Nyuuth 22:17 - RUAC KUƆTH IN RƐL RƆ

¹⁷ Cu Yiëë Kuɔth kɛnɛ kaw wee i̱, “Bër.” Kä a ram mi li̱ŋ wee i̱, “Bër.” Kä a ram mi näk rɛw ɛ bëë. Kä a ram mi go̱o̱r pi̱ teekä kän kɛ ala muc.

Nyuuth 22:17 Iomraidhean Croise

Diit 34:8

Ɣɔ̱n Kuoth Nhial bi gɔɔydɛ nɛn! Tɛ̈th lɔaac akɛ nɛy tin lua̱kɛ rɔ jɛ!

I-ca-yaa 12:3

Kä bia pi̱w jɔm rɛy ji̱eeri känä kɛ tɛ̈th lɔaac.

I-ca-yaa 2:3

Kä bi nɛy ti ŋuan ben, kä bikɛ wee i̱, “Bia wanɛ wi̱i̱ pa̱a̱m Kuɔth Nhial, wanɛ luaak Kuɔth ji̱ I-thɛ-rɛl. Dɔ̱ŋ bɛ kɔn nyuɔ̱ɔ̱th kɛ duɔ̱pkɛ ɛ banɛ ja̱l thi̱n.” Kɛ ɣöö bi ŋuɔ̱t ben kä Dha-yɔn, kä ba ruacdɛ lat kä Jɛ-ru-tha-lɛm.

I-ca-yaa 2:5

Lö dhɔr Je-kɔb, bër wanɛ ja̱l rɛy buɔyä Kuɔth Nhial!

Bok Go̱kä ni Yir-mɛ-yaa 50:5

Kä bi kɛ duɔ̱ɔ̱p in wä kä Dha-yɔn thiec, kä bikɛ wä thi̱n, kä bikɛ wee i̱, ‘Bia, la̱tnɛ mat ruac mi ci bi met thuuk kä ca bi pa̱l ruëëc kɛ Kuoth Nhial.’

Yɛdh 47:1

Kä cuɛ ɣä nyɔk kɛ no̱o̱ŋ thok luaak Kuɔth, ɛn wani tëë kɛ pi̱ ti bä lönydiɛn raar kɛ tuut luaak Kuɔth, kä wä lönydiɛn kui̱ känyä ca̱ŋ. (Kɛ ɣöö luaak Kuɔth lotdɛ ni kui̱c känyä ca̱ŋ.) Kä pi̱ bä lönydiɛn kɛ kui̱c cuëëc tuɔ̱t luaak Kuɔth, kui̱c cuëëc yi̱kä.

Mikaa 4:2

Kä bi där ti ŋuan ben, kä bikɛ wee, “Bia wanɛ wi̱i̱ pa̱a̱m Kuɔth Nhial, wanɛ luaak Kuɔth ji̱ I-thɛ-rɛl. Dɔ̱ŋ bɛ kɔn nyuɔ̱th dupkɛ, a banɛ ja̱l thi̱n.” Kä bi ŋuɔ̱t ben kä Dha-yɔn, kä ba ruacdɛ lat kä Jɛ-ru-tha-lɛm.

Jɔ̱ɔ̱n 1:37

Cu jaakɛ da̱ŋ rɛw jɛ liŋ latdɛ mɛmɛ, kä cukɛ Yecu guɔ̱ɔ̱r.

Jɔ̱ɔ̱n 4:10

Kä cu Yecu jɛ loc i̱, “Duŋ mi ŋäci muc Kuɔth kɛnɛ ram ɛ thiec ji̱ mɛ i̱, ‘Moc ɣä kɛ i̱ pi̱ ti maathä’, deri jɛ thiec kɛ ɣöö derɛ ji̱ moc kɛ pi̱ teekä.”

