Nyuuth 21:22 - RUAC KUƆTH IN RƐL RƆ

²² Kä cuɛ thil luak Kuɔth mi cua̱ nɛn rɛy wec, kɛ ɣöö luak Kuɔthdɛ ɛ jɛn Kuäär ni Kuoth in Leny Buɔ̱mdɛ ti Diaal, kɛnɛ Ruath Dɛ̈ɛ̈l.

Nyuuth 21:22 Iomraidhean Croise

1 Kua̱r 8:27

“Kä ɛ thuɔ̱k Kuoth dërɛ cieŋ piny? Nɛn ɛ, pua̱a̱r nhial kɛnɛ nhial /ci dëë ro̱ŋ thi̱n. Kä ku kuɛ̈ɛ̈ luaak ɛ cä täthɛ lɛ ni̱n di!

2 Kuɛ̈n 2:6

Kä ɛŋa dëë jɛ luäŋ kɛ täth luak ɔ, min cäŋɛ ni pua̱r nhial /cɛ jɛ dëë luäŋ kɛ kum? Kä ɛ ɣän ŋa mɔ dëë jɛ ta̱th luakɔ. Mi /ci dee a gua̱th mi waŋkɛ ni wal thi̱n nhiamdɛ mɔ?

2 Kuɛ̈n 6:18

“Kä ɛn duɔ̱ɔ̱r ɛ thuɔ̱k ɛn ɣöö dëë Kuoth cieŋ piny kɛɛl kɛ naath? Kä cäŋɛ ni pua̱a̱r nhial /cɛ ji̱ dëë naŋ. Kä ku kuɛ̈ɛ̈ luak ɛ ca täthɛ lɛ ni̱n ɛ di!

I-ca-yaa 66:1

Cu Kuoth Nhial wee i̱, “Pua̱a̱r ɛ kɔm kuäärädä, kä piny ɛ cääk ciöknikä, bɛ ku la duel ŋukä bia lät kä ɣä mɔ, gua̱a̱th lɔ̱ŋädä mi tëë di?

Mɛ̈t 24:2

Kä cu Yecu kɛ thiec i̱, “Yɛn nɛnɛ ti̱ti̱ diaal? Ɛpuc, ɣän la̱rä jɛ yɛ, bɛ thil päm kɛl mi ba ba̱ny wi̱i̱ pa̱a̱m in dɔ̱ŋ, ba kɛn diaal yuɔr piny.”

Jɔ̱ɔ̱n 10:30

Ɣän kɔnɛ Gua̱a̱r lapkɔ kɛl.”

Jɔ̱ɔ̱n 13:32

Kä mi ca Kuoth liak kɛ jɛ, bi Kuoth puɔ̱nydɛ jɛ liak, kä bɛ jɛ liak nikä kɛɛl.

Jɔ̱ɔ̱n 4:21

Cu Yecu jɛ jiök i̱, “Ciek, liŋ ruacdä, gua̱a̱th a bëëni mi /cia Gua̱a̱r in te nhial bi pal wi̱i̱ pa̱a̱m ɛmɛ, kiɛ kä Jɛ-ru-tha-lɛm.

Jɔ̱ɔ̱n 4:23

Kä gua̱a̱th a bëëni, kä cɛ cop täämɛ min bi nɛy tin palkɛ Gua̱ndiɛn kɛ thuɔ̱k jɛ pal kɛ yiëë kɛnɛ thuɔ̱k, kɛ ɣöö go̱o̱r Gua̱a̱r in te nhial ni nɛy ti ce̱tkɛ tɔ̱tɔ̱ kɛ ɣöö ba jɛ pal.

Ji̱ Ko-lɔ-thi 1:19

Kä cu Kuoth ɛ nhɔk ɛn ɣöö bɛ cieŋ rɛy Kritho.

Ji̱ Ko-lɔ-thi 2:9

Kɛ ɣöö rɛydɛ te ciaŋ Kuɔth kɛɛliw thi̱n puɔ̱nydɛ,

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 11:17

cukɛ di̱t kɛt i̱, “La̱rkɔ ji̱ tɛ̈th lɔaac, ji̱n Kuäär ni Kuoth in Leny Buɔ̱mdu ti Diaal, min te thi̱n, kä ci kɔŋ te thi̱n, kɛ ɣöö ci buɔ̱mdu min di̱i̱t ka̱n, kä ci ruëc tok.

Nyuuth 14:4

Ti̱ti̱ kɛ kɛn nɛy tin /ka̱n rɔ̱ ya̱r kɛ män, kɛ ɣöö kɛ nɛy ti thil nyuɔɔn. Kɛ kɛn nɛy tin guɔ̱ɔ̱rkɛ Ruath Dɛ̈ɛ̈l Kuɔth gua̱thni diaal tin wëë thi̱n. Kɛ nɛy ti ca kuɛl kä duɔth nath kɛ ɣöö bakɛ thöp Kuɔth kɛnɛ Ruath Dɛ̈ɛ̈l.

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Nyuuth 16:7

Kä cua jɔw liŋ wi̱i̱ yi̱kä wëë i̱, “Ɣɔ̱ɔ̱n, Kuäär ni Kuoth, in Leny Buɔ̱mdu ti Diaal. Luɔ̱ɔ̱ku kɛ thuɔ̱ɔ̱k kä kɛ cuŋ!”

Nyuuth 19:15

Kä bä thɛp mi moth moth raar thokdɛ mi bɛ näk ni döör, kä bɛ kɛ ruac kɛ kɛɛt yieethä. Kä bɛ kɔaŋ nhiac raar gua̱a̱th nhiecä dɛɛni wal kɛ ŋɛ̈ny waŋä lɔaac Kuɔth in Leny Buɔ̱mdɛ ti Diaal.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”

Nyuuth 5:6

Kä kam kɔam kuäärä kɛnɛ ley da̱ŋ ŋuan tin tëk, kɛ rɛy di̱tni, cua Ruath Dɛ̈ɛ̈l nɛn cuŋä ce̱tkɛ mi ca ŋot, mi tekɛ tuɔ̱ŋ da̱ŋ bärɔw kɛnɛ wäŋ da̱ŋ bärɔw, tin la yiey Kuɔth da̱ŋ bärɔw tin ca jäkä wi̱i̱ muɔ̱ɔ̱n kɛɛliw.

Nyuuth 7:15

Kɛ kui̱ ɛmɔ tekɛ nhiam kɔam kuäärä Kuɔth, kä palkɛ jɛ kɛ cäŋ kɛnɛ wäär rɛy luaak Kuɔth, kä bi ram in nyuur wi̱i̱ kɔam kuäärä kɛ gaŋ kɛ ta̱a̱dɛ kɛɛl kɛ kɛ.

Nyuuth 7:17

Kɛ ɣöö bi Ruath Dɛ̈ɛ̈l in te däär kɔam kuäärä a yieendiɛn, kä bɛ kɛ böth rɛy pi̱i̱ni tin muɔckɛ naath tëk, kä bi Kuoth mer nyinkiɛn diaal poc.”