Nyuuth 2:5 - RUAC KUƆTH IN RƐL RƆ

⁵ Kɛ kui̱ ɛmɛ tiɛmɛ pɛ̈ɛ̈n ëë ci pɛ̈ɛ̈n kɛ yɛ. Rietdɛ rɔ̱ kä jiäkun, kä la̱tdɛ lät tëë cia la̱t kɛ nhiam. Kä mi /ci yɛn rɔ̱ bi ri̱t, ɣän bä cuuŋ lɛmbärädun woc guäthdɛ, ɛ ni mi cia rɔ̱ ri̱t kä jiäkun.

Nyuuth 2:5 Iomraidhean Croise

I-ca-yaa 1:26

Bä ji̱ luɔ̱c ruëëcku ce̱tnikɛ ni̱n tëë nhiam, kä bä ji̱ luɔ̱c nɛy tin la luëkɛ ji̱, ce̱tnikɛ ni̱n tëë kɔn. Kɛ kɔrɛ ba ji̱ cɔli wec cuŋni, wec mi tekɛ ŋa̱th.”

I-ca-yaa 14:12

Ci kulɛ pɛ̈ɛ̈n i̱di ni puɔ̱ɔ̱rä, lö Ciɛr Bakä, kä gat Po̱o̱tdä! Ca ji̱ yuɔr ni piny, ji̱n ram mëë ci döör kɔŋ ka̱n!

Yɛdh 20:43

Ɛn wani bia lätkun diaal tëë ca yɛ ya̱r cu tim. Kä bia rɔ̱ɔ̱dun cu lo̱k kɛ kui̱ dueeri diaal tëë ci yɛn kɛ la̱t.

Yɛdh 36:31

Kä bia lät jiäknikun kɛnɛ ciɛŋ jiäknikun cu tim. Kä bia pua̱nykun lo̱k kɛ kui̱ nyuɔɔni kɛnɛ jiäkun diaal tëë cia la̱t.

Ɣocä 14:1

Kua rɔ riet Kuoth Nhial in la Kuothdun yɛn ji̱ I-thɛ-rɛl, kɛ ɣöö dueerkun ca yɛ jak kä pɛn.

Ɣocä 9:10

Kä mëë jëkä I-thɛ-rɛl ce̱tdɛ nikɛ thoŋɛdit därdɔaar, kä mëë nɛ̈ɛ̈nä guuri, ce̱tkɛ nikɛ dɛy jiaath ŋɔa̱a̱p tin nhiam. Min cikɛ ben kä Baal-pɛ-or, cikɛ rɔ cu ley kuoth ni Baal. Kä cikɛ cu jiääk ce̱tnikɛ min nhɔk kɛn ɛ.

Mɛ̈l 3:4

Kä ɛn wa̱nɔ ba gaat Juda kɛnɛ gaat Jɛ-ru-tha-lɛm cu nhɔk ɛ Kuoth Nhial ce̱tnikɛ ni̱n tëë wal, kɛnɛ run tëë ci wä.

Mɛ̈l 4:6

Kä bɛ gua̱ni gan luäk kɛ ɣöö ba gaatkiɛn nhɔk, kä bɛ gaat luäk kɛ ɣöö ba gua̱ni nhɔk, kɛ bä ben, bä wi̱c muɔ̱ɔ̱n ben däk.”

Mɛ̈t 5:14

“Yɛn lapɛ buay ɣɔaa. Wec mi ca la̱t wi̱i̱ pa̱a̱m /ca jɛ dee tɛ̱̈ɛ̱̈.

Mɛ̈t 5:15

/Ci naath mac dee dɔp kä la̱th kɛ jɛ thaar diëny, ba jɛ kuëŋ wi̱i̱kä duɔ̱ɔ̱r, kä mɛrɛ nɛy diaal tin te dueel.

Mak 12:9

Ɛŋu mi bi gua̱n kakä kɛ kui̱ kɔaŋ ɛmɔ jɛ la̱t? Bɛ ben kä bɛ ji̱ pi̱thä diaal tɔ̱tɔ̱ näk, kä bɛ kak wal kɛ kui̱ kɔaŋ ka̱m nɛy kɔ̱kiɛn.

