Nyuuth 21:23 - RUAC KUƆTH IN RƐL RƆ

²³ Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.

Nyuuth 21:23 Iomraidhean Croise

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

I-ca-yaa 2:10

Wër rɛy kɔ̱kä pa̱a̱m, teeyni rɔ rɛy puɔ̱li piɛny kɛ kui̱ gaak Kuɔth Nhial, kɛnɛ buay bumädɛ.

I-ca-yaa 2:19

Wiaa tɛ̱̈ɛ̱̈ rɔ̱ rɛy kɔ̱a̱kni pa̱a̱m kɛnɛ rɛy kɔ̱a̱kni piɛny, kɛ kui̱ gaak Kuɔth Nhial, kɛnɛ buay ruëcdɛ mi wëë rɔ wä jiɛc kɛ ɣöö bɛ wi̱c muɔ̱ɔ̱n jakä dual.

I-ca-yaa 2:21

Mi wä Kuoth wi̱c muɔ̱ɔ̱n jakä dual bi naath rɔ̱ wä tɛ̱̈ɛ̱̈ rɛy kɔ̱a̱kni kɛnɛ rɛy puɔ̱li piɛny, kɛ gak Kuɔth Nhial kɛnɛ buay ruëcdɛ.

I-ca-yaa 24:23

Bi pay cuɔl ɛ la muth, kä bi cäŋ buaydɛ thil, kɛ ɣöö bi Kuoth Nhial in la Ruey Ɣɔaa ruëc, bɛ ruëc Pääm Dha-yɔn kɛnɛ Jɛ-ru-tha-lɛm, kä bi bööth buɔ̱mdɛ nɛn.

I-ca-yaa 30:26

Kä bi pay buay ce̱tnikɛ cäŋ, kä bi buay ca̱ŋ rɔ loc nikä bärɔw, bɛ ce̱tnikɛ buay ni̱ni da̱ŋ bärɔw, kɛ cäŋ in wä Kuoth Nhial buɔ̱ɔ̱t nɛɛnikɛ yiɛn kä bɛ jiööri tin cɛ ka̱m kɛ jak kä gɔaa.

Bok Go̱kä ni Ɣä-bɛ̈-kuk 3:3

Kuoth bëë wi̱c Te-man, ɛn min Rɛl Gɔɔydɛ rɔ bëë Pääm Pa-ran. Kum wuɔ̱tdɛ pua̱a̱r, kä thiääŋ liakdɛ wi̱c muɔ̱ɔ̱n.

Mɛ̈t 16:27

Kɛ ɣöö bi Gat Ran kɛnɛ ja̱a̱kɛ kɛ gɔɔy puɔnyä Gua̱n ben, kä ɛn guäth ɛmɔ bɛ nɛy diaal culikä kɛ min ci kɛn ɛ la̱t.

Mak 8:38

Kɛ ɣöö mi wä raan pöc kɛ ɣä kɛnɛ ruaacnikä rɛy ri̱cä mɛ jiääk ɛmɛ mɛ thil ŋa̱th, bi Gat Ran pöc kɛ jɛ bä, mi wëë wä ben kɛ gɔɔy puɔnyä Gua̱n kɛɛl kɛ ja̱a̱k nhial tin rɛl gɔɔydiɛn rɔ.”

Luk 2:32

Ɛ buay kɛ kui̱ nyuuthä kä Jur, kä ɛ gɔɔy puɔnyä kä nɛɛku, ni ji̱ I-thɛ-rɛl.”

Jɔ̱ɔ̱n 1:14

Cu Ruac ben ala Raan, kä cuɛ cieŋ rɛydan, kä canɛ gɔɔydɛ min ce̱tkɛ gɔɔy Gatdä Kuɔth in kɛl kärɔa nɛn cɛ thia̱ŋ kɛ nhök kɛnɛ thuɔ̱k.

Jɔ̱ɔ̱n 1:18

Thilɛ ram mi ci Kuoth met nɛn. Ɛ ni Gat Kuɔth in kɛl kärɔa in te lɔɔc Gua̱n ni Kuoth, mëë cu jɛ jakä ŋa̱ckɛ.

Jɔ̱ɔ̱n 1:4

Tëk tëë kɛ jɛ, kä tëk ɛ jɛn buay nath diaal.

Jɔ̱ɔ̱n 1:9

Nɛmɛ ɛ jɛn buay in thuɔ̱k, buay in ci ben rɛy ɣɔaa mɛrɛ nɛy diaal.

Jɔ̱ɔ̱n 17:24

Gua̱di̱n, go̱o̱r lɔcdä ɣöö dee nɛy tin ci ka̱m ɣä te kɛɛl kɛ ɣä guäth in ta̱a̱ thi̱n, kɛ ɣöö bikɛ liakdä mëë ci ka̱m ɣä rɛy nho̱kädu a /ka̱n ɣɔw ni cak nɛn.

Jɔ̱ɔ̱n 5:23

ɛ ɣöö dee nɛy diaal Gat Kuɔth luɔ̱th, ce̱tkɛ min luɔ̱thkɛ Gua̱n. Jɛn mi /ci Gat Kuɔth luth, thilɛ jɛ luth kɛ Gua̱n ëë jäk jɛ.

Lät Jaakni Yecu 22:11

Kä mëë thilɛ mi nɛ̈ɛ̈nä, kɛ kui̱ buɔyä ɛmɔ, cua ɣä käp tetdä ɛ nɛy tëë tekɛ ɣä kɛɛl, kä cua ɣä buath kä Da-math-kɛth.

Nyuuth 14:4

Ti̱ti̱ kɛ kɛn nɛy tin /ka̱n rɔ̱ ya̱r kɛ män, kɛ ɣöö kɛ nɛy ti thil nyuɔɔn. Kɛ kɛn nɛy tin guɔ̱ɔ̱rkɛ Ruath Dɛ̈ɛ̈l Kuɔth gua̱thni diaal tin wëë thi̱n. Kɛ nɛy ti ca kuɛl kä duɔth nath kɛ ɣöö bakɛ thöp Kuɔth kɛnɛ Ruath Dɛ̈ɛ̈l.

Nyuuth 18:1

Kɛ kɔr kä mɛmɛ cua jääk nhial dɔ̱diɛn nɛn, mi bëë piny nhial, tëëkɛ lua̱ŋ mi di̱i̱t. Kä cuɛ piny mɛr kɛ gɔɔy buɔyädɛ.

Nyuuth 21:11

Kä jaŋɛ kɛ gɔɔy Kuɔth. Ce̱t buaydɛ kɛ guɛɛy mi gɔaa mi bum jekdɛ, kä puɔthɛ ce̱tkɛ neen mi jaŋ jaŋ.

Nyuuth 21:25

/Ca thukɛ bi met gäk kɛ cäŋdäär, kä bɛ thil wäär ɛn wi̱ni.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”