Nyuuth 20:6 - RUAC KUƆTH IN RƐL RƆ

⁶ Tɛ̈th lɔaac kɛnɛ puɔ̱th mi di̱i̱t akɛ nɛy tin te rɛy nɛɛni tin ca rɔ̱ jiɛc li̱th kɛ nhiam. Kɛ kui̱ nɛɛni tɔ̱tɔ̱, thil lia̱a̱ in rɛwdɛ lua̱ŋ kɛ kɛ, bikɛ a bööth palä Kuɔth kɛnɛ Kritho, kä bikɛ ruëc kɛ jɛ kɛɛl kɛ run ti bathdɔɔr kɛl.

Nyuuth 20:6 Iomraidhean Croise

I-ca-yaa 4:3

Kä nɛy tin ŋot kɛ tëk kä Dha-yɔn tin ci duɔth kä Jɛ-ru-tha-lɛm bakɛ cɔli ti rɛ̈lkɛ rɔ̱, kɛn nɛy tin ca ciöötkiɛn gɔ̱r tin tëk kä Jɛ-ru-tha-lɛm.

I-ca-yaa 61:6

duundɛ ɣöö ba yɛ cɔl i̱ bööth palä Kuɔth Nhial. Bi ciötdun a bööth palä Kuɔthda, kä bia ria̱ŋ dööri cam, bi lo̱ckun tɛɛth kɛ ria̱ŋdiɛn.

Bok Go̱kä ni Da-ni-yel 12:12

Tɛ̈th lɔaac akɛ nɛy tin bi pek ni̱ni ti bathdɔɔr kɛl wi̱cdɛ kur diɔ̱k wi̱cdɛ jiɛn diɔ̱k wi̱cdɛ dhieec cop.

Luk 14:15

Mëë ci ram kɛl kä ja̱a̱l mi ti nyuurä kɛɛl kɛ Yecu ruac ɛmɛ liŋ, cuɛ wee i̱, “Puɔ̱th akɛ nɛy tin bi mi̱th cieŋ kuäärä Kuɔth mac.”

Ji̱ Röm 12:1

Kɛ kui̱ ɛmɔ, dämaari, la̱ŋä yɛ kɛ kɔ̱a̱c lɔaac Kuɔth, ɛn ɣöö thöpɛ rɔ̱, Kuɔth ala muc ti tëk, ala ti rɛ̈lkɛ rɔ̱, kä nhɔk Kuoth kɛ, min la duɔ̱ɔ̱p palä yieenikun in thuɔ̱k.

Ji̱ Röm 8:17

Kä mi lapnɛ gaat, kɛ kɔn dieel dhɔaar Kuɔth pa̱ny, amäni ɣöö lapnɛ dieel dhɔaar kɛɛl kɛ Kritho, mi ruɔ̱tnɛ bɛ̈c bɛ̈ɛ̈c kɛ jɛ kɛɛl kä ba kɔn puany kɛ jɛ kɛɛl bä.

2 Tim 2:12

Mi ruɔ̱tnɛ ti bɛc, banɛ ruëc kɛ jɛ kɛɛl bä. Mi wä kɔn ɛ jay, jɛn bɛ kɔn jay bä.

1 Pit 2:5

Kä yɛn pua̱nykun ce̱t yɛn kɛ päm in tëk a yɛ ta̱thkɛ ala duel yieekä, kɛ ɣöö bi yɛn a bööth palä ti gɔw ti rɛ̈lkɛ rɔ̱, kɛ ɣöö bia muc yieekä ti nhɔakɛ thöp Kuoth kɛ Yecu Kritho.

1 Pit 2:9

Yɛn lapɛ thok duëël mi ca mɛk, ti bööth palä, mi la do̱r mi rɛl rɔ, nɛɛ Kuɔth ti rɛlɛ, kɛ ɣöö dee yɛn lätkɛ tin buɔ̱m buɔ̱ɔ̱m lat jɛn ram min cɔl yɛ raar rɛy muɔ̱th, cɔlɛ yɛ rɛy buɔyädɛ min gɔaa.

Nyuuth 1:6

Kä cɛ kɔn jakä kuäär bööthni palä ti la̱tkɛ Kuoth ikä kɛnɛ Gua̱a̱r. Kä a gɔɔy kɛnɛ buɔ̱m tekɛ Yecu amäni cäŋ kɛl. Inɔnɔ.

Nyuuth 14:13

Kä cua jɔw mi bëë nhial liŋ, wee i̱, “Gɔ̱r mɛmɛ. A puɔ̱th tekɛ nɛy tin ci li̱w rɛy Kua̱r ni Kuoth a wee wä.” Laar Yiëë Kuɔth ɛ i̱, “Ɛpuc bikɛ tekɛ lɔ̱a̱ŋ kä lätkiɛn, kɛ ɣöö tin ci kɛn kɛ la̱t guɔ̱ɔ̱rkɛ kɛ!”

Nyuuth 2:11

Kä ɛ ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ /ca jɛ bi näk ɛ lia̱a̱ in rɛwdɛ.’ ”

Nyuuth 20:14

Kä ɛnɔ cua Lia̱a̱ kɛnɛ Ro̱l Jɔɔkni yuɔr bar maac. Jɛn bar maac ɛmɛ ɛ lia̱a̱ in rɛwdɛ.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 22:7

“Kä nɛnɛ, bi ɣän mal ben! Puɔ̱th akɛ ram mi kääp rieet go̱o̱kä buɔk.”

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 5:10

kä cikɛ jakä kuäär kɛnɛ bööth palä ti la̱tkɛ Kuɔthdan ikä, kä bikɛ ruëc wi̱i̱ muɔ̱ɔ̱n.”