Nyuuth 3:7 - RUAC KUƆTH IN RƐL RƆ

⁷ “Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.

Nyuuth 3:7 Iomraidhean Croise

I-yob 11:10

Kä mi cɛ ben, kä cɛ ji̱ yiɛn, kɛnɛ mi lukɛ ji̱, ɛŋa dëë jɛ gak ɔ?

I-yob 12:14

Mi ci Kuoth jɛ da̱k piny, thilɛ ram mi dëë jɛ nyɔk kɛ ta̱th. Kä ram mi cɛ yiɛn, /ca dëë luäŋ kɛ luɔ̱ny.

Diit 145:17

Kä Kuoth Nhial lätkɛ diaal kɛ cuŋ, kä gɔaaɛ kɛ tin diaal tin cɛ la̱t.

Diit 16:10

Kɛ ɣöö /ci ɣä bi pa̱l kɔ̱kä kunyä, kä /ci raan ŋäthädu bi jak kä dhiap.

Diit 89:18

Kɛ thuɔ̱k bo̱o̱thda ɛ duŋ Kuɔth Nhial, kä kuäära ɛ duŋ Kuɔth I-thɛ-rɛl.

I-ca-yaa 22:22

Kä bä jɛ ka̱m leepni dhɔaar Dee-bid, mi cɛ gäk thilɛ ram mi bi jɛ lɛp, kä mi cɛ lɛp thilɛ ram mi bi jɛ gäk.

I-ca-yaa 30:11

Kä pa̱lɛ duɔ̱ɔ̱p wiaa gekä, a thil mi liɛŋkɛ kɛ kui̱ Kuɔth I-thɛ-rɛl.”

I-ca-yaa 41:14

/Cu dual lö kɔ̱m ni Je-kɔb, ji̱n duŋ tiit ni I-thɛ-rɛl! Ɣän puɔ̱nydä bä yɛ luäk, ruac ni ɣän Kuoth Nhial, Käändun ni Kuoth I-thɛ-rɛl.

I-ca-yaa 41:16

Kä bikɛ ciɛth kä bi jiɔam kɛ lɔk, bi thul kɛ riaw kä dɔɔr. Kä bi lɔcdu cu tɛɛth kɛ Kuoth Nhial, kä bi cu buɔ̱m rɛy Kuɔth I-thɛ-rɛl.

I-ca-yaa 41:20

kɛ ɣöö bi naath ɛ nɛn kä ba jɛ ŋa̱c, bikɛ jɛ tit kɛɛl kä bikɛ jɛ ŋa̱c, ɛn ɣöö ɛ Kuoth Nhial lät jɛ mɔ, ɛ Kuoth I-thɛ-rɛl cak ɛ mɔ.

I-ca-yaa 47:4

Ɛn Käända, cɔalkɛ ciötdɛ Kuoth Nhial in la Ruey Ɣɔaa, ɛ jɛn Kɛl I-thɛ-rɛl in Rɛl Gɔɔydɛ rɔ.

I-ca-yaa 48:17

Cu Kuoth Nhial ni Lueelun, min la Kuoth I-thɛ-rɛl wee i̱, “Ɛ ɣän Kuoth Nhial ni Kuothdu, mëë ci ji̱ ŋi̱eec kɛ min lot rɔ kɛ ji̱, min nyuuth ji̱ kɛ duɔ̱ɔ̱p in bi wä kɛ ji̱.

I-ca-yaa 49:7

Kä nɛmɛ ɛ min ci Kuoth Nhial ɛ lar, ɛn min la Lueel kä Kuoth I-thɛ-rɛl in rɛy gɔɔydɛ rɔ, lätdɛ jɛ ram in ca nyir ɛlɔ̱ŋ kä ca lo̱k ɛ döör, ɛn ja̱ŋ ruëëcni wëë i̱, “Bi kua̱r ji̱ nɛn kä bikɛ rɔ̱ jiɛc, ruëëc bikɛ ji̱ nɛn kä bikɛ rɔ̱ goŋ, kɛ kui̱ Kuɔth Nhial in gɔaa, ni Kuoth I-thɛ-rɛl in rɛy gɔɔydɛ rɔ in ci ji̱ mɛk.”

I-ca-yaa 54:5

Kɛ ɣöö Cääkdu ɛ cɔwdu, kä cɔalkɛ ciötdɛ Kuoth Nhial in la Ruey Ɣɔaa, ɛn Kuoth I-thɛ-rɛl, ɛ jɛn la Lueelu mɔ, cɔalkɛ jɛ Kuoth wec muɔ̱ɔ̱n kɛɛliw.

I-ca-yaa 55:5

Kɛ thuɔ̱k bi döör ti kui̱ci cɔl, kä bi döör ti kueckɛ ji̱ ri̱i̱ŋ kä ji̱, kɛ ɣöö ci Kuoth Nhial ni Kuothdu, Kuoth I-thɛ-rɛl, ji̱ moc kɛ luth kɛnɛ liak.

I-ca-yaa 6:3

Kä cɔalkɛ rɔ̱ wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ ɛ Kuoth Nhial in la Ruey Ɣɔaa, ci wi̱c muɔ̱ɔ̱n thia̱a̱ŋ kɛ buaydɛ.”

