Nyuuth 22:7 - RUAC KUƆTH IN RƐL RƆ

⁷ “Kä nɛnɛ, bi ɣän mal ben! Puɔ̱th akɛ ram mi kääp rieet go̱o̱kä buɔk.”

Nyuuth 22:7 Iomraidhean Croise

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:3

Puɔ̱th akɛ ram mi kuɛɛn ruaacni go̱o̱kä ti̱ti̱, kä puɔ̱th akɛ nɛy tin cikɛ li̱ŋ, kä kääp min ca gɔ̱a̱r thi̱n, kɛ ɣöö ci gua̱a̱th thia̱k.

Nyuuth 16:15

“Nɛnɛ, ɣän ba̱a̱ ce̱tkɛ kueel! Puɔ̱th akɛ ram te jinä, mi yoop bi̱i̱dɛ kɛ ɣöö /cɛ bi ja̱l juutdä, a bɛ pöc kɛ naath.”

Nyuuth 2:16

Kɛ kui̱ ɛmɔ, rietdɛ rɔ kä jiäkun. Kä mi /ciɛ jɛn, bä ben kä yɛ kɛ pɛ̈th, kä bä ben nyiëëny kɛ kɛ kɛ thɛp thuɔkdä.

Nyuuth 22:12

“Kä nɛnɛ, bi ɣän mal ben, kä nööŋä cutdä mi bä cuɔl, bä ramɔ cuɔ̱l mi ro̱ŋ kɛ la̱tdɛ.

Nyuuth 22:18

Ɣän luëëkä nɛy diaal tin liɛŋkɛ ruaacni go̱o̱kä tin te rɛy buɔk ɛmɛ. Mi tëëkɛ ram mi wä duɔ̱ɔ̱r mat thi̱n, bi Kuoth ɛ ma̱t rik tin ca lat rɛy buɔk ɛmɛ.

Nyuuth 22:19

Kä mi tëëkɛ ram mi wä rieet woc rɛy buɔk ruaacni go̱o̱kä ɛmɛ, bi Kuoth kui̱dɛ woc kä jiath teekä kɛnɛ wec in rɛl gɔɔydɛ rɔ, tin ca lat rɛy buɔk ɛmɛ.

Nyuuth 22:20

Ram min lat ŋɔaani ti̱ti̱, laarɛ jɛ i̱, “Ɛpuc bä mal ben.” Inɔnɔ. Ku ben, Kuäär ni Yecu!

Nyuuth 22:21

A puɔ̱th Kua̱r ni Yecu tekɛ nɛy diaal tin ci Kuoth kɛ lɛy. Inɔnɔ.

Nyuuth 3:11

Cä thia̱k kɛ ben, ka̱pɛ min tekɛ yɛ, kɛ ɣöö bɛ thil ram mi bi kum kuäärädu mɛŋ.

Nyuuth 3:3

Tiɛmɛ mëë cia liŋ kä cia jek, kä luɔ̱thɛ jɛ kä rietdɛ rɔ̱ kä dueerkun. Kä mi /cia bi te jinä, bä ben ce̱tkɛ kueel, /cia gua̱a̱th benädä kä yɛ bi ŋa̱c.