Nyuuth 21:8 - RUAC KUƆTH IN RƐL RƆ

⁸ Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 21:8 Iomraidhean Croise

Ruac Pɛli 19:5

Ba neen kacä tɔ̱ŋ, kä ram lat kac /cɛ bi kään.

Ruac Pɛli 19:9

Kä neen mi lat ni kac ba duäc, kä gua̱n kacä bɛ li̱w.

I-ca-yaa 51:12

Cu Kuoth Nhial wee i̱, “Ɛ ɣän ɛn nëë buum ji̱, ɛ ji̱n ŋa mɔ duali mɔ kɛ nɛy ti la li̱w, nɛy ti la li̱w ce̱tnikɛ juaac?

I-ca-yaa 57:11

Ɛŋa mi duali kɛ jɛ, mɔ lätdi ni ɣä kac ɔ, mɔ /ci ɣä tim ɔ, kä /ci ɣä car ɔ? Kä ciɛ ɣöö cä biɛt kɛ gua̱a̱th mi bäär, ɛ jɛn /keni ɣä luɔ̱th ɔ?

I-ca-yaa 9:15

kɛ ɣöö wi̱c ɛ bööth kɛnɛ nɛy tin luɔ̱th kɛ, kä juäl ɛ go̱o̱k tin ŋi̱eeckɛ ka̱a̱cni.

Mɛ̈l 3:5

“Inɔ bä cu ben rɛydun kɛ luk, kä kɛ pɛ̈th bä cua̱ neen ji̱ kolaaŋni kɛnɛ dhööm kɛ nɛy tin yackɛ rɔ̱ baaŋ, kɛ nɛy tin mackɛ naath kɛ kökdiɛn, kɛ män jɔɔkni, kɛ gaat ti rɛ̈tni kɛ jur, kɛ ɣöö /ca ɣä luth, ruac ni ɣän Kuoth Nhial in la Ruey Ɣɔaa.

Mɛ̈t 10:28

Kä /cuarɛ dual kɛ nɛy tin na̱kɛ ni puɔ̱ny kä /cikɛ tiey dee näk. Kä dualɛ kɛ ram min dee tiey kɛnɛ puɔ̱ny näk guäth maac in thil pek.

Mɛ̈t 25:25

Kä inɔ cä dual kɛ ji̱, cä wä kä cä rialu wä muɔl piny. Ja̱ŋ, käni duŋdu.’

Mɛ̈t 8:26

Kä cuɛ kɛ jiök i̱, “Yɛn nɛy ti kuiy ŋa̱thdun, ɛŋu mi dual kɛ yɛ?” Kä cuɛ rɔ jiɛc, cuɛ jiɔam kɛnɛ muaŋ baar luek. Kä cuɛ tekɛ kääp mi di̱i̱t.

Mak 9:44

Ɛ jɛn gua̱a̱th in /ci lɔa̱a̱t li̱w thi̱n, kä /ca mac bi met yieny.]

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

Ŋuɔ̱t 20:8

Kä bi rueec ŋot ruackɛ kɛ naath, larkɛ jɛ i̱, ‘Mi tëë kɛ ram mi dual? A jɛ loc ciëëŋdɛ, amäni mi bɛ nɛy tin kɔ̱ŋ jak kä dual ce̱tkɛ jɛ.’

2 Thɛ 2:9

Bi ram in thil ŋut ben kɛ buɔ̱m Cɛy-tan, kä bɛ nyuuthni ka̱a̱cni ti ŋuan ti ga̱ykɛ naath la̱t,

1 Tim 4:2

Kä jɛn ŋi̱i̱c ɛmɔ bëë ruac mɛɛtdä ji̱ ka̱a̱cni tin ci ŋäc lɔaacdiɛn jiääk ce̱tkɛ mi ca jɛ waŋ ɛ ladiit mi ci leeth.

Tay-täth 1:16

Laar kɛn ɛ ɛn ɣöö ŋa̱ckɛ Kuoth, kä jay kɛn ɛ kɛ lätkiɛn. Kɛ nɛy ti lökɛ ti thil luth, kä /cikɛ ro̱ŋ kɛ la̱t kä mi gɔaa.

Ji̱ Ɣi-bɛ-ru 12:24

Kä cia ben kä Yecu min no̱o̱ŋ mat ruac mi pay tuɔɔk, amäni kɛ riɛm in ca kith min te ni jɛn kɛ lua̱ŋ a leny riɛm E-bɛl.

