Nyuuth 3:17 - RUAC KUƆTH IN RƐL RƆ

¹⁷ Kɛ ɣöö laar yɛn ɛ i̱, ‘Ria̱ŋä, kä ci nyinkä rɔ̱ kuay, kä thilɛ mi göörä.’ Kä kuecɛ jɛ ɛn ɣöö lapɛ ji̱ rikä, kä jiɛth lo̱c nath kɛ yɛ, kä lapɛ can, kä ciöör, kä ta̱yɛ juutdä.

Nyuuth 3:17 Iomraidhean Croise

Tuk Cäkä Ɣɔaa 3:7

Kä cu kɛn diaal wuɔ̱thkiɛn rɔ̱ lɛp, kä cukɛ ta̱a̱ juutädiɛn cu mir, kä cukɛ ji̱th jiaath ŋɔa̱a̱p tak ni bieyni, kä cukɛ rɔ̱ kuäth kɛ kɛ.

Ɣöth 32:35

Inɔ, cu Kuoth Nhial naath jäk kä rik ti bɛc kɛ ɣöö cikɛ ruath tha̱a̱k mi ci Ä-ron ɛ täth pal.

Ruac Pɛli 13:7

Kä tëë kɛ ram mi caar rɔ i̱ tëë kɛ, ria̱ŋ kä thilɛ jɛ duɔ̱ɔ̱r, kɛ ram mi caar rɔ i̱ ɛ can kä riäŋɛ.

Ruac Pɛli 30:9

amäni mi bä ria̱ŋ, a bä ji̱ gak i̱, “Kuoth Nhial ɛŋa?” Kiɛ bi ɣän a can a bä kual, a bä cio̱t Kuɔthdä ŋar ŋar.

I-ca-yaa 42:19

Ɛŋa la cɔrɔ mi /ci mɔ a ja̱ŋdä, kiɛ miŋ mi ce̱tkɛ ram in cä ja̱k? Ɛŋa mi la cɔr ce̱tkɛ ram in ci rɔ lëy ɣä, kiɛ mi cɔr ce̱tkɛ ja̱ŋ Kuɔth Nhial?

Bok Go̱kä ni Yir-mɛ-yaa 2:31

Kä yɛn ri̱c ɛmɛ, liɛŋɛ ruac Kuɔth Nhial. A ku ɣän ce̱tkɛ därdɔaar kä I-thɛ-rɛl, kiɛ ro̱l muɔ̱th mi col? Kä ɛŋu ruac nɛɛkä mɔ i̱, ‘Lɔr nɛy, /ca̱kɔ bi lɛ ben kä ji̱’?

Ɣocä 12:8

Kä laar Ɛ-pa-rim jɛ i̱, “Ɣän cä ria̱ŋ, ɣän cä rɔ jek ŋɔak ti ŋuan.” Kä ria̱ŋdä /ca dueer dee jek thi̱n.

Dhɛk 11:5

Kä ci ji̱kiɛn kɛ näk kä cikɛ wä a /ka̱nkɛ duäc. Kä cu nɛy tin kɔkɛ wee i̱, ‘Ɛ puɔ̱th tekɛ Kuoth Nhial, kɛ ɣöö cakɔ tekɛ ti ŋuan.’ Kä /ken yiëënkiɛn kɛ nhɔk.

Mɛ̈t 5:3

Cu Yecu wee i̱, “Puɔ̱th akɛ nɛy tin ŋa̱ckɛ rɔ̱ ɛn ɣöö kɛ can rɛydiɛn, kɛ ɣöö kuäär nhial ɛ duŋdiɛn.

Mɛ̈t 9:12

Kä mëë ci Yecu mɛmɛ liŋ, cuɛ wee i̱, “/Ci nɛy ti puɔl pua̱nykiɛn ki̱m go̱r, ɛ ni nɛy tin bɛc pua̱nykiɛn.

Luk 1:53

Cuɛ nɛy ti näk buɔthkɛ riäŋ kɛ ŋɔak ti gɔw, kä cuɛ nɛy ti ria̱ŋ ria̱a̱ŋ jakä wä baaŋ.

Luk 6:24

Kä riɛk akɛ yɛ, yɛn nɛy tin ria̱ŋ ria̱a̱ŋ, kɛ ɣöö cia tɛth lɔaacdun jek.

Ji̱ Röm 11:20

Nɔmɔ ɛ thuɔ̱k. Ca kɛ töl kä piny kɛ thil ŋäthädiɛn, kä ji̱n cuŋi a bum kɛ ŋa̱th kärɔa. Kɛ ɣöö inɔ /cu bia̱ gua̱n liakä, cuŋni kɛ dual.

Ji̱ Röm 11:25

Göörä ɣöö bi yɛn mi cuäŋ naath ɛmɛ ŋa̱c, dämaari, kɛ ɣöö /cia rɔ̱ bi lɛ lat i̱ pɛl yɛn. Cu buɔ̱m wec cu ben kä tha̱a̱ŋ ji̱ I-thɛ-rɛl, amäni mëë ci Juri diaal ben thi̱n.

Ji̱ Röm 12:3

Ɣän ruacä kɛ ramɔ kä yɛn diaal kɛ puɔ̱th baaŋ in ci Kuoth ɛ ka̱m ɣä, kɛ ɣöö /ci raan rɔɔdɛ bi car i̱ di̱tni jɛn a leny ca̱r in dee ca̱r kɛ jɛ, kä bi raan ca̱r muɔ̱lä, ramɔ kɛ pek ŋäthä min ci Kuoth ɛ ka̱m ɛ.

Ji̱ Röm 7:24

Kua jiath lɔaac mi tee di tekɛ ɣä mɛ! Ɛŋa mi bi ɣä luäk puɔ̱ɔ̱ny ɛ li̱w ɛ?

2 Pit 1:9

Kɛ ɣöö ram mi dak ŋɔaani ti̱ti̱ kä jɛ dak guecdɛ, kä ɛ cɔr, kä cɛ jɛ pa̱l ruëëc ɛn ɣöö ca jɛ lak kä dueerkɛ tëë kɔn.

Nyuuth 16:15

“Nɛnɛ, ɣän ba̱a̱ ce̱tkɛ kueel! Puɔ̱th akɛ ram te jinä, mi yoop bi̱i̱dɛ kɛ ɣöö /cɛ bi ja̱l juutdä, a bɛ pöc kɛ naath.”

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.

Nyuuth 3:16

Kä kɛ ɣöö lapɛ da̱y da̱a̱y, kä /ci lɛ kɔ̱a̱c kiɛ lëth, bä yɛ ŋuɔ̱l raar thokdä.’