Nyuuth 21:4 - RUAC KUƆTH IN RƐL RƆ

⁴ Kä bɛ mer nyinkiɛn diaal poc. Kä bɛ cu thil lia̱a̱, kɛnɛ pa̱r, kɛ wiee, kɛnɛ bɛ̈c pua̱ny, kɛ ɣöö ci ŋɔaani tëë kɔn thuuk.”

Nyuuth 21:4 Iomraidhean Croise

Diit 144:4

Kɛn ce̱tkɛ kɛ duäŋ thuɔk, kä ce̱t tëkdiɛn nikɛ ti̱eep.

I-ca-yaa 25:8

Bi Kuäär ni Kuoth mer cu poc wäŋni diaal, kä bɛ buar nɛɛnikɛ cu woc, wi̱i̱ muɔ̱ɔ̱n kɛɛliw. Ruac ni ɣän Kuoth Nhial.

I-ca-yaa 30:19

Yɛn nɛy tin cieŋ kä Jɛ-ru-tha-lɛm, /cia rɔ̱ bi nyɔk kɛ wiee. Kuoth Nhial bɛ tekɛ kɔ̱a̱c lɔaac mi di̱i̱t kɛ yɛ mi wä yɛn ɛ thiec kɛ luäk. Mi wëë jɛ liŋ bɛ yɛ loc.

I-ca-yaa 35:10

Kä bi nɛɛ Kuɔth Nhial tin cɛ luɛl luny jɔk, bikɛ ben kä Dha-yɔn ɛ kɛ̈tkɛ diit, bikɛ tekɛ tɛ̈th lɔaac mi thil pek, bikɛ tekɛ tɛ̈th lɔaac kɛnɛ gɔɔy lɔaac, bi jiath lɔaac kɛnɛ lul rɔ̱ bar kä kɛ.

I-ca-yaa 51:11

Kä bi nɛy tin ca luɛl ɛ Kuoth Nhial luny jɔk, bikɛ ben kä Dha-yɔn kɛ diit, bikɛ tekɛ tɛ̈th lɔaac mi thil pek, bi te ni kɛn kɛ tɛ̈th lɔaac kɛnɛ gɔɔy lɔaac, kä bi jiath lɔaac kɛnɛ pa̱r nɔ̱a̱n kɛ kɛ.

I-ca-yaa 60:20

Kä /ci cäŋdu rɔ bi nyɔk kɛ kony, kä /ci pay buaydɛ bi thil, Kuoth Nhial ɛ jɛn bia̱ buaydu mi do̱raar ɔ, kä bi ni̱n pärädu cu thuɔ̱k.

I-ca-yaa 61:3

kä bɛ nɛy tin pär kä Dha-yɔn moc, bɛ kɛ moc kum kuäärä kɛ gua̱a̱th ŋɛthä, kä bɛ kɛ moc kɛ tɛ̈th lɔaac kɛ gua̱a̱th pärä, kä bɛ kɛ moc diit puɔnyä kɛ gua̱a̱th jiɛthä lɔaac, dɔ̱ŋ dëë kɛ cɔli jiath riɛt cuŋni, mi ca pith ɛ Kuoth Nhial, kɛ ɣöö ba jɛ liak.

Bok Go̱kä ni Yir-mɛ-yaa 31:12

Bikɛ ben kä bikɛ wä ki̱et nikɛ jɔw mi di̱i̱t, wi̱i̱ pa̱a̱m Dha-yɔn. Kä bi lɔcdiɛn tɛɛth kɛ muc Kuɔth Nhial. Bi lo̱ckiɛn tɛɛth kɛ kui̱ bɛɛl, kɛ kɔaŋ kɛnɛ liɛth, amäni det kɛnɛ ɣɔ̱k bä. Kä bi tëkdiɛn cu ce̱tnikɛ kak dɛɛni wal mi te wi̱c yiëër. Kä /ci kɛn rɔ̱ bi lɛ nyɔk kɛ cuɔ̱c.

