Nyuuth 21:6 - RUAC KUƆTH IN RƐL RƆ

⁶ Kä cuɛ ɣä jiök i̱, “Ca jɛ la̱t! Ɛ ɣän Nhiam, kä ɛ ɣän Jɔk, ɛ ɣän tuk, kä ɛ ɣän pek. Kä nɛy tin näk rɛw kɛ bäkɛ moc pi̱ kä lo̱o̱l pi̱i̱ni teekä ala muc.

Nyuuth 21:6 Iomraidhean Croise

Diit 36:9

Kä tëk tëë kɛ ji̱, kä kɛ buaydu mocɛ kɔ kɛ buay.

I-ca-yaa 12:3

Kä bia pi̱w jɔm rɛy ji̱eeri känä kɛ tɛ̈th lɔaac.

Bok Go̱kä ni Yir-mɛ-yaa 2:13

Ci nɛɛkä dueer rɛw la̱t, cikɛ ɣä pa̱l ruëëc, ɣän lo̱o̱l pi̱i̱ni tin tëk cikɛ wä tët ni rɔ̱ wa̱t pi̱i̱ni mi dɔ̱ŋ, wa̱t pi̱i̱ni mi /ci dee me̱t tekɛ pi̱w.

Ɣocä 14:4

“Bä thil ŋäthädiɛn jak kä gɔaa, kä bäkɛ nhɔk kɛ lɔcdä kɛ li̱w, kɛ ɣöö cä bi lɛ ŋot kɛ mi gakä kɛ kɛ.

Yo-el 3:18

Ɛn cäŋ ɛmɔ bi pääm diaal wuɔ̱th kɛ kɔaŋ mi kɛc kɛc, kä bikɛ lo̱o̱ny kɛ cak, kä bi wäŋ Juda diaal tekɛ pi̱ ti ŋuan, kä bi waŋ pi̱kɛ ben ni luaak Kuɔth Nhial, lonykɛ rɛy lo̱o̱lä Ci-tim.

Jɔ̱ɔ̱n 4:10

Kä cu Yecu jɛ loc i̱, “Duŋ mi ŋäci muc Kuɔth kɛnɛ ram ɛ thiec ji̱ mɛ i̱, ‘Moc ɣä kɛ i̱ pi̱ ti maathä’, deri jɛ thiec kɛ ɣöö derɛ ji̱ moc kɛ pi̱ teekä.”

Jɔ̱ɔ̱n 4:11

Cu ciek ɛ jiök i̱, “Kuäär, thilɛ ji̱ mi bi jɔm ni pi̱, kä jiw lueŋɛ, kɛ kui̱ ɛmɔ pi̱ teekä tɔ̱tɔ̱ dee ji̱n kɛ jek winith?

Jɔ̱ɔ̱n 4:14

kä ram mi maath pi̱ ti bi ɣän kɛ ka̱m jɛ, /ci rɛw ɛ bi met näk amäni cäŋ kɛl. Pi̱ tin bi ɣän kɛ ka̱m jɛ bikɛ a jiw pi̱i̱ni mi lo̱ny rɛydɛ mi moc jɛ tëk mi thil pek.”

Ji̱ Röm 3:24

Cɛ kɛ moc cuɔ̱ɔ̱ŋ kɛ puɔ̱th baaŋdɛ ala muc baaŋ kɛ luëliɛn dueeri kɛ Kritho Yecu.

Ji̱ Röm 8:32

Jɛn Ram mi /ken Gatdɛ pa̱ny pën, kä cuɛ jɛ thöp kɛ kui̱dan, /cɛ kɔn bi ka̱m ŋɔak diaal bä kɛ jɛ kɛɛl?

1 Kor 2:12

Täämɛ canɛ yiëë jek mi /ci mɔ a yiëë ɣɔaa, duundɛ ɣöö ɛ Yiëë mi bä kä Kuoth, kɛ ɣöö dënɛ muc tin ci Kuoth kɛ ka̱m kɔn ŋa̱c.

1 Kor 3:12

Täämɛ mi cuŋ raan luaak wi̱i̱ keŋä kɛ da̱a̱p, kiɛ ciɛk in bo̱r, kiɛ pääm ti di̱t kökdiɛn, kiɛ jiɛn, juaac, kiɛ nyon,

1 Kor 3:21

Kä a thil ram mi liak min la̱tkɛ ɛ naath. Kɛ ɣöö ti diaal kɛ nyinkun,

1 Kor 3:5

Kä A-pɔ-löth ɛŋa? Kä Puɔl ɛŋa? Kɛ ji̱ läätdä ti ca yɛ nööŋ ŋäthä ce̱tkɛ min ci Kuäär ɛ ka̱m ramɔ i̱ bɛ la̱t.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:17

Mëë cä jɛ nɛn, cua rɔ yuɔr piny ciöknikɛ ce̱tkɛ mi cä li̱w. Kä duundɛ ɣöö cuɛ tet cuëëcdɛ la̱th wi̱i̱dä, wëë i̱, “/Cu dual. Ɛ ɣän ram in jio̱l, kä ɛ ɣän ram min jɔak,

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 10:6

kä cuɛ rɔ yac kɛ ram min tëk kɛ tëk mi thil pek, min ci nhial cak kɛnɛ tin te rɛydɛ, kɛ piny kɛnɛ tin te rɛydɛ, kɛ bar, kɛnɛ tin te rɛydɛ. Kä cu jääk wee i̱, “/Cɛ bi lɛ gal.

Nyuuth 16:17

Cu jääk nhial in bärɔwdiɛn min te rɛy thaakdɛ wuɔc rɛy jiɔam, kä cu jɔw mi di̱i̱t ben raar luaak Kuɔth bëë kɔam kuäärä, wëë i̱, “Ca jɛ la̱t!”

Nyuuth 22:13

Ɛ ɣän Nhiam, kä ɛ ɣän Jɔk, ɛ ɣän jio̱l, kä ɛ ɣän gik, ɛ ɣän tuk kä ɛ ɣän pek.”

Nyuuth 22:17

Cu Yiëë Kuɔth kɛnɛ kaw wee i̱, “Bër.” Kä a ram mi li̱ŋ wee i̱, “Bër.” Kä a ram mi näk rɛw ɛ bëë. Kä a ram mi go̱o̱r pi̱ teekä kän kɛ ala muc.

Nyuuth 3:14

“Kä gɔ̱ri nɛmɛ jääk nhial in te dueel Kuɔth kä La-o-di-thia i̱, ‘Ti̱ti̱ kɛ rieet raam in cɔali Inɔnɔ, in la neen in thuɔ̱k kä ŋa̱thkɛ, min la tuk cäkä ŋɔaani tin ci Kuɔth kɛ cak.

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”