Nyuuth 22:6 - RUAC KUƆTH IN RƐL RƆ

⁶ Kä cu jääk nhial ɣä jiök i̱, “Kɛn rieet ti̱ti̱ ro̱ŋkɛ kɛ ŋa̱th, kä kɛ thuɔ̱ɔ̱k, kɛ ɣöö bi Kuäär ni Kuoth yieeni göökni jääk nhialɛ ja̱k kɛ ɣöö bɛ ja̱a̱ŋkɛ nyuɔ̱th min bi dhil tuɔɔk kɛ gua̱a̱th mi tɔt.”

Nyuuth 22:6 Iomraidhean Croise

Tuk Cäkä Ɣɔaa 41:32

Kä jɛn luɔc läkä ni kä rɛɛw lotdɛ ni ɣöö ɛn riɛk ci Kuoth ɛ car ɛpuc, kä go̱o̱rɛ ɣöö bɛ jɛ mal nööŋ.”

Bok Go̱kä ni Da-ni-yel 3:28

Kä cu Nɛ-bu-kad-nɛ-dhar wee i̱, “A liak tekɛ Kuoth Cad-rak kɛnɛ Me-cak kɛ Ä-bed-nɛ-go mëë ci jääkdɛ ja̱k, kä cuɛ ja̱a̱ŋkɛ tin ŋa̱thkɛ ni jɛ ben kän. Kä cukɛ ruac kua̱r lo̱k, cukɛ thöp ni pua̱nykiɛn kɛ ɣöö lo̱k kɛn ɣöö bikɛ kuoth dɔ̱diɛn pal kä bikɛ jɛ lätikä mi /ci mua Kuothdiɛn.

Bok Go̱kä ni Da-ni-yel 6:22

Kuothdä cɛ jääkdɛ ja̱k cɛ thuk lonyni ben kum kɛ ɣöö /cikɛn ɣä bi cam, kɛ ɣöö ca ɣä jek thilɛ ɣä bɛ̈l nhiamdɛ, kä amäni nhiamdu bä lö kuäär, thilɛ duer mi cä la̱t.”

Mɛ̈t 13:41

Bi Gat Ran ja̱a̱kɛ ja̱k, kä bikɛ ŋɔak diaal tin nööŋkɛ duer kuany raar cieŋ kuäärädɛ kɛnɛ la̱a̱t dueeri diaal,

Luk 1:70

Cɛ jɛ lat kɛ thuk gööknikɛ tin rɛ̈lkɛ rɔ̱ ni wal.

Luk 16:16

“Mëë ŋot a /ken Jɔ̱ɔ̱n ni ben, te ŋuɔ̱t Muthɛ kɛnɛ ruaacni göökni thi̱n, kä ni ɛn guäth ɛmɔ latkɛ thuk ti gɔw kɛ kui̱ kuäärä Kuɔth, kä go̱o̱r nɛy diaal coth thi̱n kɛ buɔ̱m.

Lät Jaakni Yecu 12:11

Kä cu Pi-tɔr puɔ̱nydɛ jek kä cuɛ wee i̱, “Täämɛ cä jɛ ŋa̱c ɛpuc ɛn ɣöö ci Kuäär ni Yecu jääkdɛ ja̱k, kɛ ɣöö bɛ ɣä ben kän tetdä Ɣɛ-rod, kɛnɛ ŋɔaani diaal tin carkɛ ɛ ji̱ Juudh i̱ bi tuɔɔk.”

Lät Jaakni Yecu 3:18

Kɛ jɛn duɔ̱ɔ̱p ɛmɔ cu Kuoth mëë cɛ lar jak kä thuɔ̱ɔ̱k kɛ thuk göökni diaal ɛn ɣöö bi Mɛ-thia ti bɛ̈c bɛ̈ɛ̈c rut.

Ji̱ Röm 1:2

Ci Kuoth kɛ lar ni wal kɛn thuk tin gɔw kɛ kui̱ Yecu kɛ thok gööknikɛ ce̱tnikɛ min cakɛ gɔ̱r kä Ruac Kuɔth in Rɛl Rɔ.

1 Kor 14:32

Kä yiey göökni tëë piny göökni.

