Nyuuth 22:2 - RUAC KUƆTH IN RƐL RƆ

² wëë kɛ där caarä wec. Kä kui̱ni kiɛɛr tëëkɛ jiath teekä mi kui̱r kɛ dɛy nikä wäl wi̱cdɛ rɛw kɛ ruɔ̱n, kuiirɛ dɛykɛ kɛ pay. Kä ji̱th jiaath bikɛ döör jakä gɔw.

Nyuuth 22:2 Iomraidhean Croise

Tuk Cäkä Ɣɔaa 2:9

Kä cu Kuoth Nhial ni Kuoth jiɛn diaal tin gɔaa nëndiɛn kɛnɛ tin gɔaa mi̱ethdiɛn jak kä pith rɛy kakä. Kä cuɛ jiath te̱e̱kä kɛnɛ jiath mi moc naath ŋäc gɔyni kɛnɛ jiäk jak kä pith ni däär kakä bä.

Diit 147:3

Kä cɛ nɛy tin ci lo̱ckiɛn baath nyɔk kɛ buɔ̱m, kä cɛ buɔ̱ɔ̱tkiɛn jakä gɔw.

Ruac Pɛli 3:18

Kä ŋäc ŋɔaani ɛ jiath teekä kä nɛy tin ca käp, kä puɔ̱th akɛ nɛy tin tiɛtkɛ jɛ.

I-ca-yaa 6:10

Kä nyon cär nɛɛni tɔ̱tɔ̱, kä jak nikɛ kä mi̱eŋ, kä jak nikɛ kä /ci gui̱c, kɛ ɣöö /cikɛ bi guic, kä /cikɛ bi liɛŋ, kä /cikɛ ŋɔak bi ŋa̱c, kɛ ɣöö /cikɛ rɔ̱ bi riet ɣä ɛ bäkɛ jak kä gɔw.”

Bok Go̱kä ni Yir-mɛ-yaa 17:14

Jak ni ɣä kä gɔaa, lö Kuoth Nhial, kä bä cu puath, luäk ɣä, kä bä cu kään, kɛ ɣöö puanyä ni ji̱.

Yɛdh 47:1

Kä cuɛ ɣä nyɔk kɛ no̱o̱ŋ thok luaak Kuɔth, ɛn wani tëë kɛ pi̱ ti bä lönydiɛn raar kɛ tuut luaak Kuɔth, kä wä lönydiɛn kui̱ känyä ca̱ŋ. (Kɛ ɣöö luaak Kuɔth lotdɛ ni kui̱c känyä ca̱ŋ.) Kä pi̱ bä lönydiɛn kɛ kui̱c cuëëc tuɔ̱t luaak Kuɔth, kui̱c cuëëc yi̱kä.

Ɣocä 14:4

“Bä thil ŋäthädiɛn jak kä gɔaa, kä bäkɛ nhɔk kɛ lɔcdä kɛ li̱w, kɛ ɣöö cä bi lɛ ŋot kɛ mi gakä kɛ kɛ.

Dhɛk 14:8

Ɛn cäŋ ɛ mɔ bi pi̱ ti tëk lo̱o̱ny kä Jɛ-ru-tha-lɛm, kä bi tha̱a̱ŋkiɛn lo̱ny yieer kuec konyä ca̱ŋ. Kä bikɛ lo̱o̱ny kɛ mäy ce̱tnikɛ tɔ̱t.

Mɛ̈l 4:2

Kä yɛn tin luɔ̱thkɛ ciötdä, bi buɔ̱m luäŋädä lɛ̈p ce̱tkɛ cäŋ mi buɔy lɛ̈pdɛ bia wä raar yuɔ̱ɔ̱rɛ rɔ̱ ce̱tkɛ kɔ̱a̱l mi tuk.

Luk 4:18

“Te Yiëë Kua̱r ni Kuɔth puɔ̱nydä, kɛ ɣöö cɛ ɣä mɛk ɛn ɣöö bä thuk ti gɔw nöŋ can. Cɛ ɣä ja̱k kɛ ɣöö bä luɔ̱ny nath tëë ca pɛc lat, kɛnɛ ɣöö bä nyin ciööri lɛp, kä bä nɛy tin ciaŋkɛ a jiäk woc.

1 Pit 2:24

Jɛn puɔ̱nydɛ cɛ dueerkɔn kap, kɛ puɔ̱nydɛ mëë ca pua̱t jiaath, kɛ ɣöö bɛ kɔn lony a lɔr dueeri, kä banɛ tëk kɛ ciaŋ cuŋni. Ca yɛ jakä gɔw kɛ buɔ̱ɔ̱tkɛ.

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

Nyuuth 21:21

Kä ca thiekni da̱ŋ wälrɛw la̱t kɛ dɔ̱a̱kni da̱ŋ wälrɛw. Ca thi̱i̱kɔ la̱t kɛ dɔ̱k kɛl, kä ca caar la̱t kɛ da̱a̱p mi lɛy lɛy mi ce̱tkɛ neen.

Nyuuth 21:24

Bi döör diaal ja̱l kɛ buaydɛ, kä bi kua̱r wec muɔ̱ɔ̱n wuɔ̱tdiɛn nööŋ rɛydɛ.

Nyuuth 22:1

Kä cu jääk nhial ɣä nyuɔ̱th kir pi̱i̱ni teekä ti wi̱er wi̱eer ce̱tkɛ neen, mi bä lönydɛ kɔm Kuɔth kɛnɛ Ruath Dɛ̈ɛ̈l,

Nyuuth 22:14

Nɛy tin lakɛ bieynikiɛn ca kɛ poth, kɛ ɣöö dee kɛ tekɛ cuɔ̱ɔ̱ŋ kɛ mi̱eth jiath teekä, kɛnɛ ɣöö dee kɛ wä rɛy wec kɛ thukɛ.

Nyuuth 22:19

Kä mi tëëkɛ ram mi wä rieet woc rɛy buɔk ruaacni go̱o̱kä ɛmɛ, bi Kuoth kui̱dɛ woc kä jiath teekä kɛnɛ wec in rɛl gɔɔydɛ rɔ, tin ca lat rɛy buɔk ɛmɛ.