Nyuuth 21:27 - RUAC KUƆTH IN RƐL RƆ

²⁷ Kä thilɛ duɔ̱ɔ̱r mi jiääk mi bi wä rɛydɛ, kiɛ ram mi lät nyuɔɔn, kiɛ ka̱a̱cni, ɛ ni nɛy tin ca ciöötkiɛn gɔ̱a̱r rɛy buɔk teekä Ruath Dɛ̈ɛ̈l.

Nyuuth 21:27 Iomraidhean Croise

Diit 101:8

Kä kɛ runwaŋni diaal ɣän bä ji̱ nyuɔɔni diaal tin te rɛy wec däk, bä kɛn la̱a̱t jiäkni diaal tɛ̈m raar rɛy wec Kuɔth Nhial.

Ɣöth 32:32

Kä täämɛ mi lotdɛ rɔ, ɛ nɛ latdä mi kɛ Ji̱, ni kɛ ruacdu, päli kɛ dueerkiɛn, kä mi /ci lɔcdu bi luɔ̱ɔ̱c piny kɛ duerkiɛn, la̱ŋä ni ji̱, kɛkni ciötdä raar rɛy warɛgakädu min ci gɔ̱r.”

I-ca-yaa 35:8

Kä bi duɔ̱p tin di̱t te thi̱n, kä bakɛ cɔli Duɔ̱p tin Gɔw, kä /ci nɛy tin jiäk bi ja̱l kɛ jɛ, /ci ji̱ dueeri bi rët kɛ jɛ. Bi ja̱l ni nɛɛ Kuɔth kɛ jɛ, kä /ci dɔ̱a̱a̱r bi ja̱l kɛ jɛ.

I-ca-yaa 52:1

Keri keri lö Dha-yɔn, kä jak ni rɔ kä bum, läthni bi̱i̱du min gɔaa, lö Jɛ-ru-tha-lɛm wec in rɛl rɔ, kɛ ɣöö /ci nɛy tin ka̱n cuɛl kɛnɛ nɛy tin jiäk rɔ̱ bi nyɔk kɛ ben kä ji̱.

I-ca-yaa 60:21

Bi nɛɛku diaal a ji̱ cuŋni, bikɛ mun ciɛŋ amäni cäŋ kɛl. Kɛ kɛn tëë piɛɛthä, tëë la̱tdä nikɛ tetdä, kɛ ɣöö ba ɣä liak.

Yɛdh 44:9

“ ‘Kä cu Kuäär ni Kuoth Nhial wee i̱, “Thilɛ juɔ̱r mi /ka̱n cuɛl lɔɔc kɛnɛ puɔ̱ny kä jur diaal tin cieŋ rɛy nɛɛni ji̱ I-thɛ-rɛl mi bi wä rɛy luaakdä.

Yo-el 3:17

“Kä bia cu ŋa̱c, ɛn ɣöö ɛ jɛn ɣän Kuoth Nhial Kuothdun, in cieŋ kä Dha-yɔn, wi̱i̱ päämdä in rɛl gɔɔydɛ rɔ. Kä bi Jɛ-ru-tha-lɛm a wec mi rɛl rɔ, mi /ca bi lɛ me̱t ka̱n ɛ nɛy kɔ̱kiɛn.

Liib 13:46

Bɛ cieŋ ala mi jiääk kɛ pëk ɔ tëë kɛ juey thi̱n ɔ, kä bi cieŋ ni jɛn kä rɔa jɔk wec.”

Dhɛk 14:21

Kä cuɔ̱ɔ̱k kä Jɛ-ru-tha-lɛm kɛnɛ Juda bakɛ lëy Kuoth Nhial in la Ruey Ɣɔaa, kä bi nɛy diaal tin thöpkɛ muc rɔ̱ moc thi̱n kɛ ti thalkɛ ni ri̱ŋ. Kä ɛn cäŋ ɛmɔ bɛ thil nɛy ti kɔakɛ ŋɔak rɛy luaak Kuɔth Nhial in la Ruey Ɣɔaa.

