Nyuuth 20:4 - RUAC KUƆTH IN RƐL RƆ

⁴ Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 20:4 Iomraidhean Croise

Bok Go̱kä ni Da-ni-yel 2:44

Kä kɛ ni̱n tin ruec kɛ kua̱r tɔ̱tɔ̱, bi Kuoth puɔ̱ɔ̱rä kuäär mi thil mi bi jɛ wany tok, kä kuäär ɛmɔ /ca jɛ bi lɛ ba̱ny nɛy ti kɔ̱kiɛn. Kä bɛ kuääri diaal ti̱ti̱ däk, kä jɛn bɛ te thi̱n ala do̱raar,

Bok Go̱kä ni Da-ni-yel 7:18

Duundɛ ɣöö bi nɛy tin ŋa̱thkɛ ni Kuoth in Di̱t ni Jɛn ruec jek, kä ba kuäär ɛmɔ käp amäni cäŋ kɛl niɛ täämɛ a wee wä.’

Bok Go̱kä ni Da-ni-yel 7:22

amäni mëë cu Ram in do̱raar ben. Kä cuɛ luk ben luk cuɛ nɛy tin la nɛɛ Kuɔth in Di̱t ni Jɛn ka̱m cuɔ̱ɔ̱ŋ, kä cu gua̱a̱th ben kɛ ɣöö bi nɛɛ Kuɔth Kuäär ka̱n.

Bok Go̱kä ni Da-ni-yel 7:27

Kä ba kuäär kɛnɛ buɔ̱m kɛ di̱t kuäärä wec muɔ̱ɔ̱n kɛɛliw ka̱m nɛy tin ŋa̱thkɛ Kuoth in Di̱t ni Jɛn. Kä bi kuääriɛn cua̱ kuäär mi do̱raar, kä bi kua̱r diaal kɛ lätikä, kä bakɛ luɔ̱th.’

Bok Go̱kä ni Da-ni-yel 7:9

“Kä min ta̱a̱ gui̱c, cua̱ kɔamni kuäärä nɛn cakɛ la̱th guäth, kä cu Ram in do̱raar nyuur wi̱i̱ kɔam kuäärädɛ. Kä buɔy bieynikɛ ce̱tnikɛ cak, kä buɔy miem wecdɛ ce̱tnikɛ lath. Kä kɔmdɛ bo̱lɛ ce̱tnikɛ mac kä ciök kɔamdɛ pɛtkɛ ala mac.

Mɛ̈l 4:5

“Kä nɛ̈nɛ jɛ, ɣän bä yɛ jäk kä gök ni E-li-yaa a /ken cäŋ Kuɔth Nhial in di̱t bɛ̈cdɛ ni ben.

Mɛ̈t 19:28

Cu Yecu kɛ jiök i̱, “Ɛpuc, ɣän la̱rä jɛ yɛ, mi wä Gat Ran nyuur wi̱i̱ kɔam puɔnyädɛ rɛy ɣɔaa mi pay cak, bi yɛn nɛy tin cia ɣä guɔ̱ɔ̱r nyuur kɔamni kuäärä da̱ŋ wäl rɛw, kä bia döör I-thɛ-rɛl da̱ŋ wäl rɛw luk.

Mɛ̈t 24:10

Kä bi nɛy ti ŋuan kac jɔk, kä bi ramɔ ramɔ luɔm, kä nyiir ramɔ ramɔ.

Mak 6:16

Kä mëë ci Ɣɛ-rod ɛ liŋ, cuɛ wee i̱, “Ca Jɔ̱ɔ̱n mëë cä ŋot jiɛc li̱th.”

Mak 6:27

Kä ni ɛn guäth ɛmɔ cuɛ lathkëëri mi gaŋ jɛ ja̱k, kɛ ɣöö bɛ wi̱c Jɔ̱ɔ̱n wä nööŋ. Cuɛ wä, kä cuɛ wi̱c Jɔ̱ɔ̱n wä ŋok rɛy duëël yieenä.

Mak 9:11

Kä cukɛ jɛ thiec i̱, “Ɛŋu laar ji̱ gɔ̱rkä jɛ mɔ i̱, ‘Bi E-li-yaa ben kɛ nhiam?’ ”

Luk 1:17

Bɛ wä nhiamdɛ kɛ yiëë kɛnɛ buɔ̱m E-li-yaa, kɛ ɣöö bɛ diëëth gan luɔc maarä kɛ gaatkiɛn. Kä bɛ nɛy tin thil luth luɔc pɛlä cuŋni, kä bɛ naath jakä ba rɔ̱ rialikä kɛ kui̱ kua̱r ni Kuoth.”

Luk 14:14

Kä ba ji̱ poth kɛ jɛ, kɛ ɣöö /ci nɛy tɔ̱tɔ̱ ji̱ dee luɔ̱c min ci lät kä kɛ. Ba jɛ luɔ̱c ji̱ kɛ cäŋ in wa ji̱ cuŋni jiɛc li̱th.”