1 Kor 7:29

Dämaari, ɣän luɔtdä ni ɣöö gua̱a̱th in ca lar cɛ thia̱k. Kä a tɛmɛ ni ɛn täämɛ a wä nhiam, a nɛy ti tekɛ män cieŋ ce̱tkɛ nɛy ti thil män,

2 Thɛ 1:7

kä bɛ yɛ moc lɔ̱a̱ŋ yɛn nɛy tin tekɛ rik, amäni kɔn bä bɛ kɔ moc lɔ̱a̱ŋ, mi wä Kuäär ni Yecu jɔɔc nhial kɛɛl kɛnɛ ja̱a̱kɛ tin bum,

Ji̱ Ɣi-bɛ-ru 12:9

Kä te kɔn kɛ gua̱nikɔn wi̱i̱ muɔ̱ɔ̱n ti ŋi̱eeckɛ kɔn kä luɔ̱thnɛ kɛ. /Ci bi gɔaa ni ɣöö banɛ rɔ̱ lua̱r Gua̱n yieyni kɔn, kä banɛ tëk?

2 Pit 1:21

Kɛ ɣöö thilɛ ruac go̱o̱kä mi ci met tuɔɔk kä raan, duundɛ ɣöö ɛ Yiëë in Gɔaa in Rɛl Rɔ ɛn min kämkɛ ruac Kuɔth.

2 Pit 3:2

Göörä ɣöö bi yɛn ruaacni tëë ca lat ɛ göök tin rɛ̈lkɛ rɔ̱ tëë wal tim, kɛnɛ luëëk Kua̱r ni Yecu kä Kään mëë ca la̱t yɛ ɛ jaakun tin la ji̱ kɔaar Yecu.

Nyuuth 1:1

Nyuuth Yecu Kritho mëë ca ka̱m jɛ ɛ Kuoth kɛ ɣöö bɛ ja̱ŋdɛ nyuɔ̱th tin bi bi dhil ben kɛ gua̱a̱th mi tɔt. Kä cuɛ jɛ jakä ŋa̱ckɛ, mëë cɛ jääkdɛ jäkä ja̱ŋdɛ ni Jɔ̱ɔ̱n,

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 21:5

Kä cu ram min nyuur wi̱i̱ kɔam kuäärä wee i̱, “Nɛnɛ, payä ŋɔaani diaal la̱t agɔaa.” Kä jɛn bä cuɛ wee i̱, “Gɔ̱r mɛmɛ, kɛ ɣöö rieet ti̱ti̱ kɛ thuɔ̱ɔ̱k kä dëë kɛ ŋäth.”

Nyuuth 21:9

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ti ci thia̱ŋ kɛ liaw tin jɔak da̱ŋ bärɔw ben kä ɣä, wëë i̱, “Bër, bä ji̱ nyuɔ̱th kaw, in la ciek Ruath Dɛ̈ɛ̈l.”

Nyuuth 22:1

Kä cu jääk nhial ɣä nyuɔ̱th kir pi̱i̱ni teekä ti wi̱er wi̱eer ce̱tkɛ neen, mi bä lönydɛ kɔm Kuɔth kɛnɛ Ruath Dɛ̈ɛ̈l,

Nyuuth 22:16

“Ɛ ɣän, Yecu, ci jääkdä jäkä ji̱ mɔ kɛ ruac ɛmɛ kɛ kui̱ duëli Kuɔth. Ɛ ɣän cuut, kä ɛ ɣän kaar Dee-bid in la cier bakä.”

Nyuuth 22:7

“Kä nɛnɛ, bi ɣän mal ben! Puɔ̱th akɛ ram mi kääp rieet go̱o̱kä buɔk.”

Nyuuth 4:1

Kɛ kɔr kä mɛmɛ cua guic, kä nɛnɛ, te ciëŋ nhial kɛ thok mi ɣööŋ! Kä jɔw in jio̱l in cä liŋ ruacɛ kɛ ɣä ce̱tkɛ jɔw kaaŋä, wee i̱, “Bër nhial wanɛ mɛ, kä bä ji̱ nyuɔ̱th ŋɔaani tin bi dhil tuɔɔk kɛ kɔr kä mɛmɛ.”