Nyuuth 3:1 - RUAC KUƆTH IN RƐL RƆ

¹ “Kä gɔ̱ri mɛmɛ jääk nhial in te dueel Kuɔth kä Thar-dith i̱, ‘Ti̱ti̱ kɛ rieet raam min tekɛ yiey Kuɔth da̱ŋ bärɔw kɛnɛ kuɛl da̱ŋ bärɔw. “ ‘Ɣän ŋa̱cä lätkun, kä ŋa̱cä jɛ ɛn ɣöö te yɛn kɛ kɛ̈k teekä, kä cia li̱w.

Nyuuth 3:1 Iomraidhean Croise

Luk 15:24

Kɛ ɣöö gatdä ɛmɛ cɛ li̱w, kä cɛ rɔ nyɔk kɛ tëk. Cɛ bath, kä ca jek!’ Kä cu ŋar cu tok.

Luk 15:32

Kä banɛ ŋar kä bi lo̱ckun tɛɛth, kɛ ɣöö dämuɔɔr ɛmɛ, cɛ li̱w kä cɛ tëk, cɛ bath kä ca jɛ jek.’ ”

Jɔ̱ɔ̱n 1:16

Kɛ ro̱ŋ kɔ̱a̱cä lɔaacdɛ cɛ kɔn diaal poth, guɔ̱ɔ̱rkɛ puɔ̱th kɛ puɔ̱th mi dɔ̱ŋ.

Jɔ̱ɔ̱n 1:33

Ɣän puɔ̱nydä /ka̱n jɛ ŋa̱c. Kä ɛ Kuoth ɛ nëë jäk ɣä bä naath lak kɛ pi̱ cuɛ ɣä jiök i̱, ‘Ram min nɛɛni a ci Yiëë ben piny nhial kä jɛ kä tëë kɛɛl kɛ jɛ, ɛ jɛn ram min bi naath lak kɛ Yiëë in Gɔaa in Rɛl Rɔ.’

Jɔ̱ɔ̱n 20:22

Kä mëë cɛ mɛmɛ lar, cuɛ kɛ ŋök yiëë, kä cuɛ kɛ jiök i̱, “Ka̱nɛ Yiëë in Gɔaa in Rɛl Rɔ.

Jɔ̱ɔ̱n 3:34

Kä jɛn ram in ci Kuoth ɛ ja̱k, lätdɛ ruac Kuɔth kɛ ɣöö käm Kuoth jɛ Yiëë kɛɛliw a thil pek.

Lät Jaakni Yecu 2:33

Kä ca jɛ kap nhial kui̱c cuëëc Kuɔth, kä cɛ ruac ëë ci Gua̱a̱r in te nhial ɛ lar ɛn ɣöö bɛ ka̱m Yiëë in Gɔaa in Rɛl Rɔ jek, cɛ mɛmɛ wuɔ̱c nɛy ɛn mɛ min nɛ̈nɛ kä cia liŋɛ.

Ji̱ Ɛ-pɛ-thäth 2:1

Cia li̱w kɛ kui̱ thil luthädun kɛnɛ dueer.

Ji̱ Ɛ-pɛ-thäth 2:5

cäŋ ni mëë canɛ li̱w kɛ kui̱ dueeri, cɛ kɔn jakä tëk kɛ Kritho kɛɛl. Kä kɛ puɔ̱th baaŋ Kuɔth ca yɛ kän.

Ji̱ Ko-lɔ-thi 2:13

Kä mëë cia li̱w rɛy dueeri kɛnɛ thil cuelä pua̱a̱nydun, ci Kuoth yɛ jakä tëk kɛ Kritho kɛɛl. Cɛ mɛmɛ la̱t mëë cɛ kɔn pa̱l dueerkɔn diaal,

1 Tim 5:6

Kä ciek jɔkä min ci rɔ ka̱m ŋar cɛ li̱w a cäŋ ŋotdɛ teekä.

Je-mɛth 2:26

Kɛ ɣöö ɛn nɔmɔ ce̱tdɛ kɛ puɔ̱ny mi thil yiëë mi ci li̱w, inɔ ŋa̱th mi thil lät ɛ mi ci li̱w bä.

1 Pit 1:11

Kä cukɛ jɛ go̱r i̱ ba jɛ ŋa̱c ɛn ɣöö ɛ nɛy bi gua̱a̱th ben ɔ, kä bɛ ben i̱di. Ɛ jɛn gua̱a̱th in bi Yiëë Kritho in te rɛydiɛn ɛ nyuɔ̱thkɛ, min lat rik tin bi Kritho kɛ rut, kɛnɛ buay in bi ben kä jɛ.

Juud 1:12

Nɛy ti̱ti̱ kɛ gua̱r guäth mi̱eth ti̱mädun, mi̱thkɛ kɛɛl kɛ yɛ a thil dual, kä diɛɛr ni kɛn kɛ pua̱nykiɛn mi di̱i̱t kɛɛl, kɛ pua̱nykiɛn kärɔ̱. Ce̱tkɛ kɛ pua̱a̱r nhial ti /ci dɛ̈m, ti lɔk jiɔam kɛ. Ce̱tkɛ kɛ jiɛn ti thil dɛy, ti ci li̱w kä rɛɛw, kä cakɛ yut ni ciöknikiɛn.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:16

Kä jɛn rɔmɛ kuɛl da̱ŋ bärɔw kɛ tet cuëëcdɛ, kä bä thɛp mi moth kui̱nikɛ da̱ŋ rɛw raar thokdɛ. Buɔy nhiamdɛ ce̱tkɛ cäŋ mi ci lɛ̈p a thil nyäŋ.

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 2:19

“ ‘Ɣän ŋa̱cä lätkun, nhökdun, ŋa̱thdun kɛnɛ ciaaŋ la̱tdun, amäni ruɔ̱tdun kɛ ŋɔaani bitdä. Kä ŋa̱cä jɛ ɛn ɣöö lätkun tin jɔak lënykɛ lät tëë nhiam.

Nyuuth 2:2

“ ‘Ɣän ŋa̱cä lätkun, kɛ buɔ̱m läätädun kɛnɛ li̱epdun bitdä. Kä ɣän ŋa̱cä ɣöö /cia nɛy ti jiäk nhɔk rɛydun. Ci yɛn nɛy tin cɔalkɛ rɔ̱ i̱ jaak, kä /ci tɔ̱ a jaak ɣɔ̱n, kä cia kɛ jek ɛn ɣöö kɛ ji̱ kacä.

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.

Nyuuth 3:15

“ ‘Ɣän ŋa̱cä lätkun ɛn ɣöö /cia la nɛy ti kɔ̱c kiɛ leth. Dëë nhɔk ni ɣöö mi cia kɔ̱a̱c kiɛ lëth!

Nyuuth 3:2

Kërɛ, jakɛ min te kɛ yɛ kä bum a /kenɛ ni li̱w. Kɛ ɣöö /ka̱n lätkun jek ala ti gɔw nhiam Kuɔthdä.

Nyuuth 3:8

“ ‘Ɣän ŋa̱cä lätkun. Nɛnɛ, cä thok duëël lɛp kɛ kui̱dun, min thil ram mi tekɛ lua̱ŋ kɛ ga̱kdɛ. Ɣän ŋa̱cä ɣöö kuiy lua̱ŋdun, kä cia ruacdä käp a bum, kä /ka̱nɛ ciötdä gak.

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.