Nyuuth 21:5 - RUAC KUƆTH IN RƐL RƆ

⁵ Kä cu ram min nyuur wi̱i̱ kɔam kuäärä wee i̱, “Nɛnɛ, payä ŋɔaani diaal la̱t agɔaa.” Kä jɛn bä cuɛ wee i̱, “Gɔ̱r mɛmɛ, kɛ ɣöö rieet ti̱ti̱ kɛ thuɔ̱ɔ̱k kä dëë kɛ ŋäth.”

Nyuuth 21:5 Iomraidhean Croise

I-ca-yaa 42:9

Nɛnɛ, tëë wal cikɛ tuɔɔk, kä ɛn täämɛ latdä tin pay tuɔɔk, a /ken kɛ ni tuɔɔk ɣän la̱tdä kɛ yɛ.”

I-ca-yaa 43:19

Kä nɛnɛ ɣän la̱tdä ni mi pay tuɔɔk, tuɔɔkɛ ɛn täämɛ, ci jɛ nɛn? Ɣän bä duɔ̱ɔ̱p la̱t däär dɔaar, kä bä kiɛr la̱t rɛy dɔaar rɛ̈w.

Luk 5:38

Kä duundɛ ɣöö ba kɔaŋ mi pay mil yi̱k piɛk rɛy göökni ti bo̱o̱r.

2 Kor 5:17

Kɛ kui̱ ɛmɔ, mi te raan rɛy Kritho, ɛ jɛn ram mi ca nyɔk kɛ di̱eth. Ci ta̱a̱dɛ mëë wal thuuk, nɛnɛ, ci ciaŋ mi pay tuɔɔk ben.

Ji̱ Ɣi-bɛ-ru 12:27

Rieet ti̱ti̱ “Kɛ nyɔakdɛ”, nyuɔthkɛ ni wuɔ̱c kä min cɛ lath ce̱tkɛ min ca cak, kɛ kui̱ kä ɣöö bi min /ca dee luäŋ kɛ lath duɔth.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:19

Kä täämɛ gɔ̱r min ci nɛn, min te thi̱n amäni min bi ben kɔɔr kä nɛmɛ.

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 20:11

Kä cua kɔm kuäärä mi bo̱r mi di̱i̱t kɛnɛ ram in nyuur thi̱n nɛn, kä cu piny kɛnɛ nhial rɔ̱ bar nhiamdɛ, kä cuɛ thil gua̱a̱th kɛ kui̱diɛn.

Nyuuth 22:19

Kä mi tëëkɛ ram mi wä rieet woc rɛy buɔk ruaacni go̱o̱kä ɛmɛ, bi Kuoth kui̱dɛ woc kä jiath teekä kɛnɛ wec in rɛl gɔɔydɛ rɔ, tin ca lat rɛy buɔk ɛmɛ.

Nyuuth 22:6

Kä cu jääk nhial ɣä jiök i̱, “Kɛn rieet ti̱ti̱ ro̱ŋkɛ kɛ ŋa̱th, kä kɛ thuɔ̱ɔ̱k, kɛ ɣöö bi Kuäär ni Kuoth yieeni göökni jääk nhialɛ ja̱k kɛ ɣöö bɛ ja̱a̱ŋkɛ nyuɔ̱th min bi dhil tuɔɔk kɛ gua̱a̱th mi tɔt.”

Nyuuth 4:2

Kä nikä kɛɛl cua ɣä käp ɛ yiëë, kä nɛnɛ, te ciëŋ nhial kɛ kɔm kuäärä mi te ram mi nyuur thi̱n!

Nyuuth 4:9

Kä mɔ ci ley tin tëk puɔny kɛ luth kɛnɛ tëth lɔaac ka̱m ram in nyuur wi̱i̱ kɔam kuäärä mɔ, jɛn min tëk a thil pek,

Nyuuth 5:1

Kä tet cuëëc raam in nyuur kɔam kuäärä, cua ko̱l gɔ̱rä mi ca rɛydɛ kɛnɛ jɔkdɛ gɔ̱r nɛn, kä ca dil kɛ di̱i̱li bärɔw.