Nyuuth 3:9 - RUAC KUƆTH IN RƐL RƆ

⁹ Nɛnɛ, ɣän bä ji̱ gua̱th dolä Cɛy-tan tin larkɛ jɛ i̱, lapkɔ ji̱ Juudh, kä /ciɛ kɛn, kackɛ jɛ ɣän bäkɛ jakä bëë, kä guɔŋkɛ rɔ ciöknikun, kä ba cu ŋa̱c ɛ kɛn ɛn ɣöö nhɔakä yɛ.

Nyuuth 3:9 Iomraidhean Croise

Ɛth-ter 8:17

Rɛy wi̱i̱ni kɛnɛ rɛ̈k diaal tin ci ruac kua̱r kɛnɛ ŋutdɛ cop thi̱n, cu naath tekɛ ŋa̱th kɛnɛ tɛ̈th lɔaac mi di̱i̱t, kä ji̱ Juudh, cukɛ tekɛ ti̱em kɛnɛ lɔ̱a̱ŋ. Kä min di̱t ni jɛn ɛlɔ̱ŋ, cua ɣöö cu nɛy ti ŋuan rɔ̱ ri̱t ala ji̱ Juudh, kɛ ɣöö dualkɛ ɛlɔ̱ŋ kɛ ji̱ Juudh.

Ɣöth 11:8

Kä la̱a̱tku diaal ti̱ti̱ bikɛ ben ni nhiamdä, ba rɔ̱ ben goŋ ni nhiamdä, bikɛ jɛ a laar i̱, ‘Wër yɛnɛ nɛɛku tɔ̱ guɔ̱ɔ̱r ji̱ tɔ̱.’ Kɛ kɔrɛ ɣän bä wä ɛpuc.” Cuɛ jiɛn nhiam Pɛro kɛ waŋ lɔaac mi di̱i̱t.

I-ca-yaa 43:4

Kɛ ɣöö gɔw yɛn ɛlɔ̱ŋ waaŋdä, kä luɔ̱thkɛ yɛ kä nhɔakä yɛ, ɣän bä naath la̱th guäthdun, nɛy ti bä thöp kɛ kui̱ teekädun.

I-ca-yaa 45:14

Cu Kuoth Nhial wee i̱, “Bi ria̱ŋ I-jëp kɛnɛ kuak Kuc a nyinku, kä bi ji̱ Thɛba tin ba̱r ba̱a̱r a kuaanyku, kɛn bikɛ ben kä ji̱ ala nyinku, ba ji̱ guɔ̱ɔ̱r ɛ kɛn, bikɛ ben a te ciökiɛn kɛ kuatni ba ji̱ ben goŋ. Ba ji̱ ben lip ɛ kɛn wäkɛ i̱, ‘Kuoth tëë kɛ ji̱n kärɔa, thilɛ Kuoth mi dɔ̱ŋ, thilɛ Kuoth mi dɔ̱ŋ mi /ci mɔ a jɛn.’ ”

I-ca-yaa 49:23

Kua̱r bikɛ la ro̱o̱m gankun, kä bi mänkiɛn kɛn kua̱r a röömkun. Kä bikɛ rɔ̱ goŋ kɛ yɛ a yiathkɛ nhiamdiɛn piny, kä bikɛ bɛ̈l ni tup ciöknikun. Kä bia jɛ ku ŋa̱c ɛn ɣöö ɛ ɣän Kuoth Nhial, kä nɛy tin ca ŋa̱thdiɛn la̱th kä ɣä /cakɛ bi jak kä po̱c.”

I-ca-yaa 60:14

Kä bi gua̱ni nɛɛni tin ciaŋkɛ ji̱ a jiäk, ben kä ji̱ a ca rɔ goŋ, kä nɛy diaal tin lökɛ ji̱ bikɛ rɔ̱ ben goŋ ciökniku, kä ba ji̱ cɔl i̱ Wec Kuɔth Nhial, Dha-yɔn Kuɔth I-thɛ-rɛl.

Jɔ̱ɔ̱n 17:23

Ta̱a̱ rɛydiɛn kä ti̱i̱ rɛydä, kä dee kɛn a kɛl pa̱ny, kɛ ɣöö dee ɣɔw ɛ ŋa̱c ɛn ɣöö ɛ ji̱n jäk ɣä mɔ, kä cikɛ nhɔk kɛ nhök in ci nhɔk ni ɣä.

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.

1 Tham 2:36

Kä ramɔ bi duɔth dhɔru mɔ, bɛ jɛ ben thiec kɛ yio̱w kɛnɛ mi̱eth, kä bɛ thiec kɛ ɣöö bɛ jɛ luäk kɛ la̱t palä, kɛ ɣöö dëërɛ rɔ jek mi̱eth mi camä.’ ”