Nyuuth 3:14 - RUAC KUƆTH IN RƐL RƆ

¹⁴ “Kä gɔ̱ri nɛmɛ jääk nhial in te dueel Kuɔth kä La-o-di-thia i̱, ‘Ti̱ti̱ kɛ rieet raam in cɔali Inɔnɔ, in la neen in thuɔ̱k kä ŋa̱thkɛ, min la tuk cäkä ŋɔaani tin ci Kuɔth kɛ cak.

Nyuuth 3:14 Iomraidhean Croise

Tuk Cäkä Ɣɔaa 49:3

“Rɛ-u-ben, ɛ ji̱n kɛ̱̈ɛ̱̈dä pa̱ny min la nyuth ŋuɛɛtädä, kä jio̱l kuayni kä tieey dapädä. Di̱t ni luthdu rɛy gankä, kä di̱t ni buɔ̱mdu rɛydiɛn.

Ruac Pɛli 14:5

/Ci neen mi thuɔ̱k kac lat, kä lat neen kacä ni ka̱a̱cni.

Ruac Pɛli 8:22

“Kɔŋ Kuoth Nhial cak ni ɣä kɛ nhiam kä lätkɛ diaal, kɔaŋ cak ni ɣä ni wal.

I-ca-yaa 55:4

Nɛnɛ, cä jɛ jak kä neen nath, cä jak kä rueec kä bo̱o̱th dööri.

I-ca-yaa 65:16

Kɛ ɣöö ram mi wä rɔ poth muun, bɛ rɔ poth kɛ ciöt Kuɔth in thuɔ̱k, kä ram mi wä rɔ wä yac muun, bɛ rɔ yac kɛ ciöt Kuɔth in thuɔ̱k, kɛ ɣöö cä nyuɔɔn tëë wal pa̱l ruëëc, kɛn cikɛ bath waaŋdä.”

Bok Go̱kä ni Yir-mɛ-yaa 42:5

Kä cukɛ Yir-mɛ-yaa jiök i̱, “Ɛ puc bi Kuoth a neen mi thuɔ̱k kɛ kui̱da mi wëë kään ɛ /cakɔ bi la̱t ni tin diaal tin bi Kuoth Nhial ni Kuothdu kɛ la̱r ji̱ kɛ kui̱da mɔ.

Jɔ̱ɔ̱n 1:3

Kä cu Kuoth ŋɔak diaal cak kɛ jɛ, duŋ mi thil ni jɛn, thilɛ mi dëë cak kä tin ca cak.

Jɔ̱ɔ̱n 8:14

Kä cu Yecu ɛ loc i̱, “A cäŋ latdä ruac nenädä kɛ kui̱dä, nëndä ɛ thuɔ̱k, kɛ ɣöö ŋa̱cä gua̱a̱th in ba̱a̱ thi̱n, kä ŋa̱cä gua̱a̱th in wa̱a̱ thi̱n. Duundɛ ɣöö kui̱c yɛn gua̱a̱th in ba̱a̱ thi̱n, kä kui̱c yɛn gua̱a̱th in wa̱a̱ thi̱n.

2 Kor 1:20

Kɛ ɣöö ɛ jɛn ɛn ni̱n nyin Kuɔth diaal tin cɛ lar ɛ ɣöö “Ɣɔ̱ɔ̱n” rɛydɛ. Kä ɛ Kritho ɛ ni̱n latnɛ ni ɣöö “Inɔnɔ”, kɛ kui̱ gɔɔyä puɔnyä Kuɔth.

Ŋuɔ̱t 21:17

a jɛ ŋäc kɛ̈ɛ̈, ala gat ciek in lökɛ, a jɛ kämɛ kui̱c in di̱t ni jɛn kä nyinkɛ diaal, ɛ jɛn buɔ̱mdɛ in nhiam. Cuŋ këëkä kɛ nyinkɛ.”

Ji̱ Ko-lɔ-thi 1:15

Ɛ jɛn cät Kuɔth mi /ca nɛn, ɛ jɛn gat in kɛ̱̈ɛ̱̈ kä ŋɔaani diaal tin ca cak,

Ji̱ Ko-lɔ-thi 1:18

Ɛ jɛn la wi̱c pua̱a̱ny in la duel Kuɔth, ɛ jɛn tuk kä ɛ jɛn min nhiam in kɔn ben raar li̱th, kä ɛ jɛn tekɛ gua̱a̱th in di̱t ni jɛn kä ŋɔak diaal ɔ.

Ji̱ Ko-lɔ-thi 2:1

Kä göörä ɣöö bia ŋa̱c ɛn ɣöö cä lät a bum kɛ kui̱dun kɛnɛ kui̱ nɛɛni tin te kä La-o-di-thia, kɛ nɛy diaal tin /ka̱n ɣä met nɛn.

Ji̱ Ko-lɔ-thi 4:16

Kä mi ca warɛgak ɛmɛ kuɛn rɛydun, jakɛ jɛ kä kuɛ̈nkɛ jɛ bä rɛy duëël Kuɔth kä La-o-di-thia. Kä kuɛ̈nɛ warɛgak in ba jäkä yɛ ɛ ji̱ La-o-di-thia bä.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:5

kä bä kä Yecu Kritho in la neen in ŋa̱thkɛ, jɛn kɛ̱̈ɛ̱̈ nɛɛni ti ci li̱w, kä kuäär kua̱ri wec muɔ̱ɔ̱n. Kä jɛn nhɔkɛ kɔn, kä cɛ kɔn lony rɛy dueerikɔn kɛ riɛmdɛ.

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 2:1

“Gɔ̱ri mɛmɛ jääk nhial in te dueel Kuɔth kä Ɛ-pɛ-thäth, ‘Ti̱ti̱ kɛ kɛn rieet raam in kääp kuɛl da̱ŋ bärɔw kɛ tet cuëëcdɛ, kä jäl kam cuuŋni lɛmbärni dääpä da̱ŋ bärɔw.

Nyuuth 21:6

Kä cuɛ ɣä jiök i̱, “Ca jɛ la̱t! Ɛ ɣän Nhiam, kä ɛ ɣän Jɔk, ɛ ɣän tuk, kä ɛ ɣän pek. Kä nɛy tin näk rɛw kɛ bäkɛ moc pi̱ kä lo̱o̱l pi̱i̱ni teekä ala muc.

Nyuuth 22:13

Ɛ ɣän Nhiam, kä ɛ ɣän Jɔk, ɛ ɣän jio̱l, kä ɛ ɣän gik, ɛ ɣän tuk kä ɛ ɣän pek.”

Nyuuth 22:6

Kä cu jääk nhial ɣä jiök i̱, “Kɛn rieet ti̱ti̱ ro̱ŋkɛ kɛ ŋa̱th, kä kɛ thuɔ̱ɔ̱k, kɛ ɣöö bi Kuäär ni Kuoth yieeni göökni jääk nhialɛ ja̱k kɛ ɣöö bɛ ja̱a̱ŋkɛ nyuɔ̱th min bi dhil tuɔɔk kɛ gua̱a̱th mi tɔt.”

Nyuuth 3:7

“Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.