Luk 1:17

Bɛ wä nhiamdɛ kɛ yiëë kɛnɛ buɔ̱m E-li-yaa, kɛ ɣöö bɛ diëëth gan luɔc maarä kɛ gaatkiɛn. Kä bɛ nɛy tin thil luth luɔc pɛlä cuŋni, kä bɛ naath jakä ba rɔ̱ rialikä kɛ kui̱ kua̱r ni Kuoth.”

Luk 20:16

Bɛ ji̱ pi̱thä tɔ̱tɔ̱ ben näk, kä bɛ kakä wal wal kɛ kui̱ kɔaŋ gua̱l nɛy ti kɔ̱kiɛn.” Mëë cikɛ mɔmɔ liŋ, cukɛ wee i̱, “A jɛ /ci tuɔɔk!”

Ji̱ Gä-lëë-cia 5:4

Kä yɛn nɛy tin görkɛ ɣöö ba yɛ moc cuɔ̱ɔ̱ŋ kɛ ŋuɔ̱t, ci tëkdun thuɔ̱k kɛ Kritho, cia jiɛɛn puthä Kuɔth.

Ji̱ Pi-li-pi 2:15

kɛ ɣöö bi yɛn thil bɛ̈l kä bia thil duer, ala gaat Kuɔth ti thil gua̱r ti riaw, ce̱tkɛ kuɛl rɛy ɣɔaa, rɛy ri̱cä mi wän wän mi thil luth.

Ji̱ Ɣi-bɛ-ru 10:32

Kä tiɛmɛ ni̱n tëë kɔn, tëë cia ruut ni rik ti ŋuan ti buɔ̱m buɔ̱ɔ̱m, kɛ kɔr kä mëë cia thuɔ̱k ŋa̱c.

2 Pit 3:17

Yɛn nhöökä, kɛ ɣöö cia mɛmɛ kɔŋ ŋa̱c, niɛkɛ rɔ̱, kä a yɛ /ca bi böth jɔ̱ɔ̱r ɛ dueer nɛɛni tin lökɛ ŋut, a bia bath kä ŋa̱thdun.

Juud 1:24

Täämɛ a Kuoth min tekɛ lua̱ŋ kɛ ɣöö bɛ yɛ gaŋ kä tëth, kä bɛ yɛ jakä cuŋ a thil bɛ̈l nhiam Kuɔth kɛ tɛ̈th lɔaac.

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 16:9

Cu naath waaŋ kɛ leth mi di̱i̱t, kä cukɛ ciöt Kuɔth in tekɛ buɔ̱m wi̱i̱ rikni ti̱ti̱ kuëth. Kä /kenkɛ rɔ ri̱t dueeri kɛ ɣöö dëë jɛ ka̱m liak.

Nyuuth 2:16

Kɛ kui̱ ɛmɔ, rietdɛ rɔ kä jiäkun. Kä mi /ciɛ jɛn, bä ben kä yɛ kɛ pɛ̈th, kä bä ben nyiëëny kɛ kɛ kɛ thɛp thuɔkdä.

Nyuuth 2:19

“ ‘Ɣän ŋa̱cä lätkun, nhökdun, ŋa̱thdun kɛnɛ ciaaŋ la̱tdun, amäni ruɔ̱tdun kɛ ŋɔaani bitdä. Kä ŋa̱cä jɛ ɛn ɣöö lätkun tin jɔak lënykɛ lät tëë nhiam.

Nyuuth 2:2

“ ‘Ɣän ŋa̱cä lätkun, kɛ buɔ̱m läätädun kɛnɛ li̱epdun bitdä. Kä ɣän ŋa̱cä ɣöö /cia nɛy ti jiäk nhɔk rɛydun. Ci yɛn nɛy tin cɔalkɛ rɔ̱ i̱ jaak, kä /ci tɔ̱ a jaak ɣɔ̱n, kä cia kɛ jek ɛn ɣöö kɛ ji̱ kacä.

Nyuuth 3:19

Ɣän luëkä kä dua̱a̱cä nɛy tin nhɔakä. Kä ɛnɔ latdɛ thuɔ̱k kä rietdɛ rɔ dueeri.