Nyuuth 3:10 - RUAC KUƆTH IN RƐL RƆ

¹⁰ Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 3:10 Iomraidhean Croise

I-ca-yaa 24:17

Riɛk akɛ dhuur kɛnɛ pul liɛpkɛ ji̱ wec muɔ̱ɔ̱n!

Bok Go̱kä ni Da-ni-yel 12:10

Kä ba nɛy ti ŋuan lɛy, kä bakɛ lak a puɔth, duundɛ ɣöö, bi ji̱ nyuɔɔni ŋot nikɛ lätni nyuɔɔnikiɛn. Kä thilɛ gua̱n nyuɔɔni mi bi luɔt kä mɛmɛ ŋa̱c ɛ ni nɛy tin pɛl ba luɔt kä mɛmɛ ŋa̱c ɔ.

Dhɛk 13:9

Kä bä tin kuiynikɛn la̱th maac, kä bäkɛ lɛy ce̱tkɛ min la raan ciɛk in bo̱r a lɛɛy, kä bäkɛ ɣɔ̱n ce̱tkɛ min la raan da̱a̱p ɛ ɣɔ̱n. Kä bikɛ ɣä pal, kä bäkɛ liŋ. Kä bä wee i̱, ‘Kɛ nɛɛkä.’ Kä bikɛ wee i̱, ‘Kuoth Nhial Kuothda.’ ”

Mɛ̈t 24:14

Kä ba thuk kuäärä Kuɔth ti gɔw ti̱ti̱ lat wi̱i̱ muɔ̱ɔ̱n kɛɛliw, kɛ kui̱ nenä röli diaal, kä ɛ jɛn bi guut ɣɔaa cu ben ɔ.

Mɛ̈t 26:41

Jiënɛ, kä palɛ kɛ ɣöö /cia bi pɛn rɛy ɣɔmä. Ɛpuc yiëë go̱o̱rɛ la̱tdɛ, kä puɔ̱ny nyuänɛ.”

Mɛ̈t 6:13

/Cu kɔ bo̱th guäth mi ba kɔ ɣɔam thi̱n, kä kän kɔ kä jiäk.’ (Kɛ ɣöö ɛ ruacdu, ɛ lua̱ŋdu, amäni puɔnydu kɛ kɛn do̱raari. Inɔnɔ.)

Mak 14:9

Kä ɛpuc ɣän la̱rä jɛ yɛ, gua̱th diaal tɔ̱ ba thuk Kuɔth ti gɔw lat thi̱n ɔ rɛy ɣɔaa kɛɛliw, ba mɛ ci ciek ɛmɛ jɛ la̱t ɛ lat kɛ kui̱ ti̱mädɛ.”

Luk 2:1

Kɛn ni̱ni tɔ̱tɔ̱ cu ruac wä raar kä Thii-thɛr Ɔ-gäth-täth, i̱ ba ciööt nath diaal gɔ̱r wi̱i̱ muɔ̱ɔ̱n kɛɛliw.

Jɔ̱ɔ̱n 17:6

“Ɣän cä ciötdu nyuɔ̱th nɛy tëë ci ka̱m ɣä wi̱i̱ muɔ̱ɔ̱n. Kɛn kɛ nɛɛku mëëdan, kä cikɛ ka̱m ɣä, kä cikɛ ruacdu käp.

Ji̱ Röm 1:8

Kɛ nhiam, la̱rä Kuothdä tɛ̈th lɔaac rɛy Yecu Kritho kɛ kui̱dun yɛn diaal, kɛ ɣöö ca ŋa̱thdun lat rɛy ɣɔaa kɛɛliw.

1 Kor 10:13

Thilɛ ɣɔ̱n mi ci ben kä yɛ, mi /ken tuɔɔk kä nɛy diaal. Kuoth ɛ gua̱n ŋäthä, kä /cɛ yɛ bi pa̱l ɣöö ba yɛ ɣɔam kɛ buɔ̱m mi leny buɔ̱mdun. Kä mi wa yɛ ɣɔam bɛ yɛ moc duɔ̱ɔ̱p känä, kɛ ɣöö bia jɛ luäŋ kɛ ruɔ̱t.

Ji̱ Ɛ-pɛ-thäth 6:13

Kɛ kui̱ ɛmɔ ka̱nɛ ko̱t Kuɔth kɛɛliw, kɛ ɣöö dërɛ rɔ̱ luäŋ kɛ cuɔ̱ŋ kɛ jɛn cäŋ ɛ jiääk ɛmɔ, kä kɛ kɔr köör ɛmɔ, bia ŋot cuŋä.