Luk 22:30

kɛ ɣöö dɔ̱ŋ bia mi̱th kä bia maath kɛ ɣä kɛɛl rɛy kuäärädä, kä bia nyuur wi̱i̱ kɔamni kuäärä luɔ̱kɛ thuk duëli I-thɛ-rɛl da̱ŋ wäl rɛw.”

Jɔ̱ɔ̱n 14:19

Kɛ kɔr gua̱th mi tɔt, /ci ɣɔw ɣä bi lɛ nɛn, kä bi yɛn ɣä nɛn. Kä kɛ ɣöö ɣän tëkä, bi yɛn tëk bä.

Ji̱ Röm 11:15

Kɛ ɣöö ɣeriɛn lotdɛ ni loc maarä kɛ ɣɔw, kä nhökdiɛn lotdɛ ni tëk li̱eth!

Ji̱ Röm 8:17

Kä mi lapnɛ gaat, kɛ kɔn dieel dhɔaar Kuɔth pa̱ny, amäni ɣöö lapnɛ dieel dhɔaar kɛɛl kɛ Kritho, mi ruɔ̱tnɛ bɛ̈c bɛ̈ɛ̈c kɛ jɛ kɛɛl kä ba kɔn puany kɛ jɛ kɛɛl bä.

2 Tim 2:12

Mi ruɔ̱tnɛ ti bɛc, banɛ ruëc kɛ jɛ kɛɛl bä. Mi wä kɔn ɛ jay, jɛn bɛ kɔn jay bä.

Nyuuth 1:2

mëë cu nëndɛ lat kɛ kui̱ ruac Kuɔth kɛnɛ thuk ruaacni Yecu Kritho, amäni ti diaal tëë cɛ nɛn.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 11:11

Kɛ kɔr ni̱ni da̱ŋ diɔ̱k kɛ nuth cu yiëë teekä mi bä kä Kuoth coth rɛydiɛn, kä cukɛ rɔ̱ jiëc cuɔ̱ŋ, kä cu dual mi di̱i̱t ben kä nɛy ti ca kɛ nɛn.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 11:3

Kä bä nëënkä da̱ŋ rɛw ti ca rɔ rony kɛ bieyni cuali ka̱m buɔ̱m kɛ ɣöö bikɛ ruac Kuɔth lat kɛ ni̱n ti bathdɔɔr kɛl wi̱cdɛ kur rɛw wi̱cdɛ jiɛn bäkɛl.”

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:11

Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 14:11

Kä bi tol maac in waaŋkɛ wä nhial amäni cäŋ kɛl. Kä bɛ thil lɔ̱a̱ŋ, kɛ cäŋ kiɛ wäär, kä nɛy tin palkɛ ley kɛnɛ cätdɛ, amäni ram ɔ ci biɛl cio̱tädɛ jek ɔ.”

Nyuuth 15:2

Kä cua mi ce̱tkɛ bar mi ti̱l ti̱l mi ca lia̱a̱p kɛ mac nɛn. Kä cua nɛy tin ca ley kɛnɛ cätdɛ puɔ̱t, kɛ pek cio̱tädɛ cuŋä gëëkni bar in ti̱l ti̱l, a te thuɔmni Kuɔth tetnikiɛn.

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.

Nyuuth 2:26

Ram mi ti̱em kä lät lätkä amäni guut ɣɔaa, ɣän bä jɛ ka̱m lua̱ŋ wi̱i̱ dööri.

Nyuuth 20:6

Tɛ̈th lɔaac kɛnɛ puɔ̱th mi di̱i̱t akɛ nɛy tin te rɛy nɛɛni tin ca rɔ̱ jiɛc li̱th kɛ nhiam. Kɛ kui̱ nɛɛni tɔ̱tɔ̱, thil lia̱a̱ in rɛwdɛ lua̱ŋ kɛ kɛ, bikɛ a bööth palä Kuɔth kɛnɛ Kritho, kä bikɛ ruëc kɛ jɛ kɛɛl kɛ run ti bathdɔɔr kɛl.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 6:9

Kä mëë cɛ di̱i̱l in dhieecdiɛn lɛp, cua tieyni nɛɛni ti ca näk kɛ kui̱ latdiɛn kɛ ruac Kuɔth kɛnɛ kui̱ nenädiɛn nɛn thaar yi̱kä.

Nyuuth 7:3

Ɛn jääk cuɛ wee i̱, “/Cuarɛ wi̱c muɔ̱ɔ̱n kiɛ bar kiɛ jiɛn däk, amäni mi wakɔ la̱a̱t Kuɔthda nhiam kaandiɛn wä moc biɛl kɛ thääny.”