Bok Go̱kä ni Yir-mɛ-yaa 31:13

Kä bi nyier la̱t duth nikɛ tɛ̈th lɔaac, kä bi ŋuɛ̈tni kɛnɛ dɔŋ lo̱ckiɛn cu tɛɛth. Kä bä jiath lɔaacdiɛn cu jak kä tɛ̈th lɔaac. Ɣän bä kɛ bum, kä bä kɛ moc tɛ̈th lɔaac kɛ gua̱a̱th jiɛthä lɔaacdiɛn.

Ɣocä 13:14

“A dëë kɛ ku kän rɛy bumä ɣɔaa ɛ jëk ɛmɛ? Kua dëë kɛ kän kä lia̱a̱? Kä bɛ̈cdu a ni kä lö lia̱a̱? Kä däkdu a ni kä lö cieŋ jɔɔkni? Bia kä kɛ, kɛ ɣöö thilɛ ɣä kɔ̱a̱c lɔaac kɛ kɛ.

Mɛ̈t 24:35

Kä bi nhial kɛnɛ piny thuuk, kä /ci ruaacnikä bi met thuuk.”

1 Kor 15:26

Kä gua̱n tɛ̈r in jɔak in ba däk ɛ lia̱a̱.

1 Kor 7:31

kä nɛy ti tekɛ maar kɛ ɣɔw cieŋ ce̱tkɛ nɛy ti thil maar kɛ jɛ. Kɛ ɣöö ta̱a̱ ɣɔaa ɛmɛ wee kɛ mi thukɛ.

2 Kor 5:17

Kɛ kui̱ ɛmɔ, mi te raan rɛy Kritho, ɛ jɛn ram mi ca nyɔk kɛ di̱eth. Ci ta̱a̱dɛ mëë wal thuuk, nɛnɛ, ci ciaŋ mi pay tuɔɔk ben.

2 Kor 6:17

Kɛ kui̱ ɛmɔ bia raar kä kɛ kä bia a gööl kä kɛ, ruac ni Kuäär. /Cuarɛ mi jiääk gueer, kä ɛnɔ bä yɛ nyuɔ̱ɔ̱r agɔaa.

Ji̱ Ɣi-bɛ-ru 12:27

Rieet ti̱ti̱ “Kɛ nyɔakdɛ”, nyuɔthkɛ ni wuɔ̱c kä min cɛ lath ce̱tkɛ min ca cak, kɛ kui̱ kä ɣöö bi min /ca dee luäŋ kɛ lath duɔth.

2 Pit 3:10

Kä duundɛ ɣöö bi cäŋ Kua̱r ni Yecu ben ce̱tkɛ kueel, kä bi pua̱a̱r cu thil kɛ wuɔ̱w mi di̱i̱t, kä bi nyin nhial diaal waaŋ kɛ mac. Kä bi piny kɛnɛ ti diaal tin ca la̱t thi̱n, bikɛ pɛ̈t.

1 Jɔ̱ɔ̱n 2:17

Ɣɔw kɛnɛ nyinkɛ bikɛ thuɔ̱k, kä duundɛ ɣöö nɛy tin la̱tkɛ ruac Kuɔth bikɛ tëk amäni cäŋ kɛl.

Nyuuth 20:13

Cu bar nɛy tin ci li̱w rɛydɛ thöp, kä cu Lia̱a̱ kɛnɛ Ro̱l Jɔɔkni nɛy tin ci li̱w rɛydiɛn thöp, kä ca kɛn diaal luk kɛ kui̱ kä tëë ci kɛn kɛ la̱t.

Nyuuth 20:14

Kä ɛnɔ cua Lia̱a̱ kɛnɛ Ro̱l Jɔɔkni yuɔr bar maac. Jɛn bar maac ɛmɛ ɛ lia̱a̱ in rɛwdɛ.

Nyuuth 21:1

Kä ɛnɔ cua nhial kɛnɛ piny mi pay cak nɛn. Kɛ ɣöö ci nhial kɛnɛ piny tëë nhiam thuuk, kä ci bar thil.

Nyuuth 22:3

Bɛ thil duɔ̱ɔ̱r mi ca bit mi bi te thi̱n. Kä bi kɔm Kuɔth kɛnɛ Ruath Dɛ̈ɛ̈l te thi̱n, kä bi ja̱a̱ŋkɛ jɛ pal.

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”