Nyuuth 3:21 - RUAC KUƆTH IN RƐL RƆ

²¹ Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 3:21 Iomraidhean Croise

Mɛ̈t 19:28

Cu Yecu kɛ jiök i̱, “Ɛpuc, ɣän la̱rä jɛ yɛ, mi wä Gat Ran nyuur wi̱i̱ kɔam puɔnyädɛ rɛy ɣɔaa mi pay cak, bi yɛn nɛy tin cia ɣä guɔ̱ɔ̱r nyuur kɔamni kuäärä da̱ŋ wäl rɛw, kä bia döör I-thɛ-rɛl da̱ŋ wäl rɛw luk.

Mɛ̈t 25:21

Cu kuäärɛ jɛ jiök i̱, ‘Gɔaaɛ ɛlɔ̱ŋ, ɛ ji̱n yuup mi gɔaa mi ŋa̱a̱thä. Ci ti tɔt yop agɔaa, kä bä ji̱ jakä yuup kä ti ŋuan. Bër nyuaknɛ tɛ̈th lɔaacdä kɛɛl.’

Mɛ̈t 28:18

Kä cu Yecu ben kä kɛ, cuɛ kɛ jiök i̱, “Lua̱ŋ nhial kɛnɛ piny kɛɛliw ca jɛ ka̱m ɣä.

Luk 22:30

kɛ ɣöö dɔ̱ŋ bia mi̱th kä bia maath kɛ ɣä kɛɛl rɛy kuäärädä, kä bia nyuur wi̱i̱ kɔamni kuäärä luɔ̱kɛ thuk duëli I-thɛ-rɛl da̱ŋ wäl rɛw.”

Jɔ̱ɔ̱n 13:32

Kä mi ca Kuoth liak kɛ jɛ, bi Kuoth puɔ̱nydɛ jɛ liak, kä bɛ jɛ liak nikä kɛɛl.

Jɔ̱ɔ̱n 16:33

Ɣän la̱rä yɛ mɛmɛ kɛ ɣöö dee yɛn mal jek kä ɣä. Rɛy ɣɔaa ca yɛ ciɛŋ a jiäk. Kä a lo̱ckun bum, cä ɣɔw puɔ̱t.”

2 Tim 2:12

Mi ruɔ̱tnɛ ti bɛc, banɛ ruëc kɛ jɛ kɛɛl bä. Mi wä kɔn ɛ jay, jɛn bɛ kɔn jay bä.

Nyuuth 1:6

Kä cɛ kɔn jakä kuäär bööthni palä ti la̱tkɛ Kuoth ikä kɛnɛ Gua̱a̱r. Kä a gɔɔy kɛnɛ buɔ̱m tekɛ Yecu amäni cäŋ kɛl. Inɔnɔ.

Nyuuth 12:11

Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 20:6

Tɛ̈th lɔaac kɛnɛ puɔ̱th mi di̱i̱t akɛ nɛy tin te rɛy nɛɛni tin ca rɔ̱ jiɛc li̱th kɛ nhiam. Kɛ kui̱ nɛɛni tɔ̱tɔ̱, thil lia̱a̱ in rɛwdɛ lua̱ŋ kɛ kɛ, bikɛ a bööth palä Kuɔth kɛnɛ Kritho, kä bikɛ ruëc kɛ jɛ kɛɛl kɛ run ti bathdɔɔr kɛl.

Nyuuth 5:10

kä cikɛ jakä kuäär kɛnɛ bööth palä ti la̱tkɛ Kuɔthdan ikä, kä bikɛ ruëc wi̱i̱ muɔ̱ɔ̱n.”

Nyuuth 6:2

Kä cua guic, kä nɛnɛ, tëëkɛ jio̱k tuɔ̱ruɔ̱k mi bo̱r, kä te ram in kɔt jɛ kɛ bäär. Kä cua jɛ ka̱m kum kuäärä, kä cuɛ ben raar ala tieem, kɛ ɣöö bɛ tiëm.

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”