Nyuuth 3:11 - RUAC KUƆTH IN RƐL RƆ

¹¹ Cä thia̱k kɛ ben, ka̱pɛ min tekɛ yɛ, kɛ ɣöö bɛ thil ram mi bi kum kuäärädu mɛŋ.

Nyuuth 3:11 Iomraidhean Croise

Dhɛp 1:14

Cäŋ Kuɔth Nhial in di̱i̱t cɛ thia̱k, ɛ thia̱k ɛlɔ̱ŋ, kä bëë kɛ kɛ pɛ̈th. Bi wiee bɛ̈c ɛlɔ̱ŋ kɛ cäŋ Kuɔth Nhial, bi wääth wiee kɛ jɔw mi di̱i̱t ɛn wi̱ni.

1 Kor 9:25

Nɛy diaal tin ko̱o̱ŋ kɛ ŋa̱a̱ri yuɔpkɛ rɔ̱ kä ŋɔaani diaal. Lät kɛn ɛ kɛ kui̱ kä ɣöö bikɛ muc mi bi thuuk jek, kä kɔn kööŋnɛ kɛ mi /ci bi met thuuk.

Ji̱ Pi-li-pi 4:5

A nɛy diaal ŋa̱ckɛ ciaŋ wuutädun. Ci ben Kua̱r ni Yecu thia̱k.

2 Tim 2:5

/Ca gua̱n wuurä moc muc ɛ ni mi cɛ wur kɛ ca̱a̱p ko̱o̱ŋä.

2 Tim 4:8

A tɛmɛ ni ɛn täämɛ a wä nhiam ca kum kuäärä cuŋni tɔ̱a̱w ɣä, min bi Kuäär ni Yecu in la luuk cuŋni jɛ ka̱m ɣä ɛn cäŋ ɛmɔ, kä /ciɛ ɣän kärɔa, amäni nɛy diaal tin liɛpkɛ jɔacdɛ bä.

Je-mɛth 1:12

Puɔ̱th akɛ ram mi ci ɣɔ̱ɔ̱n rut, kɛ ɣöö mi cɛ ɣɔ̱ndɛ luäŋ, bɛ muc teekä min cɛ lar ka̱m nɛy tin nhɔakɛ jɛ.

Je-mɛth 5:9

/Cuarɛ rɔ̱ gɔny kamnikun dämaari kɛ ɣöö /ca yɛ bi luk. Nɛ̈nɛ jɛ, te Kuäär luɔ̱k cuŋä thok thiek.

Nyuuth 1:3

Puɔ̱th akɛ ram mi kuɛɛn ruaacni go̱o̱kä ti̱ti̱, kä puɔ̱th akɛ nɛy tin cikɛ li̱ŋ, kä kääp min ca gɔ̱a̱r thi̱n, kɛ ɣöö ci gua̱a̱th thia̱k.

Nyuuth 16:15

“Nɛnɛ, ɣän ba̱a̱ ce̱tkɛ kueel! Puɔ̱th akɛ ram te jinä, mi yoop bi̱i̱dɛ kɛ ɣöö /cɛ bi ja̱l juutdä, a bɛ pöc kɛ naath.”

Nyuuth 2:10

/Cuarɛ dual kɛ mɔ bi yɛ jak kä cuc ɔ. Nɛ̈nɛ jɛ, go̱o̱r gua̱n jiäkni ɣöö bɛ tha̱a̱ŋkun naŋ dueel yieenä, kɛ ɣöö dëë yɛ ɣɔ̱n, kä bia tekɛ rikɛ kɛ ni̱n da̱ŋ wäl. Ka̱pɛ ŋa̱thdun a bum amäni lia̱a̱, kä bä yɛ ka̱m kum teekä.

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 2:25

Ka̱pɛ min tekɛ yɛ a bum, amäni mi cä luny jɔk.

Nyuuth 22:12

“Kä nɛnɛ, bi ɣän mal ben, kä nööŋä cutdä mi bä cuɔl, bä ramɔ cuɔ̱l mi ro̱ŋ kɛ la̱tdɛ.

Nyuuth 22:20

Ram min lat ŋɔaani ti̱ti̱, laarɛ jɛ i̱, “Ɛpuc bä mal ben.” Inɔnɔ. Ku ben, Kuäär ni Yecu!

Nyuuth 22:7

“Kä nɛnɛ, bi ɣän mal ben! Puɔ̱th akɛ ram mi kääp rieet go̱o̱kä buɔk.”

Nyuuth 3:3

Tiɛmɛ mëë cia liŋ kä cia jek, kä luɔ̱thɛ jɛ kä rietdɛ rɔ̱ kä dueerkun. Kä mi /cia bi te jinä, bä ben ce̱tkɛ kueel, /cia gua̱a̱th benädä kä yɛ bi ŋa̱c.

Nyuuth 4:10

la di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam raam in nyuur wi̱c kɔam kuäärä Kuɔth, kä palkɛ jɛn ram min tëk kɛ tëk mi thil pek. Kä yuɔrkɛ kuɔ̱mnikiɛn nhiam kɔam kuäärä wäkɛ i̱,

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.