Kuen 12:15

Inɔ cua Mir-yam la̱th raar rɛy wec kɛ ni̱n bärɔw. Kä /ken naath ɣöth ɛ ni̱ni tɔ̱tɔ̱ amäni mëë ca Mir-yam luɔ̱ɔ̱c wi̱c

Kuen 5:3

Wutni kɛnɛ män bia kɛ ka̱m raar rɛy wec, kɛ ɣöö /ci wecdiɛn bi jiääk, guäth in cieŋä thi̱n.”

Mɛ̈t 13:41

Bi Gat Ran ja̱a̱kɛ ja̱k, kä bikɛ ŋɔak diaal tin nööŋkɛ duer kuany raar cieŋ kuäärädɛ kɛnɛ la̱a̱t dueeri diaal,

Mak 7:2

kä cikɛ jɛ nɛn ɛn ɣöö ci tha̱a̱ŋ ji̱ kɔaar Yecu mi̱th kɛ tet ti jiäk, ti /ka̱n lak.

Luk 10:20

A lo̱ckun /ci tɛth kɛ ɣöö ci yiey ti jiäk rɔ̱ lua̱r yɛ, a lo̱ckun tɛth kɛ ɣöö ca ciöötkun gɔ̱r nhial.”

Ji̱ Ɛ-pɛ-thäth 5:5

Kä ŋa̱cɛ nɛmɛ agɔaa, ɛn ɣöö thilɛ ram mi lät leer kiɛ mi jiääk kiɛ ram mi di̱t lɔc (mi pääl kuthni guääyni) mi bi tekɛ kui̱c rɛy Kuäärä Kritho kɛnɛ Kuoth.

Ji̱ Pi-li-pi 4:3

Kä ɣän thiëëcä ji̱ bä, ji̱n läät kɛ̈ɛ̈l kɛ ɣä, luäk män ti̱ti̱ kɛ ɣöö cikɛ lät kɛɛl kɛ ɣä rɛy thukni ti gɔw kɛɛl kɛ Kä-lɛ-mɛnt, kɛ nɛy tin kɔ̱kiɛn tin lät kɛ ɣä kɛɛl, tin te ciöötkiɛn rɛy buɔk teekä.

1 Tim 1:10

Kä la̱tkɛ jɛ kɛ kui̱ lëëri, kɛnɛ nɛy tin tɔ̱ɔ̱c kɛ rɔ̱ kä biɛl ɔ kɛl ɔ, kɛ nɛy tin kɔakɛ naath, kɛ ji̱ ka̱a̱cni, nɛy tin cɔalkɛ Kuoth kɛ kac, kɛ nɔ dɔ̱diɛn ɔ gua̱c kɛ ŋi̱i̱c in thuɔ̱k ɔ.

Ji̱ Ɣi-bɛ-ru 12:14

Ɣɔ̱a̱nɛ jɛ ɛn ɣöö bia cieŋ kɛ mal kɛ nɛy diaal, kɛ ciaŋ mi rɛl rɔ, kɛ ɣöö thil ram mi bi Kuäär ni Kuoth nɛnɛ a thil mal.

2 Pit 3:13

Kä duundɛ ɣöö ce̱tkɛ ruacdɛ min ca lar liɛpnɛ ciëŋ nhial kɛnɛ piny tin pay cak, gua̱a̱th in cieŋ cuŋ thi̱n.

Nyuuth 13:8

kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 20:12

Kä cua nɛy ti ci li̱w nɛn, nɛy tin di̱t kɛnɛ tin tɔatni, cuŋkɛ nhiam kɔam kuäärä, kä ca buɔkni lëëp. Ca bok dɔ̱diɛn min la bok teekä lɛp bä. Kä cua nɛy tin ci li̱w luk ce̱tkɛ lätkiɛn tëë ca gɔ̱a̱r rɛy buɔkni.

Nyuuth 20:15

Kä ram mi /ka̱n ciötdɛ ran jek a ca gɔ̱r rɛy buɔk teekä, ca jɛ yuɔr bar maac.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 3:5

Ram mi wä tiëm ba jɛ rony kɛ bieyni ti bo̱o̱r, kä /cä ciötdɛ bi cuɔ̱th raar rɛy warɛgakä teekä. Bä ciötdɛ lat nhiam Gua̱a̱r kɛnɛ nhiam ja̱a̱knikɛ.