cɛ ruac kɛ kɔn kɛ Gat, min cɛ kuany kɛ ɣöö bɛ nyin wec muɔ̱ɔ̱n diaal guäl, kä ca ɣɔw cak kɛ jɛ.

Nyuuth 1:6

Kä cɛ kɔn jakä kuäär bööthni palä ti la̱tkɛ Kuoth ikä kɛnɛ Gua̱a̱r. Kä a gɔɔy kɛnɛ buɔ̱m tekɛ Yecu amäni cäŋ kɛl. Inɔnɔ.

Nyuuth 10:6

kä cuɛ rɔ yac kɛ ram min tëk kɛ tëk mi thil pek, min ci nhial cak kɛnɛ tin te rɛydɛ, kɛ piny kɛnɛ tin te rɛydɛ, kɛ bar, kɛnɛ tin te rɛydɛ. Kä cu jääk wee i̱, “/Cɛ bi lɛ gal.

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 19:1

Kɛ kɔr kä mɛmɛ cua mi ce̱tkɛ jɔw bunä nɛɛni ti ŋuan liŋ nhial, wäkɛ i̱, “Liaknɛ Kuoth! Ka̱n kɛnɛ puɔny kɛ buɔ̱m kɛ nyin Kuothdan,

Nyuuth 5:12

Kä cukɛ kiet kɛ jɔw mi di̱i̱t i̱, “Gɔaa Ruath Dɛ̈ɛ̈l ëë ca näk, kɛ ɣöö bɛ buɔ̱m kɛnɛ ria̱ŋ, kɛ pɛl kɛnɛ lua̱ŋ, kɛ luth kɛnɛ puɔny, amäni puɔ̱th ka̱n!”

Nyuuth 5:2

Kä cua jääk nhial mi bum nɛn, latdɛ ruac kɛ jɔw mi di̱i̱t i̱, “Ɛŋa mi ro̱ŋ kɛ lëp köl kɛnɛ to̱li di̱i̱likɛ?”

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,