Jɔ̱ɔ̱n 4:11

Cu ciek ɛ jiök i̱, “Kuäär, thilɛ ji̱ mi bi jɔm ni pi̱, kä jiw lueŋɛ, kɛ kui̱ ɛmɔ pi̱ teekä tɔ̱tɔ̱ dee ji̱n kɛ jek winith?

Jɔ̱ɔ̱n 4:14

kä ram mi maath pi̱ ti bi ɣän kɛ ka̱m jɛ, /ci rɛw ɛ bi met näk amäni cäŋ kɛl. Pi̱ tin bi ɣän kɛ ka̱m jɛ bikɛ a jiw pi̱i̱ni mi lo̱ny rɛydɛ mi moc jɛ tëk mi thil pek.”

Jɔ̱ɔ̱n 4:29

“Bia, nɛ̈nɛ wut ɛ ci ɣä la̱t ŋɔak diaal tëë cä la̱t. Der a jɛn Kritho?”

Jɔ̱ɔ̱n 7:37

Kɛ cäŋ ti̱mä min jɔak cäŋ in di̱i̱t, mëë te Yecu cuŋä cuɛ ruac kɛ jɔw mi di̱i̱t wëë i̱, “Mi tëëkɛ ram mi näk rɛw ɛ, a jɛ bëë kä ɣä, kä a jɛ mäth.

Ji̱ Röm 3:24

Cɛ kɛ moc cuɔ̱ɔ̱ŋ kɛ puɔ̱th baaŋdɛ ala muc baaŋ kɛ luëliɛn dueeri kɛ Kritho Yecu.

1 Kor 2:12

Täämɛ canɛ yiëë jek mi /ci mɔ a yiëë ɣɔaa, duundɛ ɣöö ɛ Yiëë mi bä kä Kuoth, kɛ ɣöö dënɛ muc tin ci Kuoth kɛ ka̱m kɔn ŋa̱c.

Nyuuth 14:13

Kä cua jɔw mi bëë nhial liŋ, wee i̱, “Gɔ̱r mɛmɛ. A puɔ̱th tekɛ nɛy tin ci li̱w rɛy Kua̱r ni Kuoth a wee wä.” Laar Yiëë Kuɔth ɛ i̱, “Ɛpuc bikɛ tekɛ lɔ̱a̱ŋ kä lätkiɛn, kɛ ɣöö tin ci kɛn kɛ la̱t guɔ̱ɔ̱rkɛ kɛ!”

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

Nyuuth 21:2

Kä cua wec Jɛ-ru-tha-lɛm in rɛl rɔ min pay la̱t nɛn, bëë piny nhial kä Kuoth a ca rialikä ce̱tkɛ kaw mi ci rɔ pik kɛ yio̱w kɛ kui̱ cɔaadɛ.

Nyuuth 21:6

Kä cuɛ ɣä jiök i̱, “Ca jɛ la̱t! Ɛ ɣän Nhiam, kä ɛ ɣän Jɔk, ɛ ɣän tuk, kä ɛ ɣän pek. Kä nɛy tin näk rɛw kɛ bäkɛ moc pi̱ kä lo̱o̱l pi̱i̱ni teekä ala muc.

Nyuuth 21:9

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ti ci thia̱ŋ kɛ liaw tin jɔak da̱ŋ bärɔw ben kä ɣä, wëë i̱, “Bër, bä ji̱ nyuɔ̱th kaw, in la ciek Ruath Dɛ̈ɛ̈l.”

Nyuuth 22:1

Kä cu jääk nhial ɣä nyuɔ̱th kir pi̱i̱ni teekä ti wi̱er wi̱eer ce̱tkɛ neen, mi bä lönydɛ kɔm Kuɔth kɛnɛ Ruath Dɛ̈ɛ̈l,

Nyuuth 22:16

“Ɛ ɣän, Yecu, ci jääkdä jäkä ji̱ mɔ kɛ ruac ɛmɛ kɛ kui̱ duëli Kuɔth. Ɛ ɣän cuut, kä ɛ ɣän kaar Dee-bid in la cier bakä.”

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”