Ji̱ Ɣi-bɛ-ru 13:4

A kuën luɔ̱thkɛ ɛ nɛy diaal, ɛ wut kɛnɛ ciek luɔ̱thkɛ kuëndiɛn agɔaa, kɛ ɣöö bi Kuoth nɛy ti ria̱r kɛnɛ dhööm luk.

1 Jɔ̱ɔ̱n 2:22

Ɛŋa mi la gua̱n kacä /ciɛ ram mi gaak jɛ ɛn ɣöö Yecu /ciɛ Kritho? Ram ɛmɔ ɛ jɛn gua̱n tɛ̈r Kritho, jɛn ram mi gaak Gua̱a̱r in te nhial kɛnɛ Gatdɛ.

1 Jɔ̱ɔ̱n 3:15

Ram mi nyir däman jɛn ɛ luuc nath, kä ŋäc yɛn ɛ ɛn ɣöö thilɛ luɔ̱ɔ̱c nath ti te rɛydiɛn kɛ tëk mi do̱raar.

1 Jɔ̱ɔ̱n 5:10

Kɛ ɣöö nɛy tin ŋa̱thkɛ Gat Kuɔth tekɛ kɛ nën rɛydiɛn. Kä nɛy tin /ci Kuoth ŋäth, jakä ni jɛ kä gua̱n kacä, kɛ ɣöö /cikɛ nën in ci Kuoth ɛ lar kɛ kui̱ Gatdɛ ŋäth.

Nyuuth 14:10

bikɛ maath kɛ kɔaŋ waŋä lɔaac Kuɔth, mi ca wuɔc a /ka̱n liɔm rɛy lirä ŋɛɛnyädɛ, kä bɛ pua̱nykiɛn jakä bɛc kɛ mac kɛnɛ wal tin kɛc ŋuänydiɛn nhiam ja̱a̱kni nhial tin rɛ̈lkɛ rɔ̱ kɛnɛ nhiam Ruath Dɛ̈ɛ̈l.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 2:11

Kä ɛ ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ /ca jɛ bi näk ɛ lia̱a̱ in rɛwdɛ.’ ”

Nyuuth 2:2

“ ‘Ɣän ŋa̱cä lätkun, kɛ buɔ̱m läätädun kɛnɛ li̱epdun bitdä. Kä ɣän ŋa̱cä ɣöö /cia nɛy ti jiäk nhɔk rɛydun. Ci yɛn nɛy tin cɔalkɛ rɔ̱ i̱ jaak, kä /ci tɔ̱ a jaak ɣɔ̱n, kä cia kɛ jek ɛn ɣöö kɛ ji̱ kacä.

Nyuuth 21:27

Kä thilɛ duɔ̱ɔ̱r mi jiääk mi bi wä rɛydɛ, kiɛ ram mi lät nyuɔɔn, kiɛ ka̱a̱cni, ɛ ni nɛy tin ca ciöötkiɛn gɔ̱a̱r rɛy buɔk teekä Ruath Dɛ̈ɛ̈l.

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.

Nyuuth 9:17

Kä cua jɛn nën in cä nɛɛn ni jio̱o̱k tuɔ̱ruɔ̱k rɛy nyuuthädä. Kä nɛy tin kɔat kɛ kɛ ciaŋkɛ köötni yieethä bapdiɛn ti luaal ce̱tkɛ mac, kɛ ti jaŋ jaaŋ ce̱tkɛ pua̱a̱r, kɛnɛ wäl mi yian in waŋkɛ. Kä ce̱t wuɔ̱th jio̱o̱kni tuɔ̱ruɔ̱k kɛ wuɔ̱th lonyni, kä bä ni mac kɛnɛ tol, kɛ wäl mi kɛc ŋuänydɛ raar thuknikiɛn.

Nyuuth 9:21

Kä /kenkɛ rɔ̱ ri̱t kä näk nath, kiɛ lät ti̱i̱tädiɛn, kiɛ ciaŋ leerädiɛn, kɛnɛ kuëliɛn.

Ruëëc 7:3

Kɛ kui̱c ɛ mɔ, kuɛ lat ji̱th nath i̱, ‘Mi tëë kɛ ram mi lathɛ kɛ dual, a jɛ loc wi̱c.’ ” Cu Gi-don kɛ ɣɔ̱n. Cu nɛy ti bathdɔɔri ti jiɛn da̱ŋ rɛw wi̱cdɛ rɛw rɔ ri̱t, kä cu duɔth ni nɛy ti bathdɔɔri da̱ŋ wäl.