2 Tim 2:12

Mi ruɔ̱tnɛ ti bɛc, banɛ ruëc kɛ jɛ kɛɛl bä. Mi wä kɔn ɛ jay, jɛn bɛ kɔn jay bä.

Je-mɛth 3:12

Dee jiath ŋɔa̱a̱p kuer kɛ dɛy Ɔ-lipä, dämaari, kiɛ dee buɔ̱c kuer kɛ dɛy ŋɔa̱a̱p? Ɛpuc, /ci pi̱ ti wac waac rɔ dee loc ni pi̱ ti gɔw.

1 Pit 4:12

Nhöökä, /cuarɛ ga̱a̱c kɛ riɛk mi bɛc bɛc mi bi tuɔɔk kä yɛ kɛ ɣɔ̱ndun, ce̱t tëëkɛ mi yi̱i̱c naath mi tuɔɔk kä yɛ.

2 Pit 2:9

Kä inɔ ŋäc Kuoth ɛ ɛn ɣöö bɛ ji̱ cuŋni kän rɛy ɣɔ̱ɔ̱nikiɛn, kä bɛ nɛy tin thil Kuoth duäc amäni cäŋ luɔ̱k.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 11:10

Kä bi ji̱ wec muɔ̱ɔ̱n lo̱ckiɛn tɛɛth kɛ lia̱a̱diɛn kɛn da̱ŋ rɛw. Kä muɔckɛ rɔ̱ kɛ muc, kɛ ɣöö kɛn göök da̱ŋ rɛw ti̱ti̱ cikɛ riɛk mi di̱i̱t nöŋ ji̱ wec muɔ̱ɔ̱n.

Nyuuth 13:10

“Mi ba raan naŋ ala pɛ̈c, bɛ wä ala pɛ̈c. Kä ram mi näk raan kɛ thɛp, ba jɛ dhil näk kɛ thɛp.” Mɛmɛ ɛ jɛn ciöt kɛ kui̱ rutdä kɛnɛ ŋa̱th nɛɛni tin ci Kuoth kɛ lɛy.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 14:12

Mɛmɛ ɛ ciöt kɛ kui̱ rutdä nɛɛni ti ci Kuoth kɛ lɛy tin ka̱pkɛ ŋuɔ̱t Kuɔth kɛnɛ ŋa̱th Yecu.

Nyuuth 14:6

Kä cua jääk nhial dɔ̱diɛn mi pär kɛ nhial nɛn, mi tekɛ thuk Kuɔth ti gɔw ti thil pek ti bɛ la̱t nɛy ti cieŋ wi̱i̱ muɔ̱ɔ̱n, kɛ döör diaal kɛnɛ thuk duëli, kɛ thuk ti gööl kɛ nɛy diaal.

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Nyuuth 17:2

Ci kua̱r wec muɔ̱ɔ̱n nyin leerä la̱t kɛ jɛ, kä kɛ kɔaŋ leerädɛ ci nɛy tin ciaŋkɛ wi̱c muɔ̱ɔ̱n yɔ̱ŋ kɛ jɛ.”

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.

Nyuuth 2:10

/Cuarɛ dual kɛ mɔ bi yɛ jak kä cuc ɔ. Nɛ̈nɛ jɛ, go̱o̱r gua̱n jiäkni ɣöö bɛ tha̱a̱ŋkun naŋ dueel yieenä, kɛ ɣöö dëë yɛ ɣɔ̱n, kä bia tekɛ rikɛ kɛ ni̱n da̱ŋ wäl. Ka̱pɛ ŋa̱thdun a bum amäni lia̱a̱, kä bä yɛ ka̱m kum teekä.

Nyuuth 3:8

“ ‘Ɣän ŋa̱cä lätkun. Nɛnɛ, cä thok duëël lɛp kɛ kui̱dun, min thil ram mi tekɛ lua̱ŋ kɛ ga̱kdɛ. Ɣän ŋa̱cä ɣöö kuiy lua̱ŋdun, kä cia ruacdä käp a bum, kä /ka̱nɛ ciötdä gak.

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”

Nyuuth 8:13

Kä cua̱ guic, cua̱ kuey mi pär kɛ där puɔ̱ɔ̱rä liŋ, wieeɛ kɛ jɔw mi di̱i̱t, “Riɛk, riɛk, riɛk akɛ nɛy tin cieŋ wi̱i̱ muɔ̱ɔ̱n, kɛ gua̱a̱th in bi päl kɛ jɔw kaaŋni tin bi ja̱a̱k nhial da̱ŋ diɔ̱k tin kɔ̱kiɛn kɛ koth!”