Mɛ̈t 16:19

Bä ji̱ ka̱m leepni ciëŋ kuäärä nhial, kä mi wiaa yiɛn wi̱i̱ muɔ̱ɔ̱n ba jɛ yiɛn cieŋ nhial. Kä mi wiaa lony wi̱i̱ muɔ̱ɔ̱n, ba jɛ lony cieŋ nhial.”

Mɛ̈t 24:35

Kä bi nhial kɛnɛ piny thuuk, kä /ci ruaacnikä bi met thuuk.”

Mak 1:24

Kä cuɛ wiee wëë i̱, “Ɛŋu mi bi lät kä kɔ, ji̱n Yecu raan Na-dha-rɛth? Bi̱i̱ kɛ ɣöö bi kɔ ben däk? Ɣän ŋa̱cä jɛ ɛn ɣöö ɛ ji̱n ram mi rɛl Gɔɔydɛ rɔ mi bëë ni kä Kuoth.”

Luk 1:32

Jɛn bɛ a ram mi di̱i̱t, kä ba jɛ cɔl i̱ Gat Kuɔth Nhial in Di̱t ni jɛn. Kä bi Kuäär ni Kuoth jɛ ka̱m kɔm kuäärä gua̱ndɔɔŋdɛ ni Dee-bid.

Luk 4:34

“Aɣ, ji̱n Yecu, raan Na-dha-rɛth, ɛŋu mi go̱o̱ri kä kɔ? Ji̱n bi̱i̱ kɛ ɣöö bi kɔ ben däk? Ɣän ŋa̱cä ji̱, ɛn ɣöö ɛ ji̱n kɛl Kuɔth in Rɛl rɔ.”

Jɔ̱ɔ̱n 14:6

Cu Yecu jɛ jiök i̱, “Ɛ ɣän duɔ̱ɔ̱p, ɛ ɣän thuɔ̱k, kä ɛ ɣän tëk. Thilɛ ram mi wä kä Kuoth Nhial, a /cɛ bä kɛ ɣä.

Lät Jaakni Yecu 3:14

Kä cia Ram in rɛl rɔ kä Gua̱n Cuŋni lo̱k, kä cuarɛ thiec ni ɣöö bɛ yɛ luɔ̱ny ram mi nääk nath.

1 Jɔ̱ɔ̱n 5:20

Kä ŋäc kɔn ɛ bä ɛn ɣöö ci Gat Kuɔth ben, kä cɛ kɔn ka̱m ŋäc ŋɔaani kɛ ɣöö dënɛ jɛ ŋa̱c jɛn ram in thuɔ̱k. Kä ta̱nɛ rɛydɛ jɛn min la thuɔ̱k, Gatdɛ ni Yecu Kritho. Kä ɛ jɛn Kuoth in thuɔ̱k, kä ɛ tëk in do̱raar.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:18

kä ɛ ɣän ram in tëk. Ɣän cä li̱w, kä nɛnɛ ɣän tëkä amäni cäŋ kɛl. Ɣän ta̱a̱kɛ leepni li̱eth kɛnɛ ro̱l jɔɔkni.

Nyuuth 1:5

kä bä kä Yecu Kritho in la neen in ŋa̱thkɛ, jɛn kɛ̱̈ɛ̱̈ nɛɛni ti ci li̱w, kä kuäär kua̱ri wec muɔ̱ɔ̱n. Kä jɛn nhɔkɛ kɔn, kä cɛ kɔn lony rɛy dueerikɔn kɛ riɛmdɛ.

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 16:7

Kä cua jɔw liŋ wi̱i̱ yi̱kä wëë i̱, “Ɣɔ̱ɔ̱n, Kuäär ni Kuoth, in Leny Buɔ̱mdu ti Diaal. Luɔ̱ɔ̱ku kɛ thuɔ̱ɔ̱k kä kɛ cuŋ!”

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 2:1

“Gɔ̱ri mɛmɛ jääk nhial in te dueel Kuɔth kä Ɛ-pɛ-thäth, ‘Ti̱ti̱ kɛ kɛn rieet raam in kääp kuɛl da̱ŋ bärɔw kɛ tet cuëëcdɛ, kä jäl kam cuuŋni lɛmbärni dääpä da̱ŋ bärɔw.

Nyuuth 21:5

Kä cu ram min nyuur wi̱i̱ kɔam kuäärä wee i̱, “Nɛnɛ, payä ŋɔaani diaal la̱t agɔaa.” Kä jɛn bä cuɛ wee i̱, “Gɔ̱r mɛmɛ, kɛ ɣöö rieet ti̱ti̱ kɛ thuɔ̱ɔ̱k kä dëë kɛ ŋäth.”

Nyuuth 3:14

“Kä gɔ̱ri nɛmɛ jääk nhial in te dueel Kuɔth kä La-o-di-thia i̱, ‘Ti̱ti̱ kɛ rieet raam in cɔali Inɔnɔ, in la neen in thuɔ̱k kä ŋa̱thkɛ, min la tuk cäkä ŋɔaani tin ci Kuɔth kɛ cak.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”