Nyuuth 20:13 - RUAC KUƆTH IN RƐL RƆ

¹³ Cu bar nɛy tin ci li̱w rɛydɛ thöp, kä cu Lia̱a̱ kɛnɛ Ro̱l Jɔɔkni nɛy tin ci li̱w rɛydiɛn thöp, kä ca kɛn diaal luk kɛ kui̱ kä tëë ci kɛn kɛ la̱t.

Nyuuth 20:13 Iomraidhean Croise

I-ca-yaa 26:19

Kä bi nɛɛku tin ci li̱w rɔ̱ nyɔk kɛ tëk, bi pua̱nykiɛn rɔ̱ jiɛc li̱th. Kä yɛn nɛy tin cieŋ rɛy tuɔ̱ɔ̱r, jiacɛ rɔ̱ kä kɛtdɛ diit tɛthä lɔaac! Ce̱tkɛ min la thäc juaac a keer wi̱i̱ muɔ̱ɔ̱n, inɔ bi Kuoth Nhial nɛy tin ci li̱w jiɛc muun.

Ɣocä 13:14

“A dëë kɛ ku kän rɛy bumä ɣɔaa ɛ jëk ɛmɛ? Kua dëë kɛ kän kä lia̱a̱? Kä bɛ̈cdu a ni kä lö lia̱a̱? Kä däkdu a ni kä lö cieŋ jɔɔkni? Bia kä kɛ, kɛ ɣöö thilɛ ɣä kɔ̱a̱c lɔaac kɛ kɛ.

Mɛ̈t 11:23

Kä yɛn ji̱ Ka-pɛr-ni-äm, ɛ yɛn i̱ ba yɛ kap nhial? Ëëy ba yɛ naŋ ni piny guäth li̱eth! Kɛ ɣöö mi ca lät tin ga̱ykɛ naath la̱t rɛy Thɔ-dɔm ce̱tkɛ tëë ca la̱t rɛydun, dee kɛ ŋot thi̱n amäni wa̱lɛ.

Mɛ̈t 16:27

Kɛ ɣöö bi Gat Ran kɛnɛ ja̱a̱kɛ kɛ gɔɔy puɔnyä Gua̱n ben, kä ɛn guäth ɛmɔ bɛ nɛy diaal culikä kɛ min ci kɛn ɛ la̱t.

1 Kor 15:26

Kä gua̱n tɛ̈r in jɔak in ba däk ɛ lia̱a̱.

Nyuuth 1:18

kä ɛ ɣän ram in tëk. Ɣän cä li̱w, kä nɛnɛ ɣän tëkä amäni cäŋ kɛl. Ɣän ta̱a̱kɛ leepni li̱eth kɛnɛ ro̱l jɔɔkni.

Nyuuth 2:23

Kä bä gaatkɛ näk. Kä bi duël Kuɔth diaal ɛ ŋa̱c ɛn ɣöö ɛ ɣän ram mi go̱o̱r ni lɔc ran kɛnɛ ca̱rɛ. Kä bä ram ɔ cuɔ̱l min lat rɔ kɛ lätkun.

Nyuuth 20:12

Kä cua nɛy ti ci li̱w nɛn, nɛy tin di̱t kɛnɛ tin tɔatni, cuŋkɛ nhiam kɔam kuäärä, kä ca buɔkni lëëp. Ca bok dɔ̱diɛn min la bok teekä lɛp bä. Kä cua nɛy tin ci li̱w luk ce̱tkɛ lätkiɛn tëë ca gɔ̱a̱r rɛy buɔkni.

Nyuuth 20:14

Kä ɛnɔ cua Lia̱a̱ kɛnɛ Ro̱l Jɔɔkni yuɔr bar maac. Jɛn bar maac ɛmɛ ɛ lia̱a̱ in rɛwdɛ.

Nyuuth 21:4

Kä bɛ mer nyinkiɛn diaal poc. Kä bɛ cu thil lia̱a̱, kɛnɛ pa̱r, kɛ wiee, kɛnɛ bɛ̈c pua̱ny, kɛ ɣöö ci ŋɔaani tëë kɔn thuuk.”

Nyuuth 6:8

Kä cua guic, kä nɛnɛ, tëëkɛ jio̱k tuɔ̱ruɔ̱k mi yian, kä cɔalkɛ ciöt raam min kɔt jɛ i̱ “Lia̱a̱”, kä guɔ̱ɔ̱rkɛ jɛ ɛ Ro̱l jɔɔkni. Kä cua kɛ ka̱m lua̱ŋ kɛ ɣöö ba kɛl ŋuaani kä ji̱ wec muɔ̱ɔ̱n näk kɛ ko̱r, kɛnɛ buɔth, kɛ liaw, kɛnɛ ley dɔaar.