Nyuuth 22:5 - RUAC KUƆTH IN RƐL RƆ

⁵ Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 22:5 Iomraidhean Croise

Diit 36:9

Kä tëk tëë kɛ ji̱, kä kɛ buaydu mocɛ kɔ kɛ buay.

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

I-ca-yaa 24:23

Bi pay cuɔl ɛ la muth, kä bi cäŋ buaydɛ thil, kɛ ɣöö bi Kuoth Nhial in la Ruey Ɣɔaa ruëc, bɛ ruëc Pääm Dha-yɔn kɛnɛ Jɛ-ru-tha-lɛm, kä bi bööth buɔ̱mdɛ nɛn.

I-ca-yaa 30:26

Kä bi pay buay ce̱tnikɛ cäŋ, kä bi buay ca̱ŋ rɔ loc nikä bärɔw, bɛ ce̱tnikɛ buay ni̱ni da̱ŋ bärɔw, kɛ cäŋ in wä Kuoth Nhial buɔ̱ɔ̱t nɛɛnikɛ yiɛn kä bɛ jiööri tin cɛ ka̱m kɛ jak kä gɔaa.

Bok Go̱kä ni Da-ni-yel 7:18

Duundɛ ɣöö bi nɛy tin ŋa̱thkɛ ni Kuoth in Di̱t ni Jɛn ruec jek, kä ba kuäär ɛmɔ käp amäni cäŋ kɛl niɛ täämɛ a wee wä.’

Bok Go̱kä ni Da-ni-yel 7:27

Kä ba kuäär kɛnɛ buɔ̱m kɛ di̱t kuäärä wec muɔ̱ɔ̱n kɛɛliw ka̱m nɛy tin ŋa̱thkɛ Kuoth in Di̱t ni Jɛn. Kä bi kuääriɛn cua̱ kuäär mi do̱raar, kä bi kua̱r diaal kɛ lätikä, kä bakɛ luɔ̱th.’

Dhɛk 14:7

Kä bi te ni cäŋ mi bi (ŋa̱c ni Kuoth Nhial) thil cäŋ däär kiɛ wäär, kä kɛ thiaŋ bɛ tekɛ buay.

Mɛ̈t 19:28

Cu Yecu kɛ jiök i̱, “Ɛpuc, ɣän la̱rä jɛ yɛ, mi wä Gat Ran nyuur wi̱i̱ kɔam puɔnyädɛ rɛy ɣɔaa mi pay cak, bi yɛn nɛy tin cia ɣä guɔ̱ɔ̱r nyuur kɔamni kuäärä da̱ŋ wäl rɛw, kä bia döör I-thɛ-rɛl da̱ŋ wäl rɛw luk.

Mɛ̈t 25:34

Kä bi Kuäär nɛy tin te cueecdɛ jiök i̱, ‘Bia, lö nɛy tin ca poth ɛ Gua̱a̱r, ka̱nɛ nyin kuäärä tëë ca rialikä kɛ kui̱dun ni tukä ɣɔaa.

Mɛ̈t 25:46

Kä kɛn bikɛ wä guäth tɔ̱ŋä mi thil pek, kä bi ji̱ cuŋni wä rɛy teekä mi thil pek.”

Ji̱ Röm 5:17

Kɛ duer raam kɛl, cu lia̱a̱ nɛy diaal yiɛn kɛ kui̱ raam kɛl. Kä ku min ca la̱t ɛ ram kɛl ni Yecu Kritho di̱tdɛ lɛ ni̱n i̱di! Kä nɛy diaal tin ca puɔ̱th baaŋ Kuɔth jek kä tekɛ rɛy cuŋni kɛ jɛ kɛɛl, bikɛ ruëc kɛ Yecu kɛɛl rɛy teekä.

2 Tim 2:12

Mi ruɔ̱tnɛ ti bɛc, banɛ ruëc kɛ jɛ kɛɛl bä. Mi wä kɔn ɛ jay, jɛn bɛ kɔn jay bä.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 18:23

/Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 20:6

Tɛ̈th lɔaac kɛnɛ puɔ̱th mi di̱i̱t akɛ nɛy tin te rɛy nɛɛni tin ca rɔ̱ jiɛc li̱th kɛ nhiam. Kɛ kui̱ nɛɛni tɔ̱tɔ̱, thil lia̱a̱ in rɛwdɛ lua̱ŋ kɛ kɛ, bikɛ a bööth palä Kuɔth kɛnɛ Kritho, kä bikɛ ruëc kɛ jɛ kɛɛl kɛ run ti bathdɔɔr kɛl.

Nyuuth 21:11

Kä jaŋɛ kɛ gɔɔy Kuɔth. Ce̱t buaydɛ kɛ guɛɛy mi gɔaa mi bum jekdɛ, kä puɔthɛ ce̱tkɛ neen mi jaŋ jaŋ.

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.